[علي الأسمري]

جيت مشتاق موت..ورحت مشتـاق مـوت
سـامـحَ الله عيوني..خلّـتِـك تسكتـيـن
جيت بأنشِد وش اللّي بعد طـول السكـوت
والبـلا ماحكيتـي يـاغـلا..وش تبـيـن
توعديني..وجيتك مـا سمعـت أيّ صـوت
وألاّ أنا في عيونك..شفت شـوق وحنيـن
شوق من جرْح قُرْب..وشوق من جرح فوت
يـاالله الـلّـي بـلانـا بالمحبة..يعـيـن
كنِّـك الاّ حيـاة..ولـذّة الـحـب قــوت
كيـف مـن دون قوتـي ياحياتـي تبيـن
أتـلـذّذ بنومي..والخـلايـق خـفــوت
في رجـاوي لقاك..وشوفتـك بـأيّ حيـن
آتنـهّـت..ومـرّة للـزفـايـر قـنــوت
تكتم الدمع عين..وتفضـح الشـوق عيـن
وكلمـا جيـت يمّك..تلزميـن الصمـوت
بالـدلَـع تذبحين..وبالـدّلَـع تستـحـيـن
وأنا قـرّرت ذبحـك بالدلـع ليـن أمـوت
يـوم قرّرتـي انِّـك بالـدلـع تذبحـيـن

وسلامتكم

[الجازي]

.


علي الأسمري ..

صح لسانك قصيدة في غاية الجمال
تستحق هذه القصيدة النشر ..
كما انك تستحق المتابعة ..
سأبحث عنك دوماً ..

أطيب تحية ..

.

[متعب الخامسي]

تستاهل النشر ابيات رائعه يا علي سلمت يمينك

تمنيت إنك تنزلها في قوافي البوح لكي تأخذ حقها من القراءة والمشاركة


صح لسانك وتمنياتي لك بالتوفيق

[علي الأسمري]

الجازي
صح بدنك
وتشرفت بمرورك العذب