الغربه قشرا يالربع

سيف الرعد · 18-06-2006, 02:16

السلام عليكم يا اخواني واخواتي
ودي آخذ رايكم في هالقصيده التي اعتبرها عصارة مخي لأن ماقلت إلا اهي ولا نيب شاعر لكني متذوق وارجوا ان تقولون رأيكم بصراحه ولا تجملوني وقصيدتي لها صه وهي انني مغترب عن الوطن بسبب العمل اثابنا الله واياكم وكنت في ديرتي بين اهلي وربعي وعند الأبل مرتاح آخر راحه ومستانس آخر وناسه لين ألله قدر علي وكلفت خارج الوطن في بلد إسلامي ولله الحمد وانقلبت الموازن فهاضت القريحه بهذه الأبيات وقد وجهتها إلى احد ابناء عمي واسمه محمد والقصيده تقول :

يامحمد خذ جوابي ثم رده = رده للرجال طيبين العموقي
خذ جوابي وافهمه ثم وده = لناس عجز عن مدحهم منطوقي
جواب من واحد البعد حده = وخطاه عقبهم صابها عوقي
من اول يامحمد لي هدة ورده = وقرنست في هدة طوال السبوقي
وفي خاطري يامحمد شوق لو تعده = ما تحصيه كان تحصي هل الشوقي
والله لا تجاره شاقتني ولا مكده = ولا مزون هلت والبروقي
ولامن تكحل وسطع لنا خده = وخلا قلوب هل الحب شقوقي
شاقني مجلس في شعيب تعرف حده = وتعرف مسايله والفروقي
مجلس فيه الوفاء والكرامه والموده = مجلس فيه الطيب والبن مسيوقي
مجلس لربعن موسدين الطلي يده = هم كرام الحا وهل السوقي
طيبين وصاروا للطيب ابوه وجده = من جدهم الاول وجدهم الفوقي
هم هل الطولات في الرخا والشده = وعلى ما اقول تراني محقوقي
بلغهم سلامي وخص ابوي وبده = وقله مني تراي يبسن العروقي
وحالي عقبهم ترا البعد هده = وعلى شوفهم تراني شفوقي
والله مالي رغبة في الصده = لكن علينا واجب ولنا حقوقي
وقل له ما اختلفت وباقي على عهده = بدوي احب واحن للنوقي
واحب شبة النار ونثرة العده = والمجاهيم إللي سنامها مفهوقي
وفي للرفيق ما ابيح سده = وحالف ما ينفتح به صندوقي
وصابر ولو طالت علي المده = ولو صرت للمر معشوقي
علوم عرفتها وتعلمتها من عنده = وفي التعلم تراي مسبوقي
سبقني ابو سعد ومحمد هل النجده = مكرمين الضيف كارهين السروقي
ورباح إللي بجبينه بانت السجده = عساه من ربي ما يذوقي
وصلاة الله كثر ماحل عقده = على النبي الامين الصدوقي

هذا ما هاضت به القريحه في الغربة وعساكم ما تذوقونها وارجو ابدا الرأي بكل صراحه ولكم جزيل الشكر

ثامر الشعيفان · 18-06-2006, 03:08

سيف الرعد ..

أهلاً بك وبحلولك الأول بيننا في شعبيات سعيدٌ لـ قدومك أخي الغالي
وكلماتٌ وعباراتٌ تعكس شخصيةً جميلة لك أخي ..

ولكن كـ قصيدة هي تحتاج إلى كثيرٍ من التركيز والتدقيق في الوزن
ولعل إخوتنا الكرام في منهل الشعر يبدون لنا رأيهم حول ما كتبت

أشكر لك سعة صدرك أخي الغالي

سيف الرعد · 20-06-2006, 11:26

ممممششششششششششكور الف ششششششششكر يا اخي العزيز ثامر الشعيفان

وتعليقك ونقدك للقصيده هذا دليل صدقك وتفانيك في هذا المنتدى الجميل
وانا بكل صراحة تشرفت بالنقد الجميل والموزون لكن ما باليد حيله
هذه القصيده إللي طلعت معي والظاهر انها الاوله والاخيره وبتصير يتيمتي
لأنها قيلة في ظروف الغربة عساكم ما تذوقونها ومعانات شخصية يطول شرحها
واشكرك يا المشرف العزيز ثامر ولا نستغني عن باقي الربع ترى الموضوع قابل للنقاش لأبعد الحدود

اضحك مع إللي ضحك والهم طاويني***** طيت شنون العرب لين قطرة ماها

وش السالفة · 31-07-2006, 11:54

قصيدة جميلة ورائعة ومعبرة
الف شكر
على هالقصيدة

18-06-2006, 02:16	#1
سيف الرعد عضو شعبيات	الغربه قشرا يالربع السلام عليكم يا اخواني واخواتي ودي آخذ رايكم في هالقصيده التي اعتبرها عصارة مخي لأن ماقلت إلا اهي ولا نيب شاعر لكني متذوق وارجوا ان تقولون رأيكم بصراحه ولا تجملوني وقصيدتي لها صه وهي انني مغترب عن الوطن بسبب العمل اثابنا الله واياكم وكنت في ديرتي بين اهلي وربعي وعند الأبل مرتاح آخر راحه ومستانس آخر وناسه لين ألله قدر علي وكلفت خارج الوطن في بلد إسلامي ولله الحمد وانقلبت الموازن فهاضت القريحه بهذه الأبيات وقد وجهتها إلى احد ابناء عمي واسمه محمد والقصيده تقول : يامحمد خذ جوابي ثم رده = رده للرجال طيبين العموقي خذ جوابي وافهمه ثم وده = لناس عجز عن مدحهم منطوقي جواب من واحد البعد حده = وخطاه عقبهم صابها عوقي من اول يامحمد لي هدة ورده = وقرنست في هدة طوال السبوقي وفي خاطري يامحمد شوق لو تعده = ما تحصيه كان تحصي هل الشوقي والله لا تجاره شاقتني ولا مكده = ولا مزون هلت والبروقي ولامن تكحل وسطع لنا خده = وخلا قلوب هل الحب شقوقي شاقني مجلس في شعيب تعرف حده = وتعرف مسايله والفروقي مجلس فيه الوفاء والكرامه والموده = مجلس فيه الطيب والبن مسيوقي مجلس لربعن موسدين الطلي يده = هم كرام الحا وهل السوقي طيبين وصاروا للطيب ابوه وجده = من جدهم الاول وجدهم الفوقي هم هل الطولات في الرخا والشده = وعلى ما اقول تراني محقوقي بلغهم سلامي وخص ابوي وبده = وقله مني تراي يبسن العروقي وحالي عقبهم ترا البعد هده = وعلى شوفهم تراني شفوقي والله مالي رغبة في الصده = لكن علينا واجب ولنا حقوقي وقل له ما اختلفت وباقي على عهده = بدوي احب واحن للنوقي واحب شبة النار ونثرة العده = والمجاهيم إللي سنامها مفهوقي وفي للرفيق ما ابيح سده = وحالف ما ينفتح به صندوقي وصابر ولو طالت علي المده = ولو صرت للمر معشوقي علوم عرفتها وتعلمتها من عنده = وفي التعلم تراي مسبوقي سبقني ابو سعد ومحمد هل النجده = مكرمين الضيف كارهين السروقي ورباح إللي بجبينه بانت السجده = عساه من ربي ما يذوقي وصلاة الله كثر ماحل عقده = على النبي الامين الصدوقي هذا ما هاضت به القريحه في الغربة وعساكم ما تذوقونها وارجو ابدا الرأي بكل صراحه ولكم جزيل الشكر

18-06-2006, 03:08	#2
ثامر الشعيفان شـــاعر	رد : الغربه قشرا يالربع سيف الرعد .. أهلاً بك وبحلولك الأول بيننا في شعبيات سعيدٌ لـ قدومك أخي الغالي وكلماتٌ وعباراتٌ تعكس شخصيةً جميلة لك أخي .. ولكن كـ قصيدة هي تحتاج إلى كثيرٍ من التركيز والتدقيق في الوزن ولعل إخوتنا الكرام في منهل الشعر يبدون لنا رأيهم حول ما كتبت أشكر لك سعة صدرك أخي الغالي التوقيع: "الحق صراط مستقيم، لا تحِد عنه طلبا للمدح لتغنم، ولا خوفا من الذم لتسلم، فالمدح والذم بلا معنى صوت والأصوات تسوق البهائم والمعاني تسوق العقول" الشيخ / عبدالعزيز الطريفي

20-06-2006, 11:26	#3
سيف الرعد عضو شعبيات	رد : الغربه قشرا يالربع ممممششششششششششكور الف ششششششششكر يا اخي العزيز ثامر الشعيفان وتعليقك ونقدك للقصيده هذا دليل صدقك وتفانيك في هذا المنتدى الجميل وانا بكل صراحة تشرفت بالنقد الجميل والموزون لكن ما باليد حيله هذه القصيده إللي طلعت معي والظاهر انها الاوله والاخيره وبتصير يتيمتي لأنها قيلة في ظروف الغربة عساكم ما تذوقونها ومعانات شخصية يطول شرحها واشكرك يا المشرف العزيز ثامر ولا نستغني عن باقي الربع ترى الموضوع قابل للنقاش لأبعد الحدود اضحك مع إللي ضحك والهم طاويني***** طيت شنون العرب لين قطرة ماها

31-07-2006, 11:54	#4
وش السالفة عضو فعّال	رد : الغربه قشرا يالربع قصيدة جميلة ورائعة ومعبرة الف شكر على هالقصيدة التوقيع: وانا بنت ابوي والله ماخلي بثاري .................................بجيبك مثل ماجبت من قبل عمانك!! وش السالفة

عدد المتواجدون في هذا الموضوع » 1 , عدد الأعضاء » 0 , عدد الزوار » 1