[العرجاني محمد]

السلام عليكم ورحمة الله وبركاته ...مساكم الله بالخير جميعا
هذه القصيدة عبارة عن مجاراة لقصيدة الشاعر الكبير سعد بن جدلان . أتمنى ان تحوز على رضاكم

عيت حروف القصايد في عيوني لا تشيب =كل ماطابت هجوسي جاها علم و نشّها
ماصويب إلا الذي من دورة الدنيا صويب=إللي لا طارت حلومه ولا قعدت في عشّها
ضاع وقته بين صابت أو عساها ما تخيب =لا خذا من الشام عذق واليمن ما دشّها
ويالبيب العقل ياللي مامثل عقلك لبيب=الوصل غصون رحمة والهجر محشّها
والخطا لا صار جالك من رفيق لك قريب=فلا تدقق ياالسنافي في الخطايا ومشّها
ماخلق في الناس كامل كل شخص وفيه عيب=والنوايا الله أعلم عن صفاها وغشّها
وأنت لو جالك تخير في الرفيق وفي الصحيب =فأختر أحرار نوادر والزلايب طشّها
أختر إللي لأستشاطت صامل ورأيه صليب=وأترك رخوم عرقها في اللزوم يبشّها
أبعد الله دار رجل في اللوازم ماينيب =شغلته يآكل وكفه في الجدار يمشّها
جعل أبيه الشين وأمه جعلها ماتجيب صيب=ودار يحل بثراها جعل يقطع رشّها

وسلااااااااااااااااامتكم

[محمد مدران اليامى]

وعليكم السلام ورحمة الله وبركاته,,

صح لسانك ياعرجاني..ولا هنت قصيده جزله ومجاراه لشاعر رائع

وأنت لو جالك تخير في الرفيق وفي الصحيب
فأختـر أحـرار نـوادر والزلايـب طشّهـا

طش~ـــــهــا

صــــدقـــــت

[متعب الخامسي]

لي عودة

[العرجاني محمد]

ومن قال مايهون يا محمد اليامي وصح الله بدنك ياالسنافي ....شرفتني بمرورك

[العرجاني محمد]

حياك الله يامتعب الخامسي ...مرورك شرف ياالسنافي