[عارف زينل]

السلام عليكم ورحمة الله وبركاته

متواضعه اتمنى لها القبول

المصايب زايره والهم في قلبي ضوا = والمصيبه يوم شفت الهم اربكني الصمود
ما لقيت اللي في داخل خافقي يومه عوا = ما لقيت الا بقايا ذيب وآثار الركود
ريح من يمناي هبت حامله صبري دوا = عاصفة دنياي من يسراي جابتلي وفود
الحزن والهم وآثار الفراق اللي شوى = في صميم القلب طيبه لين بيّن عالخدود
والهنوف اللي قلبها في قليبي ما روا = راحت وطرحت ضميري واخلفت كل الوعود
كنّها من يوم راحت ساس قلبي انعوى = هدّت البنيان كله من جدارٍ او عمود
لازم اصبح وآتنقل لين خط الاستوا = يمكن الاجناس فيها عندهم عدلٍ يسود
من بعد ما صار ضلعي ترعشه نسمة هوا = صارت الدنيا عواصف والبخت عيا يجود
الحزن مارد يداعبني مسك يدي لوا = والهموم اتدغدغني وآنا اضحك في جمود
يوم قلبي في خفوقه غير حبها ما احتوى = ليه خانتني وقلبي دايم الها في سجود
ما نوى الا عليها .. من بعدها ما نوى = يوم جازت هالوفا مني بنكران وصدود
والمصايب زايره والهم في قلبي ضوا = خايف اتقبّل عليّه واهيا ما ودها تعود

اخوكم

[علي الأسمري]

صح لسانك ياعارف
دمت بالف خير

تحيااااتي

[خالد العنزي]

العارف زينل

اجبرتني على تسجيل الدخول

رائع وممتع ماكتبت

تحياتي واحترامي

بعد تسجيل الأعجاب

[قهر يزيد]

شاعرنا القدير عارف زينل


حضور مرهف وشاعرية متألقة


صح بوحك ودام نبضك

[ثامر الشعيفان]

شاعرنا الجميل

عارف زينل

أثق بإحساسك يا صديقي
وأعلم بـ أن وراء نصٍ كـ هذا قلبٌ محب

إحساسٌ مرهف كـ عادة عارف

دمت بخيرٍ يا صديقي