الــ.. ( مها ) ..!

إبراهيم الوافي · 11-10-2005, 01:19

يقولون المها تجفل إذا ماشافت الصيَّاد
وأنا أقول المها تقبل علي وتحتمي فيني

ألا من يقدر يفرِّق مابين الموت والميلاد
إذا تبكين من ضحكي .. وتنثر دمعتك عيني

دقايق عمري الباقي بصوره كلبوها أبعاد
أقرِّبها من عيوني وأضيِّعها من ايديني

تقوليلي متى تكتب .. وشعري لاكتبت عناد
إذا بكتبكْ فعيوني .. بخونك في دواويني

أنا مثل المطر شعري وحلم الفاتنات بلاد
أبنثر فالمدى صوتي ..وابترك لك عناويني

تقوليلي لمن تكتب .. ابكتب فرحة الحساد
إذا قالوا تحبيني ..يشوفونك تجافيني

وأنا فاحزاني الشاعر .. وحرفي كلبوه حداد
حبيبة ماتت فعيني ، وماماتت بتلحيني

حبيبه كانت الدنيا وكانت لهفة الميعاد
وكنت الشاعر العاشق .. أزعِّلها تراضيني

حبيبة ماتت بلحظة .. ومالي فالممات جهاد
أبكتب بس بدموعي وأبرثيها وابرثيني

( يقولون المها تجفل .. وأنا ماني لها صياد
أنا ماصيدها لكن تجيني تحتمي فيني )

11-10-2005, 01:19	#1
إبراهيم الوافي وريث الرمل / شــاعــر وأديب	الــ.. ( مها ) ..! يقولون المها تجفل إذا ماشافت الصيَّاد وأنا أقول المها تقبل علي وتحتمي فيني ألا من يقدر يفرِّق مابين الموت والميلاد إذا تبكين من ضحكي .. وتنثر دمعتك عيني دقايق عمري الباقي بصوره كلبوها أبعاد أقرِّبها من عيوني وأضيِّعها من ايديني تقوليلي متى تكتب .. وشعري لاكتبت عناد إذا بكتبكْ فعيوني .. بخونك في دواويني أنا مثل المطر شعري وحلم الفاتنات بلاد أبنثر فالمدى صوتي ..وابترك لك عناويني تقوليلي لمن تكتب .. ابكتب فرحة الحساد إذا قالوا تحبيني ..يشوفونك تجافيني وأنا فاحزاني الشاعر .. وحرفي كلبوه حداد حبيبة ماتت فعيني ، وماماتت بتلحيني حبيبه كانت الدنيا وكانت لهفة الميعاد وكنت الشاعر العاشق .. أزعِّلها تراضيني حبيبة ماتت بلحظة .. ومالي فالممات جهاد أبكتب بس بدموعي وأبرثيها وابرثيني ( يقولون المها تجفل .. وأنا ماني لها صياد أنا ماصيدها لكن تجيني تحتمي فيني ) التوقيع: أنا لم أصفعِ الهواء.. كنتُ أصفّقُ فقط ..! https://twitter.com/#!/ialwafi

عدد المتواجدون في هذا الموضوع » 1 , عدد الأعضاء » 0 , عدد الزوار » 1