16-12-2001, 23:55
|
#1 |
|
عضو شعبيات
|
كل عامٍ وانتم بخير..ومن العايدين
السلام عليكم يالربع وعيدكم مبارك ومن العايدين الفايزين واستلموا لاهنتوا ياسلام الله سلام(ن)على كل الحضور****وكل عام(ن) وانتم بخير... ومن العايدين ودّي العب...مير ابي شاعر(ن) جسر..وصبور****ولانمانع لو تعاون علينا شاعرين  <======تحدّى وشكله تورّط   [ ديسمبر 16, 2001: تم تعديل الموضوع بواسطة : ساري الليل ] |
|
|
|
17-12-2001, 02:08
|
#2 |
|
عضو شعبيات
|
وعليكم السلام ورحمة الله وبركاته علينا وعليك يتبارك وكل عام وانت بخير واسمح لي ارد معك هالقاف اللي فيه تحدي وانا مقصودي الفايده وانا رحت وقريت مشاركاتك السابقه ويشرفني اني العب معك واستفيد الله الله مرحبا ترحيبة مادخل فيها غرور --------------------عاد عيدك وانته ابخير وامن الفايزين نزغة الشيطان جاتك بعد حل الفطور --------------------لاتضيع حسنة من نصيب الصايمين |
|
|
|
|
17-12-2001, 14:13
|
#3 |
|
عضو شعبيات
|
ياهلا وغلا بك ياجهز وعز الله انّك شاعر ومافيها كلام الله الله واستلم لاهنت أحتزم يالثاير اللي مع الثوره تثور****أحتزم.. واصبر.. وقل: يامعين الصابرين المثل قد قال"يظهر لك اللي بالقدور"****ويعرف الليّن... من القاسي اللي مايلين [ ديسمبر 17, 2001: تم تعديل الموضوع بواسطة : ساري الليل ] |
|
|
|
|
17-12-2001, 15:20
|
#4 |
|
عضو شعبيات
|
تسلم ياساري الليل وماعليك زود طال عمرك والعين ماتعلى الحاجب وانا محظوظ اني العب معك واستفيد طال عمرك الله الله جيت فاطر لك على فول والعلم امخبور -------------------- غاطي(ن) قلبك وقاطع طريق المسلمين0 والرحا من فوق راسك لها ساعه تدور -------------------- وانت جوّد حصنك اللي يورالك حصين 0 [ ديسمبر 17, 2001: تم تعديل الموضوع بواسطة : جهز ] |
|
|
|
|
20-12-2001, 02:18
|
#5 |
|
عضو شعبيات
|
ارحب ياجهز والعذر والسموحه على التأخير والله انا ظهرت للبر ولا جيت الاّ اليوم انا والزميل الجديد كلاشنكوف الله الله واستلم لاهنت مفطر(ن) فول(ن) ولاظنّي الفول محظور****وبتغدّى بك..ولو منتب بكبش(ن) سمين الوضو معروف يبطل صلاحك يالعفور****والمعاني واضحه...وانت رجّال(ن) ذهين |
|
|
|
|
23-12-2001, 09:28
|
#6 |
|
عضو شعبيات
|
انت يالكبش السمين انتبه لالاتبور -------------------- وانت طمعه طيبه مع رجال(ن) طيبين وانت لاتزعل ترى الهرج ماينقض طهور -------------------- وان حشرك الهرج منتب حساب الطاهرين |
|
|
|
|
23-12-2001, 23:47
|
#7 |
|
عضو شعبيات
|
الله الله طيب طيب اصبر اشوي |
|
|
|
|
23-12-2001, 23:51
|
#8 |
|
عضو شعبيات
|
استلم لاهنت في بلاد الفسق والمعصيه حل الدبوووور****والعقايب كلّها فال كل الفاسقين سهمنا صايبك فالقلب...والقبر محفوووور****مت والله يغفر ذنوب كل المذنبين |
|
|
|
|
24-12-2001, 22:13
|
#9 |
|
عضو شعبيات
|
العقوبه عند رب البشر يوم النشووور -------------------بس فالدنيا غبينه على المستضعفين ماتفيدك هرجتك عقب ذريت الذرور -------------------ومن مماتي فرّح والا علي جالك ونين |
|
|
|
|
25-12-2001, 01:02
|
#10 |
|
عضو شعبيات
|
هلا ياجهز الله الله استلم لاهنت عند رب الكون يالله عسى الذنب مغفور****بس فالدنيا نعالج خطايا المخطيين ياعميل الخير قلّي وش انت من الطيور؟****ومن مماتك لاني بفرح(ن)...ولاني حزين |
|
|
|
|
25-12-2001, 03:30
|
#11 |
|
عضو شعبيات
|
القسيمه جتك ياهيه من رجل المرور ----------------وانت ماتحسب غبي وانت ماتحسب فطين والله انك تعرف الحر شلاق النحور ---------------- واعرف انك ذيب مانتب سواة ابا الحصين |
|
|
|
|
25-12-2001, 06:21
|
#12 |
|
عضو شعبيات
|
ارحب ياجهز الله الله استلم لاعدمناك دربنا ياصاحبي معه ممنوع العبور****والله انّك ماتطبّه على مر السنين اشهد انّك طير حر(ن)..ووكرك فالجحور****لك وصوف(ن)غير...سبحان رب العالمين |
|
|
|
|
25-12-2001, 09:53
|
#13 |
|
عضو شعبيات
|
اجرحوك وصرت ضاري على جرح الشعووور ------------- والله اني تبت ما اجرح شعور الاخرين سيرتك سيره ياساري بليل بدون نور ------------- ولا آمن انك صرت عبثه بكف العابثين |
|
|
|
|
26-12-2001, 05:54
|
#14 |
|
عضو شعبيات
|
هلابك ياجهز واستلم طال عمرك كل من يجرح شعورك بذا الوقت معذوووور****وساحة القلطات ماتعترف بالناعمين سيرتي معروفة(ن)عند وافين الشبوووور****ولاعليك خلاف يانسل ذربين اليمين |
|
|
|
|
26-12-2001, 06:19
|
#15 |
|
عضو شعبيات
|
لاتلف السالفه لو غدت صبر ومرور ----------- يازقينك يالغليم على اللفه زقين اشهد انه يعرفك وافي الشبر بسرور ----------- ولاعليك الا الحمل وانت ترسي يارسين0 شكرا اخوي ساري الليل على انك اتحت لي هالفرصه للاستفاده منك والى اللقاء انشالله في محاوره ثانيه [ ديسمبر 25, 2001: تم تعديل الموضوع بواسطة : جهز ] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
