11-12-2001, 17:19
|
#1 |
|
عضو شعبيات
|
محاوات بن سبيل والمطوع
الشاعر ابن سبيل علم من اعلام الشعر كانت له محاورات كثيره مع مطوع نفي (محمد بن سعيدان) والكثير من التحديات <<<اشكر اخوي ابونوت انه لفت انتباهي لها>>> وهذا انا جزء من اللي قدرت احصل عليه قال سعيدان يصف نجره: نجر المطوع يوم سامه دغيلـيب ///// قالوا تبيعه قلت والله مابيعه ابغي الى جونا هل الفطر الشيب ///// اجواد مرفقهم عدو الشريعه اول قــــراهم دلتــــيـن وترحيب ///// ترحـيبة سهله بنفس رفيعه مانيب احب اللي بجنبه عذاريب ///// طبيـعتي يا حيها من طبيعه لعل رجل ما يعرف المواجـيـب ///// تجــيه ليعات الـليالي سريعه ورد عليه بن سبيل: اللي يجي يمه هل الفطر الشيب ///// شرق عن الهـيشه يسار الرفيعه ولا المطوع كل هرحه تكاذيب ///// والى بغى ماهــيب تـرفه تطيعه قال سعيدان يمدح نفسه بالكرم ويصور مجلسه العامر: ان ضاق صدري قمت اصوت النوره ///// هاتي حطب ورميه للجار والضيف من قــــدم ولـــد الاش يــــبدي بشوره ///// حمست من بن اليمن غايـة الكــيف رد بن سبيل: امطوع يا كثر هوله وجوره ///// كيـله على دور السنه مد ونـصيف وادلالهم دب الليالي مهجوره ///// وخطارهم ماغيرابو زيد وحنيف |
|
|
|
12-12-2001, 04:38
|
#2 |
|
شـــــاعــــــر
|
جمر الآهات السلام عليكم الله عليك ماكثر اهتماماتك وكلها تتميزين فيها حلوة هالمساجلات السريعة بين الشاعرين . اشكر لك تجاوبك مع رغبات القراء حنا كسالى نبغى نقرأ بس وعلى فكرة ترى المطوع الي هو محمد بن سعيدان اشتهر بالكرم الشديد رغم فقره الشديد كذلك . بس الشاعر ابو سبيل يحب يداعبه دايم لأنه صديقه . طبعا تقولين وشلون عرفت كنت انا وياهم شله وحدة ما نتفرق لين يجينا النوم لا وبعد كم مره ننام في بطحى نفي (الوادي) اقصد وادي نفي لأن الناس ذاك الحين في فصل الصيف (القيض خاصة ) ينامون بالشعيب هههه امزح لاتصدقون اني اعرفهم الله يرحمهم ابن سبيل توفي مابين عام 1350ـ 1360هـ تقريبا . لعل اختنا جمر تكون انشط منا وتكتب عن حيات الناس منول |
|
|
|
|
12-12-2001, 07:40
|
#3 |
|
عضو شعبيات
|
هلا والله اخوي ابو نوت انا اللي اشكرك على لفت انتباهي لمساجلاتهم واشكرك على ردك وبلعكس منتم كسالى فيكم الخير والبركه وماحنا الا جزء من نشاطكم *********** اجل لك مع الشاعرين صولات وجولات بالشعبان ههههههههه اجل ليالي الانس ماهي بفينا بالشعيب والله ياشعبان نجد انها تسوى فينا والديار اللي حولها زينها بأهلها *********** حبيت اسالك فيه شاعر معاصر اسمه محمد بن سبيل هل هو من عيال بن سبيل الشاعر اللي تكلمنا عنه؟؟؟؟؟ وتحياتي اخوي لك مره ثانيه |
|
|
|
|
13-12-2001, 15:59
|
#4 |
|
عضو شعبيات
|
اختي جمر الاهات احببت ان اعلق هنا على نقطة اعجبتني من ردك على الأخ ابو نوت ( والله ياشعبان نجد انها تسوى فينا والديار اللي حولها زينها بأهلها ) لقد اثر بي هذا القول حد ( الثمالة ) واعترتني رغبة في الذهاب الى ( نجد ) ولكن حري بقلب المعنى ان يبتعد عن كل ما يحب حتى من التراب فقط اقول كلمة كتبتها على جدار غرفتي في يوم من الايام في سكن الجامعة ( لكل انسان عشق ... وعشقي نجد ) اما مايخص الشاعر محمد بن سبيل فأسمه الكامل محمد بن عبد العزيز بن عبدالله بن سبيل من سكان مدينة نفي وهو محرر شعبي سابق بجريدة المدينة وعمل مقدما لبرامج البادية بالتلفزيون وعمله الاساسي بامارة حاضرة نفي ( وكيل الامارة ) والاهم من ذلك انه حفيد الشاعر المعروف هذا مايحضرني الآن على عجالة وان اردتي المزيد فتأكدي انني في خدمة اختي الصغرى [ ديسمبر 13, 2001: تم تعديل الموضوع بواسطة : جساس ] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
