11-02-2002, 01:03 | #1 |
شـــاعــر
|
بدر التمام ( المشاركة الثانية ) الاهداء الى الجميع......
الاخوان أعضاء منتدى شعبيات. اضع بين يديكم المشاركة الثانية لي عسى ان تحوز على رضاكم أولا واعجابكم ثانيا. أحببت أن اصافحكم بقصيدة جديدة ولكن لم استطع ولم أجد الا هذه القصيدة عسى أن تشفع لي عنكم . فمنكم العذر اذا قصرت ومنكم السماحة اذا أخطأت . بدر التمام ياحميد الليالي ما تجيب السلام ………هذا أنا والليالي تلمع بنابها جيت كلّي سوالف ما لقيت الملام ………واعتليت المشاره لين أرقابها في حشايه بيوتٍ(ن) ما سكنها الكلام ……… كود ريح(ن) تهب وهزّت أطنابها بالسما غيمتين ولو تضم الحمام ………سال وادي عروقي وأروت ترابها أيه والذنب فيني ما يخاوي منام ……… والذنوب بضميري نمت واصحايها والفقر والمضيقة والشقا والظلام ………لا اهتديت ابّعضها تهت باسبابها من صيام رمضان اليا رمضان الصيام ………كل باب(ن) فتحته ما طلع بابها كود جر الزقاره والسهر والعسام ………وضيقة الخلق فيني تبدل ثيابها كل ما قلت هانت ما تجي بالحلام ……… أحيان أرضابها وأحيان ما أرضابها أعرف اني أضيم ولا عرفت المضام ……… وخوةٍ(ن) ما تشرّف ما بلشنابها الرجولة رجولة والرخامة عدام ……… والرجاجيل ما هي بفتلة أشنابها وهالرجل وش يجيبه دام ماله مقام ……… تزهاه بشت الرخامه وهو يزهابها دام حالي تردى ما عليّه ودام ……… نبتة العز فيني أسقي أعشابها والغنوج إن سكنها من غرور وغرام ……… ما لفحني هواها ورفـّة أهدابها من عرفها خفوقي من خصام لخصام ……… مرات أعدل بها ومرات أطغابها غير أم الجدايل والخصر واللثام ……… إن بديت بغلاها قمت أبدابها جادل ما تلاها غير بدر التمام ……… تغري كفوفها صبغة خضابـــها بين حد السفاهة والطغا والحرام ……… لا تخالط بردها وجمر عنّابها من أول العام قلبي ما سلاها وشام ……… وكل فجر حضرته نام وامسابها يا رفيقي طلبتك خل ليّه حزام ……… دام مثلك قليل وقل بحسابها الليالي اتقلّب يالشجاع الهمام ……… تنبح ذيابها وتعوي كلابها أخوكم / عبدالله مران (1)- http://www.eqla3.com/cgi-bin/sh3r/ul...c&f=5&t=000753[ فبراير 10, 2002: تم تعديل الموضوع بواسطة : عبدالله مران ] [ فبراير 10, 2002: تم تعديل الموضوع بواسطة : عبدالله مران ] [ فبراير 10, 2002: تم تعديل الموضوع بواسطة : عبدالله مران ] |
11-02-2002, 01:08 | #2 |
شـــاعــر / صــحفـي
|
الجميل م عبدالله مران أولا سجلني أول من يرد على قصيدتك الرائعة وبسرعة ثانيا أرجو أن تراجع بعض أبياتها لأني أعتقد أن هناك أخطاء مطبعية بها ثالثا صح لسانك وقديمك جديد |
11-02-2002, 01:15 | #3 |
عضو شعبيات
|
بالسما غيمتين ولو تضم الحمام ………سال وادي عروقي وأروت ترابها أيه والذنب فيني ما يخاوي منام ……… والذنوب بضميري نمت واصحابها والفقر والمضيقة والشقا والظلام ………لا اهتديت ابعضها تهت باسبابها يا رائع يا رائع صح لسانك ويسلم قلبك هو الشعر الهدف حس الرهيف بغيبة الغيـّـاب بعودتهم / بمن حوله / بجوع الشارع الهادي |
11-02-2002, 01:15 | #4 |
شـــاعــر
|
محمد البريكي تسلم وقبل لا ارد عليك الله يخليك انسخ الابيات ووضحها لي برد جديدالله يخليك لأني صارلي ساعتين أكتب فيها. |
11-02-2002, 01:25 | #5 |
عضو شعبيات
|
اخووي .. عبدالله مرّان صح لسانك ولا هنت قديمك جديد وكل شي منك يطربنا .. رووووووووووووعه .. سلمت يمينك يالغالي تقبل تحيااتي maw3oood |
11-02-2002, 10:49 | #6 |
عضو شعبيات
|
اخوي عبدالله مران . . . . بالسما غيمتين ولو تضم الحمام ………سال وادي عروقي وأروت ترابها . . لله درك من شاعر صح لسانك يالغالي . . . . و تقبلو تحيات......... <<<<<<<< هالاطخم |
11-02-2002, 11:59 | #7 |
رفيــق الحــزن
|
اخوي الغالي عبد الله مران صح لسانك يالحبيب واسعدني قديمك الرائع . لا داعي للتعذر فانت شاعر كبير ولك كل التقدير . في حشايه بيوتٍ(ن) ما سكنها الكلام ……… كود ريح(ن) تهب وهزّت أطنابها بالسما غيمتين ولو تضم الحمام ………سال وادي عروقي وأروت ترابها وصف جميل سلمت يداك ولك اجمل تحيه . |
14-02-2002, 15:34 | #8 |
عضو
|
اخوي عبدالله بن مران من صيام رمضان اليا رمضان الصيام ………كل باب(ن) فتحته ما طلع بابها صح لسانك يابن مران إحتراف في اللإلفاض رائع عسى السعد فالك وإسلم يابن مران إسلم وتقبل تحياتي والسلام |
14-02-2002, 16:16 | #9 |
عضو شعبيات
|
عبدالله مران يبدوا انه فاتني الكثير والكثير من هذا الأسم والدليل قصيدك اللي كان مدرج "بالقديم" !! كيف لا وانت تقول فيها: في حشايه بيوتٍ(ن) ما سكنها الكلام ……… كود ريح(ن) تهب وهزّت أطنابها بالسما غيمتين ولو تضم الحمام ………سال وادي عروقي وأروت ترابها لله درك يا شاعر صح لسانك ولاهنت..وتراي انتظر جديدك |
14-02-2002, 20:42 | #10 |
رحمة الله عليه
|
الرجولة رجولة والرخامة عدام ……… والرجاجيل ما هي بفتلة أشنابها - - كفو والله يابن مدران وافي ولاانت بهافي وصح والله لسانك وتسلم يمينك - ابيات حكمة - وابيات نسمة - وابيات دسمة لاهنت ياذيبااااااااان اخوك / عبدالهادي |
14-02-2002, 23:23 | #11 |
شـــــاعــــــر
|
اخي الغالي عبدالله مران السلام عليكم صح لسانك وبيض الله وجهك على هالمجهود الرائع بروعة صاحبه وملا حظة اخي محمد البريكي في محلها هناك ابيات لو سقط منها بعض الحروف لستقام بناؤها0 لو اعدت النظر فيها لوجدت الملاحظات وهي بسيطه ان شاء الله واهتمام شخص مثلك لا يعيقه ذلك ابدا 0 تحياتي وتقديري اخوك ابو نوت |
16-02-2002, 18:45 | #12 |
عضو شعبيات
|
عبدالله مران مبدع ورائع صح الله لساااااانك ولاهنت |
16-02-2002, 19:05 | #13 |
شـــاعــر
|
اخوي المدهر يسلم قلبك وصح بدنك وتسلم يالغالي,,,,,, أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
16-02-2002, 19:10 | #14 |
شـــاعــر
|
موعود صح بدنك والروعة ردك يا أخي ويسلم حسك وقلبك . وبعدين. يا موعود ترى عدلت الموضوع بسبب الأخطاء اللي حصلت واللي لا للحين ما أدري وش هي وما أحد وضح لي وأعذرني على التأحير . وقبل شكري على ردك أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
16-02-2002, 19:15 | #15 |
شـــاعــر
|
حمود الفلته لله درك من شاعر كبيرة علي يا حمود والله العظيم كبيرة وتوني ما وصلت للمستوى هذا . يا أخي ردك علي أسعدني أسعدني أسعدني والله يبيض وجهك يا حمود والله العظيم انك أحرجتني. واعذرني على التأخير أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|