30-04-2005, 19:06
|
#1 |
|
موقوف
|
ديــوان الامير الشاعر///عبيد العلي الرشيد
حنا بهالمنتدى هذا نحاول نجمع كل ماهو ناادر وشيق ،، وأن نحفظه للأجيال القادمه ،، فأحببت أن نجمع ديوان الشاعر والامير عبيد العلي الرشيد ،، وحتى نسهل على المتصفح البحث ،، بدلاً أن يبحث في أكثر من صفحه ومواضيع مخلتفه ،، بل نجمع له هذه القصائد في موضوع واحد ،، باسم ديوان الامير عبيد الرشيد ،، بعد اذن الاداره طبعن بسم الله
القلب مـن كثـر الهواجيـس قـزان = مايستريح من الدهر ربـع ساعـه /ياغافر الـزلات ياوالـي الأحسـان = تجعل من التقوى لنفسـي بضاعـه أنـا علـى لانٍ وربعـي علـى لان = متخالف(ن) رايي وراي الجماعـه أنـا ولـد علـي سلايـل كحيـلان = الله خلقـنـي للسبـايـا وداعــه ماني هتيمين يربـت علـى الضـان = ويعطي لطـلاب الجنايـا رتاعـه أضرب على الكايد الا صرت بلشـان = عند الولي وصل الرشا لانقطاعـه الناس ماترويك لا صـرت عطشـان = لاصار مافعل الفتـى فـي ذراعـه عيب(ن) على اللي ينثني عقب مابـان = ويرضى بطمان النفس عقب أرتفاعه <b>أما نجيب عقـود حصنـن ومرجـان = والا فهي لبليـس طـار بشعاعـه وا طربة الدنيـا مـع الفجـر دخـان = واكرارة(ن) بطراف خطو الصعاعه \ / \ /يقال ان رجلا من وجهاء بريدة يدعى عبدالمحسن ال سيف كان يتردد على مجلس ال رشيد وفي احد الايام سأله امير حائل طلال بن عبدالله الرشيد عن عيوبه وعيوب عمه فجاوب بعد اخذ الامان : انت يا طلال عيبك الوحيد عدم تقديرك للاجاويد وخيار الناس عندما يتعريك الغضب واما عبيد ففيه جميع الخصال الحسنه وسيئته الوحيدة هو عظم تقديره للصلبي ساهي اذا دخل في المجلس اقربه حوله وادناه بجانبه . فقال عبيد : نعم يا عبدالمحسن فهذا رجل طيب وفيه شجاعه وهمة عاليه ونفس ابيه عن الادناس وانشد هذه القصيدة :
طلبـت ربـي عالـم السـر والغيـب = يقبل صلاتـي ولـه يقبـل صيامـي ويجعل لنا عرض نزيـه عـن العيـب = ويفكنـا مـن شـر ســو الاثـامـي ابـن ادم ملفـي الخطـا والعـذاريـب = لو مـا فعـل رميـت عليـه التهامـي جليت عن نفسي شبـا الشـك والريـب = ولا حسب يلقون العـرب بـي كلامـي وربعي لقوا بي عقب ما شبت انا عيـب = بتسطيـر كتـب مفسريـن الاحلامـي قلت : اخبروني ويش مغضى هكا العيب = قالوا : علـى ساقـة رفيقـك تحامـي قلت : ان هذا مـن قديـم لنـا عيـب = مستارثينـه مـن خـوال وعمـامـي العيب تـرك المعرضـة بالمواجيـب = والا الرفيـق بفزعتـه مـا نـلامـي رفيقنـا كنـه بــروس الشخانـيـب = فـي راس حيـد نايـف مـا يظامـي رفيقنـا مـا نجدعـه للقصاصـيـب = يجبـر بنـا لـو مكسـره بالعظامـي ورفيقنا لو هـو مـن الجـد بصليـب = متجـود مـنـا بــراس السنـامـي والشـر مـا نسعـى لجـره بتقريـب = ونـذرا الـى هبـت لنـا بالـولامـي هـذي قدايمنـا الا عــدوا الطـيـب = وكـل يريـع لفعـل اهلـه القـدامـي ويوم الوغى مـا نستشيـر الزواريـب = لاا طار عـن سـود العيـون اللثامـى مرطاضنا يشبع بـه النسـر والذيـب = ونروي معاطيش السيـوف الظوامـي نلحـق علـى سـرد يجنـك جناديـب = بمطارق مـع مثـل صـف النظامـي يتلـون ابـو بنـدر ربيـع السعابيـب = اللـي علـى ميـره تعيـش اليتامـي فان سلـم راس مبيـد الكنـس النيـب = حريبنـا مــا يهتـنـي بالمنـامـي عنوا بهـا ركـاب عـوج المصاليـب = من مصـر الغربـي الـى دار يامـي شارخ اخذنـا بـه زيـون المهاليـب = وش جاب سطوة مطلب وابـن سامـي اخر تعديل كان بواسطة » سعود الخويطري في يوم » 06-05-2005 عند الساعة » 15:48. |
|
|
|
01-05-2005, 16:47
|
#2 |
|
شـــاعــر
|
رد : ديــوان الامير الشاعر///عبيد العلي الرشيد
الاخ الشاعر \ محمد الشمري اختيار موفق لقصائد جزله شاكر لك مشاركتك في خيمتنا الشعبيه وآمل منك التواصل يا الشمري تقبل اصدق التحايا \ مرزوق |
|
|
|
|
01-05-2005, 18:43
|
#3 |
|
موقوف
|
رد : ديــوان الامير الشاعر///عبيد العلي الرشيد
كبيرهم الذي علمهم الشعــر//مرزوق بن فيحااان اشكرك على هذا الدعم لي وانشاء الله اكون عند حسن الظن واكمل مشوار هذا الشموووخ واحب اضافة هذه القصيده التي قالها في معركة بقعاء سنه 1257 هـ :-
يا مـل قلـبٍ فيـه تسعـة وتسعيـن = هجـسٍ وهاجـوسٍ وعـدلٍ ومايـل يديرهـن دولاب الافكـار تسعـيـن = بالصـدر ينشـر دقهـن والجـلايـل واصبحت منهن خالـيٍ كـود ثنتيـن= سعدى ومصقولٍ ( 1 ) يداوي العلايل وخماسيٍن( 2 ) غمقٍ صوابه وجوزين = إلى جذبوا شـروا بـروق المخايـل يا دارنا مـن جـاك جينـاه عجليـن = بالليـل نسـري والصفـر والقوايـل فإن كانهـم عنـا بالانشـاد محفيـن = من الراس مـا يحتـاج رد الرسايـل حضر الجبل والبدو نـاسٍ صليبيـن = يتلننـا حمـلات ســود الجـدايـل جينـا صبـاح وهـم لنـا مستكنيـن = وثار الدخن من حـر صلـو الفتايـل وحصل لنا عقب المواصل وفا الديـن = وراعي السـف رده عليـه الجمايـل ومن فضل رب العرش عدل الميوازين = صارت على القصمـان وأولاد وايـل عجاجة ٍ تجلى صدى القلب يا حسيـن = دبيـلـة ٍ مــا مثلـهـا بالدبـايـل كـم خيـر ٍ داجـه عليـه الغلاميـن = خلـوا دماغـه عـن علابيـه مايـل ربعـي مرويـة السيـوف المسانيـن = خلو صفـا بقعـا مـن الـدم سايـل واللي ذبحت بشذرة السيـف تسعيـن = ايضا ولانـي عـن طردهـم بسايـل ذبحت أبو صالح صعـوط المجانيـن = واودعـت دم الشيـخ بالقـاع سايـل واللـي وطينـا مـا تشوفـه محبيـن = والكـذب تنفـاه العلـوم الصمـايـل جيته بمقدم سربة وقـم الالفيـن( 3 ) = كن الشهـر بـه ديدحـان الماسيـل جونـا يبـون ديارنـا والبساتـيـن = يبغـون منزلـنـا قـفـارٍ وحـايـل يقولون جده يوم صولـة هـل الديـن = قـادو عليهـم ذاهبـيـن الحمـايـل ودلا على ربعه يسـوق الفراميـن(4) = فيـد عمـاهـم تايهـيـن الـدلايـل ويصيح مثل البارحه مـا هنـا شيـن = ولا حصل يا كـود قطـع الوصايـل واليـوم يبغـونـا وحـنـا معيـيـن = نسند بحد السيـف مـن جـاه عايـل ويلا عطوا حـق الديـار الهزازيـن= فحنا الـى عـدت رجـال الحمايـل ربعي على حرب المعادي ضريريـن = هـم مـن قديـم كاسبيـن النفـايـل أغـراه بالمكحـول خـرط الفراقيـن = وعرضاتهـم بمشـرفـات النثـايـل أطـاع حكـي الذايـدي والسلاطيـن = كـم واحـدٍ قبلـه رمـي بالحبايـل نـاسٍ يبـون العـز منهـم ذليليـن = وش قال مشعانٍ( 5 ) بهـم بالاوايـل عند اهله اللي يلبسـون التواميـن(6) = إلى اجذبوا شروى بـروق المخايـل يتلون عيد الضيف ريـف المساكيـن = الشيخ أبو متعب(7) عزيـز النزايـل الى سلم راس الشيخ حنـا عزيزيـن = نرجيه من معطي العطايـا الجزايـل إلى بغا أمـرٍ مـا يطيـع المشيريـن = الحيـد شيـال الحـمـول الثقـايـل وصلوا على قنديل سكـن الحجازيـن = راعـي المقـام المعتلـى والرسايـل ومني عدد ما شمّـع اللبـن بالطيـن = او مـا لبيـت الله تشـد الرحـايـل 1/سعدى ومصقول : سعدى فرس عبيد بن رشيد .. ومصقول سيفه 2/ خماسي ٍ : يقصد البواريد. 3/وقم الالفين : حول الالفين 4/الفرامين : الأوامر السلطانية . 5/ مشعان : هو مشعان بن هذال . 6/ التوامين : السراويل . 7/ ابو متعب : هو الأمير عبداللي العلي الرشيد اخو عبيد . / / / / / اليكم أحد قصائد الأمير عبيد العلي الرشيد بعنوان ( ضياغم ترخص حلاله والأرقاب ×× ودون الرفيق ابمالهم مايدارون )
يالله ياللي للجزيلات وهاب = تعطي ولاجزل العطا منك ممنون ياغافر الزلات يارب الأرباب=ياناصر موسى على قوم فرعون تفتح لنا من باب نصرلنا باب=واصحاب بدر وأن فتحته يحضرون آمين ياقاض الحوايج والأنواب=ياوامر وامرك على الكاف والنون ياراكب اللي لامشى يوثب أوثاب=لاشفتزوله يختفق تقل مجنون عقب أربع يلفي عزيزين الأقراب=اللي على الديره قديم يحامون قل بدال ماكزيت خط ونجاب=لابد مانمسي وناصل على الهون ان كان تشكي لي خليف وحطاب=فالله خبر بعهود اللي يبوقون وان كان تنخاني فانا عوج الأطناب=ولا وسيفي لك على الضد مسنون حنا هذولا مجهدين بالأطلاب=نتنا مراسيل من الهند يلفون ان سهل الباري وجينا بالآطواب=السعر ماينقص عن اللي تعرفون آتيك بجموع يعيون الآداب=واويل من باشناف نزله يحلون ضياغم ترخص حلاله والأرقاب=ودون الرفيق بمالهم مايدارون وانتظر من يعاوني بجلب المزيد من هذا الصــرح اخر تعديل كان بواسطة » سعود الخويطري في يوم » 06-05-2005 عند الساعة » 15:53. |
|
|
|
|
01-05-2005, 18:47
|
#4 |
|
موقوف
|
رد : ديــوان الامير الشاعر///عبيد العلي الرشيد
وهذه أحدى قصائد الامير عبيد الرشيد ،، وقالها عندما طلب منه أحد ولاة الاتراك فرسه أن يبيعه له ،، فجوابه بهالقصيده يوم يقول
يابيه أنا لكروش* معطي ولا بيع = قبلك طلبها فيصل وابن هـادي* يابيه لو كثـرت بالقـول ماطيـع= ياحيف تبغانـي أسلـم جـوادي يابيه مايرهم علـى مثلهـا البيـع = ولا يجـي مثلـه بقـودة مهـادي ما جمع أصله بالقراطيس تجميـع = أصله يعرفونـه جميـع البـوادي باغ(ن) الى مالقموها المصاريـع = وصاح الصياح وثار عج الطرادي أنهج عليهـا واتعـدى الترارتيـع = مثل الفحل لاصار وقت الهـدادي وأصلها لعيون بيض(ن) مفاريـع = فوق الحنايـا والسبايـا غـوادي هذاك بيعـه والصبـاي مفاريـع = بين القنـا ومخفـرات الهنـادي هذاك بيعه كـان ماتفهـم البيـع = ليامنهن جِلبـنّ بسـوق المـزادي يابيه أنا ماسمع كلامك ولا طيـع = هرجك مقلة ناظـري والفـؤادي ياسابقي مانرخصـك بالمطاميـع = حتم(ن) ولو قيل أرفعوا بالجوادي أبقي الى ثار الدخـن بالزعازيـع = وحطن على عجلاتهن والعـدادي بيوم(ن) يشيب من حذاه المراضيع = حدن وحاديهن من الخوف حـادي أنطح ورا ربعي وجيه المداريـع = وأقضي عليها دينهـم والعبـادي وانشد عني وعنها بعاد المفازيـع = هو هرجنـا كذبـن والا وكـادي من لابة بالحرب ماهـم مطاويـع = ولاتحسب المداس هـو العـوادي حلفت مايطري علينا بهـا البيـع = الا الحشر يفخت سواده سـوادي ما دام راسي للريـاح الذعاذيـع = بالعون طالبها من الناس غـادي وصلوا على محمد خير المشافيـع = اللي لنـا يشفـع بيـوم التنـادي * (كروش ) = وهي اسم فرس عبيد *(فيصل وابن هادي ) = يعني بهم فيصل الدويش شيخ مطير ،، ومحمد بن هادي القحطاني اخر تعديل كان بواسطة » سعود الخويطري في يوم » 06-05-2005 عند الساعة » 15:56. |
|
|
|
|
04-05-2005, 01:31
|
#5 |
|
العضوية الماسية للموقع
|
رد : ديــوان الامير الشاعر///عبيد العلي الرشيد
محمد الشمري اختيار موفق الله يوفقك ويرحم الشاعر الكبير عبيد الرشيد . |
|
|
|
|
04-05-2005, 01:39
|
#6 |
|
العضوية الماسية للموقع
|
رد : ديــوان الامير الشاعر///عبيد العلي الرشيد
|
|
|
|
|
04-05-2005, 06:51
|
#7 |
|
عضو شعبيات
|
رد : ديــوان الامير الشاعر///عبيد العلي الرشيد
قصائدة رائعة وشاعر وفارس معروف ويستاهل ونعم والمواضيع لـ تخليد شعرة وبطولاته بيض الله وجهك يـ محمد , وأسمحلي بالقراءة والعودة لهكذا متصفح جـززل تقبلوا سـلأمي واشواقي الخويطري |
|
|
|
|
04-05-2005, 16:44
|
#8 |
|
موقوف
|
رد : ديــوان الامير الشاعر///عبيد العلي الرشيد
نـادره اشـكرك على ردك الجميل واختيــارك الي يدل على الذواقه الرفيعه تحياتي لك |
|
|
|
|
04-05-2005, 16:45
|
#9 |
|
موقوف
|
رد : ديــوان الامير الشاعر///عبيد العلي الرشيد
سعود الخويطري اشكرك على جميل ماتطرقت به من اميرنا الاسطوره تحياتي لك |
|
|
|
|
04-05-2005, 16:59
|
#10 |
|
موقوف
|
رد : ديــوان الامير الشاعر///عبيد العلي الرشيد
كان عبيد كأمير وفارس ممدوحاً من قبل شعراء عصره ، وله في ذلك مواقف طريفه لابأس من أن نورد بعضها ، ومنها ان شاعراً أعمى جاءَ ليسأله "يشحذ منه" جاء يمدحه فقال عبيد : "سأكافأك بقصيده أجود وأطولَ منها " . فقال الشاعر:
لاصرت أنا قصّاد و"عبيــد" قصـاد. = .ما للعمى عند المفتـح حذيّـه !!
( يعني أنا جاي أبيه يعطيني فلوس .. يعطيني بدالها قصيده ) ؟!! وبعد هذا الرد السريع أمر عبيد له بناقه ، ولما أخذها الشاعر أخذ يتحّسس سنامها ، فقال له الرجل المكلف بالعطايا : لاتخاف ، إنّها سمينه ، فرد الشاعر : أعلم أنها سمينه .. فالأمير لايعطي إلاّ السمينه ، ولكنني أتلمّس سنامها لأرى ماإذا كان الامير خبّأَ لي في شعفة سنامها "خرجيه" من النقود ! فأسرع الرجل الى عبيد اللذي أمر بالإسراع في وضع النقود لكي لايُكذِّب حدس الشاعر في كرمه . ** ومن مواقف عبيد مع الشاعارات وفود شاعره تدعى "ظاهره الشراريه" من أهل الجوف .. وقد جاءته مستنجِده من قوم يدعون "السبيلة" اشتروا منها شاةً ورفضوا دفع ثمنَها ولا المسير معها للقضاء "الشرع" فقالت :
ياعبيد عيّوْا لايجـون السبيلـه = عيّوا معي للشّرع ياعبيد يمشون الحق ظلمـا ..والمصقّـل دليلـه = ولاتنقِضي حاجات من يتِّبِع الهون فمكّنَها عبيد من حقها . ويبدو أن هذه الشاعره كثيرة الوفود على عبيد ، وذات مره جاءت إليه تشتكي من ابنتها التي كبُرَت ونبغَت في الشِّعر وسابقتها على الوُفودِ على الحُكّام ، وتعدّتها في الشُّهره فقالت الأُم غيرة :
ياعبيد وحده من بناتـي كوتنـي = كوي المريض اللي تجدّد مكاويه عرّفتها الحكـام ليـن اغلبتنـي = العفو ، كيف الكلب ياكل مربِّيـه لا واحسايف نقلَها فـوق متنـي = غير الرّضاع اللي لجسمه يغذّيه ! ومن الأمثال التي سارت عن "عبيد" أنه كان حوالي سنة1275هـ (1858م) أميراً لحجّاج حائل ، فمروا بأرض يأخذ أهلها"الخوة_الضريبة"على الحجاج ، ولما جاءه مندوب صاحب الأرض قال له عبيد: "قل لمن أرسلك أن هؤلاء حجاج حائل وأنا عبيد بن رشيد" ، وبعد فتره عادَ المندوب ينقل رسالة سيّده وهي : " كلٍ عبيد بديرته !! " .. فأعجب عبيد بالردّ الشجاع ودفع الضريبة ، وصار قول صاحب الأرض مثلاً يضرب للإستقلاليّه في الأمور وعزّة كل رجل في بلاده . اخر تعديل كان بواسطة » سعود الخويطري في يوم » 06-05-2005 عند الساعة » 15:59. |
|
|
|
|
04-05-2005, 17:14
|
#11 |
|
موقوف
|
رد : الامير الشاعر///عبيد العلي الرشيد
عبيد العلي الرشيد الأمير , الفارس, الشاعر عبيد بن علي الرشيد , و الرشيد كما هو معروف فخذ من آل جعفر من عبده , أحد بطون قبيلة شمّر. ولد عبيد تقريبا عام 1220 هـ , و يعتبر من أشجع فرسان الجزيرة العربية في ذاك الوقت .. يقول عنه طلال السعيد في الموسوعة النبطية الكاملة, الجزء الأول : " كان بسيفه يشكل الدعامة الأساس لحكم آل رشيد بحائل, و كان قائدا للجيوش و محاربا صلبا علق روحه على طرف سيفه و خاض المعارك بجرأة و اقدام قلما يوجد لها مثيل و هو من الرجال القلائل الذين امتازوا بالقوة الذاتية و الجسارة و المهارة الحربية منقطعة النظير". ولد عبيد في زمن كله حروب و اضطرابات , و كانت الحروب على وقتهم مثل شربة الما, أسهل شي عندهم انك تحارب, فما يمدي حرب تطفى إلا و تالع حربن أخرى. و عبيد نشأ على هالحياة و على هالحالة, على صوت الخيل و قرقعة السيوف, اللي خلته يصير فارس و شجاع. يقول في وصف احد الحروب:
أصبحت منهن خالي كود ثنتين = سعدي و مصقول يداوي الغلايل
و يقصد بـ " سعدي " فرسه , و المصقول هو سيفه اللي يداوي الروس , كقول عنترة بن شداد :
و سيفي كان في الهيجا طبيبا = يداوي رأس من يشكو الصداعا
و يكمل قصيدته لين يقول مفتخرا :
اللي ذبحت بشذرة السيف تسعين = أيضا ولاني عن طردهم مسايل واللي وطينا ما تشوفه امحبين = و الكذب تنفاه العلوم الصمايل مادّا حقوق الدار كود الهزازين =حنا ليا عدوا رجال الحمايل و في الحرب هذي, يقال ان سيفه المصقول , لصق بيد عبيد من كثر ما ذبح فيه من القوم اللي حاربوهم, ولا قدر يفك السيف عن يده لين حطها بماء دافي. ولا شك , أن الفارس البدوي, ما يقدر يتخلى عن حصانه لو يعرض عليه الذهب مقابله ما باع, و اللي صار لعبيد, إن أحد ولاة الأتراك طلب منه فرسه " كروش" , فما وافق عبيد, و بيّن ان فيصل الدويش و محمد بن هادي قبل البيه سألوه كروش , بس انه ما يبيعه ولا يبدله لو بغالي الأثمان :
يا بيه انا لكروش ماعطي ولاابيع =قبلك طلبها فيصل و ابن هادي يا بيه لو كثرت بالقول مااطيع =هو كيف تبغيني أسلم جوادي اما القصيدة هذي, تمثل فلسفته في الحياة و الحياة الي كان يعيشها, و ذهبت أغلب أبياتها أمثال دارجة :
القلب من كثر الهواجيس قزّان = ما يستريح من الدهر ربع ساعة يا غافر الزلات يا والي الاحسان = تجعل من التقوى لنفسي بضاعة أنا على لان و ربعي على لان = متخالف رايي و راي الجماعة مانيب شاري غير بت من الضان = يقنع باشراك البهم في ارضاعه و لعبيد بعض القصائد الغزلية النادرة, و هو مقلّ من ناحية الغزل, و قال هالقصيدة بعد رجوعه من إحدى الحروب البعيدة, يقول ياصف الضلع اللي مر عليه :
لي بأيسره من لابسات العشاريق = خشف يخلط المسك و الزعفراني وش عيشتي لولا رجا ذابل الريق = لولا رجا لاما زريف المثاني و هو يوصف زوجته بهالقصيدة . و في اخر ايامه له هالقصيدة اللي تحوي الكثير من الحكم. و مثل ماهي عادته, يعتز بنفسه و يفخر بأفعاله الحميدة, و يحق له الفخر و الاعتزاز, لأنه كان قول على فعل :
طلبت ربي عالم السر و الغيب = يقبل صلاتي له و يقبل صيامي و يحعل لنا عرض نزيه عن العيب = و يفكنا من شر سو الاثامي بن ادم ملفا الخطا و العذاريب = لو ما فعل رميت عليه التهامي حميت انا نفسي عن الشك و الريب = ولا احسب ان يلقا بعرضي كلامي مات عبيد العلي الرشيد بعد ما عمّر , عاش حياة طويلة مليئة بالانتصارات و الحروب , الله يرحمه . انتهت حكاية عبيد هنا كما رواها بدر الحمد من كتاب قالت الصحراء بتصرف بسيط.. اخر تعديل كان بواسطة » سعود الخويطري في يوم » 06-05-2005 عند الساعة » 16:03. |
|
|
|
|
04-05-2005, 17:19
|
#12 |
|
موقوف
|
رد : ديــوان الامير الشاعر///عبيد العلي الرشيد
واليكم هذه القصيده لعبيد الرشيد وهي ايضا عن فرسه كروش ولكن هذه المره عندما طلبها حاكم مصر عباس باشا فرد عليه عبيد وقال :
ما ذقت عنك شي يا طوعة. الرأس .= لو هو من المطعوم شيْ قلايل ولا درت من سرجك مثامين واكياس.=اربع سنين فوق الارباع. حايل باغ(ن)عليك.. ان فرَعت كل مكياس.= وذهلوا مصانيم الدروع الحلايل أنطح عليه... أوجيه شرابة الكاس.= مع وجه مروين الغلب بالدمايل حلفت ما تنصين حي(ن) من الناس= لا بالثمن ولا بدرب .....الجمايل هم... ويش لو كز المراسيل عباس = ما سلت عن رأس به الزوم طايل انا ب جا ما سلت عن باقي الناس = .لولا المعزة ما سكنا....... بحايل وسلامتكم اخر تعديل كان بواسطة » سعود الخويطري في يوم » 06-05-2005 عند الساعة » 16:06. |
|
|
|
|
06-05-2005, 15:42
|
#13 |
|
عضو شعبيات
|
رد : ديــوان الامير الشاعر///عبيد العلي الرشيد
بعد الاذن من أستاذي واخي الكبير : مـرزوق يثبت الموضوع لـ جزالة متصفحة  حيث الاصالة والموروث الشعبي وتاريـخنـا العريق دائما متابعين لـ حرفك يالشمالي تقبل سلأمي وأشــواقي الخويطري اخر تعديل كان بواسطة » سعود الخويطري في يوم » 06-05-2005 عند الساعة » 16:07. |
|
|
|
|
07-05-2005, 00:06
|
#14 |
|
..
|
رد : ديــوان الامير الشاعر///عبيد العلي الرشيد
الاخ محمد الشمري متصفح يستحق الإشادة لاحتوائه قصائد عبيد العلي الرشيد ومجهود تشكر عليه اخي الكريم و اليك ما قال عبيد في الغزل
نــاح الحـمـام بعالـيـات المقـاصـيـر = واهل الهوى طربين مـا يسمعونـه ومن قولهذكرتنـي يـا الـورق لا ذكــرك خـيـر = غـرو كـمـا لــدن المـطـارق قـرونـه عـلام مـاكـم ضـايـع يـاهـل الحـيـر = نـبــي نـعـدلـه كــــان ما تـعـدلـونـه ما هي حميـة ساقنـي نيـة الخيـر = والشـرط مـا نبغيـه لـو تشرطـونـه الا ان حصل راعي النهودالمزابيـر = ......... وكـرعـة فــي سـنـونـه باكـر ضحـى العيـد لا طـقـو الـزيـر = مـا عندهـم مــن غـالـي يلبسـونـه انـــا وخـلــي فـرقـتـنـاالـمـقـاديـر = يا مـن خبـط بيديـه واعمـى عيونـه يـا شاعقيـن النـار جـاكـم مسايـيـر = ضـو سناهـا يـجـذب الـلـي يجـونـه يا مـال تفـاق شفـوق علـى الطيـر = ومحـنـش مــن بـعــد ذا يـذكـرونـه والا ف (حر) ما لـوى رجلـه السيـر = بالـوكـر طــلاب الـعـشـا يحـتـرونـه يظهر عشيري كا لخلاصة من الكير = اعـيـذه بــرب الـنــاس لا ينحـتـونـه تصبح عروق القلب عندي معاشيـر = ويزهر ثمـر قلبـي وتطـرخ غصونـه
ياحمود انا عارضي شاب = طرد الهوى جزت انامنه يــا كــود وضــاح الانـيـاب = هـذاك مـنـي وانــا مـنـه عسلوجة حشـوالاثيـاب = وردوف لـلـثـوب شـالـنـه يا ما حـلا جـدع الاسـلاب = واركاي سني على سنه والزيـن لـو هـو ورا البـاب = لازم عـيـونــي يـراعـنــه يــارب اغـفـر لـمـن تــاب = العـبـد مطلـوبـه الـجـنـه |
|
|
|
|
07-05-2005, 16:53
|
#15 |
|
عضو فعّال
|
رد : ديــوان الامير الشاعر///عبيد العلي الرشيد
ما ذقت عنك شي يا طوعة. الرأس . لو هو مـن المطعـوم شـيْ قلايـل ولا درت من سرجك مثامين واكياس. اربع سنين فـوق الاربـاع. حايـل باغ(ن)عليك.. ان فرَعت كل مكياس. وذهلوا مصانيـم الـدروع الحلايـل أنطح عليه... أوجيه شرابة الكـاس. مع وجه مرويـن الغلـب بالدمايـل حلفت ما تنصين حي(ن) من النـاس لا بالثمن ولا بـدرب .....الجمايـل هم... ويش لو كز المراسيل عبـاس ما سلت عن رأس به الـزوم طايـل انا ب جا ما سلت عن باقـي النـاس .لولا المعزة ما سكنا....... بحايـل محمد الشمري يعطيك العافيه اختيار موفق لامير وشاعر غني عن التعريف وقصائد بمنتهى الروعه ماقصرت وعساك على القوه...قرأة موضوعك كامل لوالدي واعجب به جداً فهو معجب بشخصية الامير ..سلمت يدك اخي  الكريم ودمت بخير |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
