03-04-2005, 23:44
|
#1 |
|
شـــاعــر
|
.. لـ عبدالله السياري في رثاء ابنه ..
: : : : بداية اشكر من ارسل لي قصائد عبدالله السياري  : : : : اخواني واخواتي الاعضاء الكرام مساء الورداتمنى لكم دوام الخير والعافية بين اعينكم قصيدة للشاعر الكبير / عبدالله السياري في رثاء ابنه خالد رحمه الله تعالى .. : : : : متى ما العباير ضيقت صدري المشحون .................... ونوت عيني الحـرى تنثـر عبايرهـا : ركبت المصفح مبعد الهقـوه المامـون .................... وتنزحت بعيون ٍ على الصبر عاسرهـا : وتنحرت لي رجم ٍ على الوادي المصيون .................... وتعليت به والعيـن جابـت ذخايرهـا : على فقد خالد ونتي ونـت المطعـون .................... تكض العيون الدمع والحزن حاشرهـا : انا ظني احياء ما بقا لي وانا محزون .................... من الصدمه اللي رب الارباب خابرهـا : الى شفت ساره تدّرج بينهـم بالهـون .................... تعثر وتنهض واقشـر الحـظ عاثرهـا : تنادي بـبابا مادرت ذخرهـا مدفـون! .................... تعلق بمن شافـت وتنخـا عشايرهـا : تنحيت عنهم واسبلت عيني المخـزون .................... اطمـن والـد بناضـري لا يناضرهـا : والى خف حزني صحت يا ربعنا تكفون .................... على الكبد حطوهـا تطفـي سعايرهـا : هلا مرحبا يا كل عمري ونون النـون .................... ظنا من خياله شايفه فـي نواضرهـا : انا اشم ريحه فيك لو قيل لي مجنـون .................... عيون الخلي لو نامت الليـل عاذرهـا لـ الشاعر / عبدالله السياري .. تحياتي / مرزوق |
|
|
|
03-04-2005, 23:59
|
#2 |
|
عضو فعّال
|
رد : .. لـ عبدالله السياري في رثاء ابنه ..
الى شفت ساره تدّرج بينهـم بالهـون .................... تعثر وتنهض واقشـر الحـظ عاثرهـا : تنادي بـبابا مادرت ذخرهـا مدفـون! .................... تعلق بمن شافـت وتنخـا عشايرهـا مرزوق فيحان يعطيك العافيه على هذه القصيدة اختيار جميل وصح لسان الشاعر ورحم الله ابنه وجميع موتى المسلمين  |
|
|
|
|
04-04-2005, 00:02
|
#3 |
|
موقوف
|
رد : .. لـ عبدالله السياري في رثاء ابنه ..
. . عبدالله السياري شاعر تميز بدماثة الخلق والوفاء للاصدقاء.. وزملاء الحرف. في هذه المقطوعة المثقلة بالحزن الناطقة بالاسى.. خاطب الزميل الحميدي الحربي معاتباً في البداية ومن ثم شاكيا الم فقد ابنيه خالد وبندر رحمهما الله ومن ثم مجدداً الحرقة في قلوب محبي الشاعر الاستاذ عبدالله السلوم رحمه الله.. والذي كان الضلع الابرز في ثلاثيات اخوانية دارت بين السياري والسلوم والحربي على مدى العقدين الماضيين. وفي هذه المقطوعة الباكية جمع السياري في عتبه بين الحميدي الحربي والشاعر الشاب عبدالرحمن بن عبدالله السلوم كما يتضح في البيتين الاخيرين: \\ علامك يا الحميدي يالوفى.. يا صاحبي قفيت .........عقب ما مات عبدالله تركت العود في حاله انا ما احسبك تنساني ولو عن حينا شديت ..............اعرف الذيب لو يقفى يرد الراس لعياله وانا ادري ماتناسيته ولا عن صاحبك سجيت .................ولكن الظروف العوج ما تترك حد داله تفرقوا الحبايب.. وانتحوا عني وانا ظليت ........احن لما مضى واشره.. حنين العاشق الواله انا حزني على خالد معي من حيث ما حليت ..................تمر ايام والا سنين خالد حزنة لحاله على خالد وعبدالله وبندر بالخفا ونيت ................ونين الشايب المفجوع بعياله وراماله على هاك الثلاثه نزف دمع العين مثل الزيت ............اكفه بس يفضحني نزيف الدمع باهماله فقدت الصاحب الوافي.. رفيع المنزله والصيت ............لعله في الجنان الخضر مدهاله.. ومنزاله ابا ادعي له ولعيالي الى صليت.. وان حجيت ............وجميع المسلمين يعمهم مولاي بافضاله مدام اني على الدنيا بضحي له الى ضحيت ............معي بضحيتي وصيت عبدالله يضحى له والى منك لقيته «عابد الرحمن» قل صديت ...............علامك ما تعايد شايبك لو عبر جواله يكفى منه يا عمي صباح الخير كيف امسيت .........لعله لي يجي مثله.. وطيب الرجل من خاله عبدالله بن محمد السياري ============================= |
|
|
|
|
04-04-2005, 00:08
|
#4 |
|
موقوف
|
رد : .. لـ عبدالله السياري في رثاء ابنه ..
. . هلا يا مرحبا حييت يا الوافي عظيم الصيت ..............هلا يا للي تعاتبني قبل ردك ومرساله أنا قصرت يا عمي واعرف اني معك ما قديت ..............ولكن البحر هايج ووجهي يضرب فجاله ما بين اللي رحل عنا وبين الجامعة والبيت ................ومثلك خابر هذا الزمان وعارف أحواله يا أبو خالد أنا منساك لوني غبت والا أبطيت .............ترا قدرك فقلبي من عرفت العلم يبنى له ترى حزني بعدما قلت جاب النار للكبريت .................وولع قلبي المكلوم وزاد الحزن مكياله تصدق لاذكرت أبوي في عز الكرى فزيت ...............أنا ذقت الحزن والظيم بانواعه وبشكاله بديتا بالحميدي ثم ليتك عنه ما قفيت ................وخليته يحط البيت جنب البيت في باله ترى لوني صغير السن وعن درب الونس عديت ...............بعد تسعة عشر عام عرفت العز ورجاله يا زين معاتبك تكفى وإلى اخطيت قل اخطيت .................تراك أبو ولي أخو وصبرك يا وسع باله صديق أبوي.. لك حق ولو أني أنا ماجيت .............صديق أبوي بأوفي له الين انحط في رماله يا ليت اليوم هو العيد يا ليته وليت وليت ............لجي عاني على بيتك واحب الراس وعقاله الا يا أبو حمد قل له تراي أدري ولو ما وحيت .....................أنا له خالد وبندر وأنا بالحق الجاله عبدالرحمن بن عبدالله السلوم |
|
|
|
|
04-04-2005, 08:41
|
#5 |
|
عضو شعبيات
|
رد : .. لـ عبدالله السياري في رثاء ابنه ..
الله الله حي ووالله ذا القصيد اللي يطرب يـ مرزوق صح الله لسانك وقصيدة عصماء لـ الشاعر الكبير / عبدالله السياري وشكرا لك ولـ الريم وياليت يكون هذا المتصفح لـ ابداعات هذا الشاعر الجزل بقصائدة الجزلة وتقبلوا سلامي واشواقي الخويطري |
|
|
|
|
04-05-2005, 14:04
|
#6 | |
|
شـــاعــر
|
رد : .. لـ عبدالله السياري في رثاء ابنه ..
إقتباس:
شكرا ً عنود الصيد  |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
