16-04-2006, 11:59
|
#16 |
|
عضو فعّال
|
قصيدة في الملك فيصل رحمة الله
لاهنت يـا راس الرجاجيـل لاهنـت لاهان راس(ن) في ثرى العود مدفون و الله ما احطّك بالقبـر لكـن آمنـت باللي جعل دفـن المسلميـن مسنـون منزلك يا عز الشـرف لـو تمكنـت فوق النجوم اللي تعلّت علـى الكـون سكنت دار المجد يا شيـخ و اسكنـت شعبك معك في منزل العـز ممنـون صنت العهد يا وافي العهد مـا خنـت علمتهم وشلـون الاشـراف يوفـون كم ظالم(ن) عاداك و اعفيت و احسنت و اخلفت ظن جموع ناس(ن) يظنـون شلت الامانه حافظ(ن) مـا تهاونـت شفنابك رجال(ن) على النفس يقـوون ياللي طلبهـا الملـك بالحـب زيّنـت عرشك بتاج قلوب شعب(ن) يحبـون لوّنت تـاج الملـك مـا قـد تلوّنـت ما غرّتك دنياك ما صـرت مفتـون بالزهد و المعروف والصبـر كونـت منهاج فيصل منهـج اللـي يعذلـون تلفّتت روس المخاليـق ويـن انـت ؟ وين العظيم ؟ و عوّد الشوف مطعون كم خافق(ن) وقّف عقب مـا تكفّنـت وكم ناظر(ن) ذوّب سـواداه معـزون لو شفت حال النـاس عقبـك تبيّنـت مقـدار حـب النـاس للـي يـودّون مما بقلبـي قلـت : يابـوي لاهنـت وإلاّ انت فوق القول مهمـا يقولـون |
|
|
|
16-04-2006, 12:01
|
#17 |
|
عضو فعّال
|
لبست الّليل
لبست الّليل وعانقنـي قمرهـا وزفّتنـي نجـوم الليـل ســاري ... ركبت الموج أسافر في بحرهـا على شطّيـن ليلـي مـع نهـاري ... وعيني صاحبت لاجلك سهرهـا وقلبـي وهّـج الظّلمـا بـنـاري ... غروب الشمس أواصله بْسحرها بنورٍ مـن شعـاع الحـب جـاري ... وإذا شفتك نسيت أطول شهرها وطـارت فرحتـي والوقـت طـارِِِ ... ضحك في عيني بشوفك بصرها وغنَّى سمعـي بْصـوت الكنـاري ... وهلّت غيمتي باحْلـى مطرهـا وطالـت كـل الأغصـان القصـارِ ... رعاك الله يـا ناعـم زهرهـا تفوح بريحـك ريْـاض الصحـارى |
|
|
|
|
16-04-2006, 12:04
|
#18 |
|
عضو فعّال
|
مــــ عذابي ـــــن
من عذابي قلت لعيونـك هـلا يا هلا بك يا عذابي يـا هـلا ما يكفّي لوعتي بك من غـلاك رحت تبعد عن عيوني يا غـلا تحسب اني سالي مثلـك وانـا في هواك الله حسيبـك مبتلـى ما يسليني مكـان ولا زمـان لا ولا غيـرك حبـيـبِ لا ولا قلبي الي ما يطيع لمـن بغـاه من نظر عينـك تعهّـد بالـولا صار لك بالقلب مرباع ومصيف يوم غيرك عن مرابيعـه جـلا فيه لك مقيال عن حرّ الزمـان والدفا عن برد شملـه بالخـلا |
|
|
|
|
17-04-2006, 01:38
|
#19 |
|
شـــاعــر
|
رد : دايم السيف _ خالد الفيصل / م ل ف - ش ع ر ي
دايم السيف هو دايم الابداع لاهنت اخوي معاذ والله يعطيك العافية |
|
|
|
|
19-04-2006, 19:51
|
#20 |
|
شـــاعرة
|
رد : دايم السيف _ خالد الفيصل / م ل ف - ش ع ر ي
فز الخفوق وقلت يالله عسـى خيـر ...................وأثر الليالـى عـاد غايـب قمرهـا ياصبح عمرى يا صبـاح التباشيـر ..................نوره ملا قلبلـى وروحـى غمرهـا عقب الفراق اللى تعـدى المحاذيـر ....................يبس غصون القلب جافـى دهرهـا يانـاس أحبـه والمحبـه مقـاديـر ....................هذا هوى نفسـى وهـذا ... قدرهـا معاذ تسلم يمينك على النقل خالد الفيصل يعجبني فيه عدم الإطاله في القصائد مالم تكون على اساس فكره متسلسله ومترابطه يعطينا الأبيات جزله ومركزه بفكرتها واحساسها مدرسه مستقله مازلنا نتعلم منه متابعه الموضوع وباحاول اضيف معكم لا هنت يامعاذ والف شكر والف تحية |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
