|
دايم السيف _ خالد الفيصل / م ل ف - ش ع ر ي
http://galbk.jeeran.com/2004-07-13-124432.gif من يقول الزين من يقول الزين مايكمل حلاه,,,,,,,,,كل شي(ن) في حبيبي اكتمل الله اللي كمله والله عطاه,,,,,,,,,,,,,,,مابقى للزين في خلّي محل العيون أحلى من عيون المهاه,,,,,,شافها قلبي و صفّق و احتفل نظرته من فتنته شعلة حياه,,,,,, ,والجفون من الحيا فيها كسل ساهم(ن) رمشه على الخد وسناه,,,كن لمعة وجنته ورد(ن) وطل الشفايا كنها جمر الغضاه,,,,,,,,,,,تحرس الريق المحلّى بالعسل والشعر ليل(ن) نقل حمرة مساه,,,أجعد(ن) حوّل على صدره همل مايج من فوق متنه ماطواه,,,,,,,,لون شلال(ن) مع المغرب نزل وأنطلق جيده يماري في بهاه,,,,,,,فوق مياس(ن) تعزّل واعتدل بالرشاقه فيه من ظبي الفلاه,,,,,,لي مشى كنّه على الروح انتقل ريحته من كل زهر(ن) منتقاه,,,,,,,,,,والزياده للخزامى والنفل صافي(ن) مثل المطر فوق الصفاه,,,,,باسم مثل البشاير بالأمل جامع(ن) من كل زين منتهاه,,,,,مستحيل الوصف في خلي سهل كايد(ن) ماهو يلين لمن بغاه,,,,,,,,يرتفع عن كل سقطات الزلل |
رد : دايم السيف _ خالد الفيصل / م ل ف - ش ع ر ي
هلّــــــه وطلّــــــــــــه |
رد : دايم السيف _ خالد الفيصل / م ل ف - ش ع ر ي
كيف ننسي الكويت ومن غزاها ..............والحميـة لـنـا والمقـدريـه باكر الحرب لي دارت رحاهـا .............ذاكرتنـا تعـرف انهـا قويـه تحرق النار رجل اللي وطاهـا ...........والرديـه عواقبـهـا رديــه ما تهون الديـار لمـن بغاهـا ..........دونها الموت ورجـال عصيـه كل نفس تبـي تلحـق جزاهـا .........وكـل نيـه لراعيهـا مطـيـه كل عـذرا بكينـا مـن بكاهـا .........هتكة العرض ما عقبـه خزيـه والعجوز الـذي جنـدك رماهـا ......وش سبب ذبحة النفـس البريـه وكل طفل لكـم نفسـه عطاهـا .......وش جني الطفل من ذنب وخطيه كل شايب وقـف يسنـد فتاهـا .......حالفيـيـن نــرد الجابـريـه كيف ننسي الكويت ومن نساهـا ......باكر تشوف من ينسـي خويـه |
الوعد
الوعد أنتظرت أزمان في ظل الوعد احسب الخفقات يا أغلى وعد انتظرت و الظاهر انك يا وعد ما جيت عيّا عليك الوقت و إلا يا وعد عيّيت انتظرت لكن النجمة سرت والقمر راحوا أصحاب السمر ونسمة وفا مرّت ولفّت مكان الوعد ضمّت تعتذر وانتظر انتظرت أزمان في ظل الوعد ما احسب يجيني يوم أكذب إحساسي وإلاأقول طوّلت يا قاسي سقى الله أمسي العاشق ونورك في السما شارق تعاطينا المحبة شوق تساقينا هوانا ذوق نقول لليل لا ترحل ترى الباقي معك أجمل سرينا و الوعد باكر حضرت و لا حضر باكر انتظرت أزمان في ظل الوعد الله يا هو الوعد ظالم إذا جيته و لا جاني وأنا ما أظن ينساني ويتركني لأشجاني دعاني بالأمل لكن مسّح قدّامي دروبي و لا أدري شي أو لا شي أغني فيه مسحوبي تأكد يا وعد وإلا ترى لى جيت باتغلّى وبتأخر و لو لحظة وأجيك أسابق اللحظة و لاأغمض و لا غمضة تفوّت من سناك ومضة انتظرت أزمان في ظل الوعد http://www.dahar.net/extras/abdalmajad/mjd21.ram بصوت عبدالمجيد عبدالله |
انا غنيت
أنا غنيت من قلبي لقلبي ...........................اغني له على نغمة ونينه اغني له عسى من ون قلبه ...........................مثل قلبي جعل ربي يعينه ألا يا ويل من مثلي تولع .......................ولا ادرك ما تمنى من ضنينه صواديف الليالي عرضت له ........................و حالت بين محبوبه و بينه لقى كاس المحبة ماه صافي ........................بغى يروي ظما روح حزينة فلكن المشقى يوم شاله .........................تكسر كاس حبه في إيدينه وذا طبع الهوى بأوله حالي .......................و لكن تالي المشروب طينه |
ياصاحبي
ياصاحبي هانت عليك المحبه .............. لا واحسافه عقب هاك المواثيق جمر الغضا في وسط قلبي تشبه ............. نارٍ حطبها يابسات المعاليق كاسٍ مليته بالوفا لا تكبه ............. خله يبلل بالوصل يابس الريق صبه بقلبي ثم ملَه وصبه ............ وان كان ودك غرق القلب تغريق دام الهوى راسي وراسك يهبَه ............ خذ سجةٍ ترى زمانك توافيق ترى حلاة العمر مع من تحبه ............ شخصٍ تريده من جميع المخاليق |
يا روحي أحيا بك
يا روحي أحيا بك و حنّا غريبيـن ما نيب أشوفك و انت يا روح ذاتي في داخلي و أشكي معك لوعة البين بعيد عني وانـت نبضـة حياتـي يا لحظتي لو الزمن بيننـا سنيـن و يا منوتي لو ما حصـل مناتـي صوتي تقطّع فـي فـلاة المحبيـن و شوفي تبدّد مع سـراب الفـلاةِ لا واهنيّ من هم على الما مقيميـن و أنا يبَس صوت الرّجا في لهاتـي أهيم في صحرا عديمـة عنـاوي متاهة(ن) خلو الشجـر والحصـاةِ الليل يوحش و الضحى يجرح العين و الحزن يكتب من عذابي غناتـي أمنّي عيوني مـن الحيـن للحيـن عسى الفرج مع طلعة الصبح ياتي ياطاغي الفتنه من الـراس للقيـن ياليتي أستر لوعتـي فـي عباتـي |
لا تلتفت
..لا تلتفت يـمّ خلـق الله ما احدٍ من الناس يشبه لك ..الله عطاك الحلـى كلّـه وتّقاسموا باقيـة فضلـك ..أنت القمر بين الأهلّـه نورك وجذّابـك وشكلـك ..القلب برضـاي محتلّـه لوتظلمه قلت من عدلـك |
رد : دايم السيف _ خالد الفيصل / م ل ف - ش ع ر ي
هلا وغلا يا معاذ لي عودة لكني قريت ذا القصيدة وهيضتني حسبي الله على بليسك :confused_ أنا غنيت من قلبي لقلبي ...........................اغني له على نغمة ونينه اغني له عسى من ون قلبه ...........................مثل قلبي جعل ربي يعينه ألا يا ويل من مثلي تولع .......................ولا ادرك ما تمنى من ضنينه صواديف الليالي عرضت له ........................و حالت بين محبوبه و بينه لقى كاس المحبة ماه صافي ........................بغى يروي ظما روح حزينة فلكن المشقى يوم شاله .........................تكسر كاس حبه في إيدينه وذا طبع الهوى بأوله حالي .......................و لكن تالي المشروب طينه |
رد : دايم السيف _ خالد الفيصل / م ل ف - ش ع ر ي
إقتباس:
يازين مااخترت لو قدرت الله لا يهينك اذا رابط بصوت الشاعر مع كل قصيده إذا أمكن يعني مشكووووووور |
رد : دايم السيف _ خالد الفيصل / م ل ف - ش ع ر ي
لاهنت يامعاذ
اختيارك يدل على ذائقه شعريه مميزة شاعر بحجم خالد الفيصل قصائدة تقدمه لايحتاج إلى تقديم . من اعلام الشعر في الوطن العربي.. ومن ابرز رموز الأدب في العصر الحديث .. الشعر / خالد الفيصل له العديد من القصائد الرائعه وهذي منها ياصاحبي هانت عليك المحبه .............. لا واحسافه عقب هاك المواثيق جمر الغضا في وسط قلبي تشبه ............. نارٍ حطبها يابسات المعاليق كاسٍ مليته بالوفا لا تكبه ............. خله يبلل بالوصل يابس الريق صبه بقلبي ثم ملَه وصبه ............ وان كان ودك غرق القلب تغريق دام الهوى راسي وراسك يهبَه ............ خذ سجةٍ ترى زمانك توافيق ترى حلاة العمر مع من تحبه ............ شخصٍ تريده من جميع المخاليق |
رد : دايم السيف _ خالد الفيصل / م ل ف - ش ع ر ي
حنــا العرب .... حنا العرب يــــا مدعين العروبة وحنا هل التوحيد وانتم له أجنـــاب وحنـــا شروق المجد وانتم غروبه وحنا هل التاريخ وأنتم به أغــراب يوم الفقر شلتوا علينا عيوبـــــه واليوم عقب النفط جيتوا لنا أنسـاب ويوم الفقر فينــــا البداوة سبوبة واليوم صرتوا مثلنــا بدو واعراب لو الهوى منكم منعتم هبوبـــــه لا شك رزاق الملا رب الأربــاب ولو المطر منكم منعتم صبوبـــه لا شك رزق الخلق من عند وهـاب جيش الحسد سقتوا علينا حروبــه كل يبي يزرع على جسمنــا ناب حرب على المحسن تراهـا عقوبة بالله عســـاكم ما تفيدون حراب يا ما عطينــــا ما ندور مثوبه إلا من اللي من ترجــاه ما خاب ويا ما نصرنـا صاحب ضيقوا به عاداتنا نقدم الى مالردى هـــاب ويامـــا نصانا من تعثر دروبه يدخل حمانا من تعذرة الأصحـاب حنـــــا بنينا دارنا من طيوبه وانتم سلبتوا داركم كل ما طــاب الله سقانا من بحرنــــا عذوبه وانهاركم مثل البحر هدر تنسـاب حنا زرعنا الحب بارض خصوبه وانتم زرعتوا كره الأجيال بتراب وحنــا دعينا السلم نوبه ونوبـه وانتم حمــام السلم بعتوه بغراب يا من دعا للحرب ما درك خطوبه لا تحسب أن الحرب تهديد وخطاب من شب نار الحرب يصلى شبوبه ومن ثور الفتنة تعرض للأسبـاب ما يستر الرجــال ملبوس ثوبه الدين وافعال الكرامــة له ثياب ما يقبل الرجال بحمـــاه حوبه مـــا دام له حق وللحق طلاب |
رد : دايم السيف _ خالد الفيصل / م ل ف - ش ع ر ي
http://www.khaled-alfaisal.com/hislife/images/pic/6.jpg
يابعدي يامتعب لاهنت الله يطولي بعمرك وما قدمت من عمل يخص شاعريته واجب علي وليس مني فألأمير خالد الفيصل حفظه الله يستاهل ان نقدم له كل ما نملك من مشاعر وحب شكراً لك على تعاونك معي في هذا العمل الذي يوفر الكثير من عناء البحث للقصائد وليت من عنده اضافه يتفضل يضيف معنا في الموضوع |
رد : دايم السيف _ خالد الفيصل / م ل ف - ش ع ر ي
تظل كل الحروف لا تفي بغرض أن توفي خالد الفيصل مثقال ذره
ولكن كان لابد لنا أن نترجم شي مما يجول في خلجات أنفسنا حياك اخي راكان الشعلان يسعدني مرورك الكريم على صفحاتي وساحاول تلبية طلبك ماامكنني |
فز الخفوق
فز الخفوق وقلت يالله عسـى خيـر ...................وأثر الليالـى عـاد غايـب قمرهـا ياصبح عمرى يا صبـاح التباشيـر ..................نوره ملا قلبلـى وروحـى غمرهـا عقب الفراق اللى تعـدى المحاذيـر ....................يبس غصون القلب جافـى دهرهـا يانـاس أحبـه والمحبـه مقـاديـر ....................هذا هوى نفسـى وهـذا ... قدرهـا والحب ماله يا هـل الحـب تفسيـر ....................قلبيـن والله بالمحبـه .... غمرهـا لاجيت أصور حالة الحـب تصويـر ....................وأرد عـن حالـى لخلـى خبرهـا لقيت وجـدى فـوق كـل التعابيـر .......................كل الشعر قطـرة وروحـى بحرهـا مع شوفتـه نشـوه وفـزة وتخديـر .................وعيون خلانـن تعانـق ... نظرهـا يفز له قلبـى كمـا نزعـة الطيـر .................والرجل كن اللى تحتها ... غدرهـا ربع بروحى عقب ماهـى معاسيـر .................سحابـةٍ هلـت بقلبـى ... مطرهـا وأسقى بها زرعـة هوانـا بتقديـر ................غرسة غـرامٍ بالمحبـة ... بذرهـا ياعاذليـن القلـب والله مخاسـيـر ..................واللى درى عن حال عينى ... عذرها |
| الوقت المعتمد في المنتدى بتوقيت جرينتش +4.
الوقت الان » 05:24. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع