29-10-2001, 08:45
|
#1 |
|
العضوية الماسية للموقع
|
( كلام من ذهب - فهل من مزيد )
 [ أبريل 06, 2002: تم تعديل الموضوع بواسطة : نادره ] |
|
|
|
29-10-2001, 08:51
|
#2 |
|
العضوية الماسية للموقع
|
( فلسطين ) _____________ القلب يدمع لو ان العين ما تدمع والنفس تجزع وكثر الغبن يوجعها والصبر على الهوان المر ماينفع والصدر به زفرةٍ ما عـاد ياسعها والعين شافت وياليت الحواس اربع عين الغبينه نظــرها مايمتـــــعها ما ظني انا نشوف ولا بعد نسمع ارضٍ تعب صوتها والذل لوعـــها فيها الطغاة اليهوداللي لقوا مرتع قامت توسع وتحلم في مطامعها صبوا لها الموت بالرشاش والمدفع لين اطعنوا قلبها وادموا شوارعها قامت تضيق وتضيق وحلمهااوسع مدري متى من شتات العمر نجمعها ياامة الضاد والغايب متى يرجع سؤال في فم فلسطين ومدامعها ليا متى نجتمع جمله ولا نجمع ونقول حنا على بيض الورق معها وشلون هالصمت واطراف الجسدتقطع هذي فلسطين تشكي من مواجعها نشوفها حلم ما مثله ولا اروع تمد يدها ونعجز لمس اصابعها نقول متى العدو.. متى العدو يطلع ونقول متى نصلي في جوامعها والقول هالوقت لا يروي ولا يشبع خلاص سدت عن اصواته مسامعها نعم فلسطين ما لا حدٍ بها مطمع لازم تعرف العزيزه وين موقعها ( الشاعر / ضيدان المريخي ------------------------ يقول /امروءالقيس الى المغضوب عليهم من ابناء اسحاق عليه السلام ( لا يُقَاتِلُونَكُمْ جَمِيعاً إِلَّا فِي قُرىً مُحَصَّنَةٍ أَوْ مِنْ وَرَاءِ جُدُرٍ بَأْسُهُمْ بَيْنَهُمْ شَدِيدٌ تَحْسَبُهُمْ جَمِيعاً وَقُلُوبُهُمْ شَتَّى ذَلِكَ بِأَنَّهُمْ قَوْمٌ لا يَعْقِلُونَ) (الحشر:14) الى المغضوب عليهم من ابناء اسحاق عليه السلام ___________________________ لا صبر معكم يفيد ولا سلام مثلكم ما جاء في هالكون الفسيح مالكم ذمة ولا عهد وزمام ما تعرفون الخطا والا الصحيح حبكم للدنيا والمال الحرام نعرفه موجود بكتاب صريح الطمع فيكم عشقتوه بهيام حلمكم ارض وملك ما يطيح نعرف انسان تعرفونه تمام يعتبر اغنى البشر ماله مطيح ما نفع نفسه وحاله ما استقام يفتخر بالمال متكبر شحيح ما درى بالله عزيز ذو انتقام باغته في مرقده وامسى طريح عاقبه بالخسف من دون اهتمام فارق الدنيا معه وجه قبيح والخزي ذكره الى يوم القيام آية فيكم ولا فاد النصيح كم رميتوا في زمنكم من سهام كم شهيد وكم يتيم وكم جريح كم ذبحتوا من رسل ربي الكرام من بعد موسى وهارون الفصيح حتى مع يحي وهو واقف امام ما سلم منكم في محرابه ذبيح المصيبة ندري في بعض الكلام نقراء ما سويتوا في عيسى المسيح ما تخافون السماء ترسل غمام او سحابة كلها صرصر وريـــح او تشقق من تحتكم في زحام تبتلعكم في ثواني ونستريح او تجيكم طير ابابيل بظلام ترمي واحدكم على خشمه يطيح ما عرفتوا الخوف من رب الانام الحقيقة مالكم عقل رجيح ياصبر ربي عليكم ياللئام الوعد بكرة وذا وعد صريح مالكم الا عذاب في جهام من وردها والله إن يبطي يصيح من حرارة نارها تسمع كلام من زفير ومن شهيق ومن فحيح غطست في بحرنا سبعين عام واصبحت جمرة وتحرقنا ونسيح اعذروني يا هل الروض الكرام اللي في بالي كتبته باستريح بطلب الله وارتجي حسن الختام شكلها راحت علينا بالصحيح ما اقول الا على الدنيا السلام راحت ايام العرب في يوم ريح ( الشاعر /امروءالقيس ) يقول (الشاعر/ راعي العنود ) بسم الله الرحمن الرحيم أخواني وأخواتي : السلام عليكم ورحمة الله وبركاته ………… يسرني أن أضع بين يديكم هذه القصيده والتي أرجو أن تعبر عن بعض مايحز في النفس من اليهود وأعمالهم الإجراميه…. عاش منهو يستنكر عاش منهو شجب ### عاش منهو رضي بالذل و الانهزام عاش منهو بحـرفه و القصايد كتب ### يا سلام يا جماعه يا سلام يا سلام اليـهود اليـهود تاريخهم ما كذب### يوم جاء في كتاب الله عليهم وسام أهـل غدر و خياته عابدين الذهب### النبي ما سـلم منـهم عليه السلام شفتوا كيف اليهود نهزمهم بالعتب###وشفتواوشلون ما نرضى نشيل الحسام اسألوهم من اللي بالمعارك كسب### اسألوا روسـيا وشلون راحت حطام كيف الأفغان شبوا تحتهم بالحطب### داسوا الروس روس اللي سعوا بالهدام ما أخذ منك بقوّه ما يجيبه طلب### ما يجـيبه سـوي القوّه تفـك اللحام مايجيبه سوى اللي لاهجم كالشهب### يرمـي اللقـمة اللي في يمـينه حرام يحمل الروح في يمناه ما قد هرب ### يضرب بحـد سيـفه ما يعرف الكلام نصرة الدين همّه غيرها ما حسب ### موتـته دون دينه غـايته و الـمرام إنهـزاميه فينا حنا مع من غلب ### راح صـلاح الأيوبي وانتكـسنا تمام لودري قام من قبره وشاف العرب ### شاف وشـلون دين الله عليه الهـوام من لها و امعتصماه وقت النشب ### الثكـالى تصـيّح و الأوادم نيـام اليهود والحساب اللي نبي قد قرب### قـربي قـربي يا سـاعة الانتقـام يا هلا بالجهاد لا من علينا وجب ### يبـشر بعـز راسـه لا دعانا الإمام ادعموهم بمال ٍ ما نفـع بولهب ### اجمـعوا أمـركم ما بين شرق ٍوشام إدعموهم بدعوه ترقى فوق السحب### علّـها تبلغ أبواب السماء بالظلام أضعف ايماننا لا صار ما به طبب ### يا إلهـي تفـرّجـها علـى ما يرام الشاعر / راعي العنود ------------------------ - - - يقول ( الشاعر عايض بن مساعد ) (أخواني في هذه الأوضاع قد يرتبك الفكر فأعذروه) شـبـعنا خـطـب..شجب..ومقالات..واستنكار عــلـى هـامـش التاريخ .. وأطلال ماضينا ألا يازمان الــذل.والــخـوف.يـالـلـعـار غـدّّن الـبنات" أرجـل" من أطلق شنب فينا يا"آيات الأخرس" صمتك اللي تفجرّ ..نار وحّنا خرسنا الذل.. وآصّم أذانينا (فـلـسـطـيـن) مـافـيـنـا ولافارس ٍمــغــوار بـطـولاتـنـا ف.الــشـعـر... والــحــان أغانينا وغـزواتنا مـابين "مـسرح" و"بـست"و"بار" عــلـى "الــهـز والـتـطـبيل" نـحـيي ليالينا نـعـم كـلـنا " وقــت الـسـعة" نـكـتب الأشعار يـاويـل "الـيـهود" وجـيـشهم من قوافينا نـسـلـط عـلـيـهم جـيـشـنا الـبـاسل "الجرار" وحّنا"العرب" - ف. الحْكي- من هو يبارينا؟ نـبـي" فـعـل" يـكفينا" كـلام" وحـجج وأعـذار (فـلـسـطـين) تنخانا.. و(الاقصى)ينادينا ( الشاعر عايض بن مساعد ) ------------------------ - - - ( تعب وجـه الزمن ) تعب وجـه الزمن أغبـر وعيـر القافله عطشان شكى ظهر الجيــاد الشوق والفارس جفى خيله تعب والفيصل البـاتـر عليـه من الصدى ألوان ومارد عـايف النخـوه .. يعربـد يومــه وليلـه طغى وجـه المسـا السافـر على ترنيمة النشوان تهادى يلفظ أنفاسه على صبــحٍ تعـب حيلـه هناك الشارع أشباح وخطاوي وبعثره وعصيـان هناك اللي بقى وجه المدينــه لابسٍ شيلـــه هناك الكأس والنشوه ورقص ومسخرة شوبـان هناك أسطورة الماضي وشيخٍ ينكسـر جيلــه خجل يالفارس الناصر خجل يامزلزل الميــدان خجل ياأول العــزه وآخر هــمٍ نشيلــه مشينـا والعجـاج الهـم والعزه فدى الشيطان وميزان العدل ( فيتـو ) علينــا فرض تبجيلــه ألا يا أول القبله هناك الـهـايـم السهــران محـال يحـرّّر قيــود المذلّـه وقيده اكليلـه ينادينا من الماضي صلاح وطـارق وعثمــان ينادي خالد .. الفاروق وابن العاص يرثي لــه حبيبه والمسافر ماجنى من رحلــة الغفــران سوى وجه القدس يبقى صدى صرخة مواويلـه كتبنا لين ماجف الحبر في دفتــر الحرمــان وعاف المحبره شعـرٍ يكون الهــم قنديلــه أريد أسأل عن الليلـه وبـاكر وآخر الأزمان أريد أسأل تضاريس الحزن لـو قلّت الحيلـه سؤالٍ لو عصى يبقى جواب الأسئله قــرآن كتابٍ يحتوي كل الحلول ويعـدل الميلــه أريد أسأل عن رهام المطر في حنجرة عطشان متى عير المجد تورد مع الفرسان من سيلــه الشاعر / محمد البريكي ------------------------ - - - ( ضاعت الصرخه ) ضاعت الصرخات في وسط الزحام بين صمت العالم وحقد اليهود وانصدمنا وانقتل حلم السـلام والسبب خنزير وأحفادالقرود وموقف امريكا تغشّّـاه الظـلام أحبطونا ونسفوا كل الجهـود العدل فيتو أجل وين النظـام مانفع معهم تفاوض أو وفـود يالنذل شارون ياأبن الحـرام ماعرفنا عـنك تنفيذ الـوعــود عصرك الدامي بنيته بالحطـام والسياسـه عندك بنقض العهود بينك وبين الدما عشق وغـرام اغتصـب واقتل وشـرّد ياحـقود وأبشـر ببوش بيقلدك الوسـام دام امريكا معك بنشــوف زود اصبروا ياشعبنا الحر الهُمام ياشـباب الانتفاضـة يا أســـود دام ملّ الغمد من نوم الحسام من يواجه هالحصار وهالجـنود الفلسطيني على أرضه يضام آه من يقدر يعدي هالحدود ياعرب ما عاد ينفعنا الكـلام بالكلام القــدس لا يمكن تـعـود الشاعر / عبد الرحمن الربيع ------------------------ - - - هذه القصيده للشاعر ابراهيم بن عبد الرحمن الدوسري نقلها لنا ( ابو محمد ) الا يالله ياحــامــي حـرمنا .... ويامن له توجّهـــــنا وقمنا ويامن له ســــجدنا لا لغيره .... توكلنا عليه ومانــــــدمنا انا احمد مالك الدنياوالاخرى .... من اهل الشرك والبدعه عصمنا وقـــع فيها كثير م الخـلايق .... وحنّا بفضـــل خالقنا سلمنا على منهج هل التوحيد عشــنا .... رضـــعنا منه لكن ماانفطمنا وهـــو ملّة رسول الله وصحبه .... رسخ فيها بفضــل الله قدمنا نســال الله تثـــبيت ورحمه .... وشـــكر دايـــم يحفظ نعمنا وهــذا قـــول من همّه يلوعه .... من هـــمومه صفق يسرى بيمنى يشـــــوف بعينه الاسلام يذبح .... بســـيف اللي بطغيانه ظلمنا يســــلّ السيف يقتل كل مسلم .... وباســــْم الامن كنّا مافهمنا انا مادري لنا بين البـرايا .... وجـــود او فنينا وانعدمنا اذا حـــــلّت مصيبتنا علينا .... شــــجبنا ثم تخاذلنا ونمنا وْســياستنا يشيب الراس منها .... بســــاحتها خسرنا وانهزمنا دخـــول في شئون الغير منكر .... ولــو كانوا لحمهم من لحمنا وســـلم من سهمنا كل الاعادي .... ووجّـــهنا على بعض ســـهمنا وجــــرايم خصمنا موضوع هيّن .... وجريمة عصـــر لامنّا انتقمنا يطــالبنا المخاوز بالتـروّي .... وضــبط النـــفس لامنّا دهمنا فضبط النفس حكمه في السياسه .... ولو بالــعرض يعبث من خصمنا وضبط النفس منــهج كل عاقـل .... ولو يجري كما الشـــلال دمنا وضــبط النفس عنوان الـتقدّم .... ولــو نكّس من الذّلــه علمنا ونشـــكركم على حسن التعاون .... وْتجــاوبكم مع هيــئة اممنا وســــــلام دايم ظالم وناقص .... الا ياليتنـــا منــّه سـلمنا كســـب منه العدو بمقرّراتـه .... ســـمح له بالتسلّح وانحرمنا عددنا ضعفهم تســـــعين مرّه .... وشــوفوا جيشهم كم هو وكمنا وبغينا القدس والجولان ترجـع .... وراحــت غيرهـــا للي ظلمنا مثل ماقال راع القــول الاول .... بغينا ذودهم فاخــْذوا غنمنا وختم القول صلّينا على احمـد .... ودمتم ياهـــل المجلس ودمنا ********** * * يقول شاعرنا الكبير ( صالح الحمود ) * * بسم الله الرحمن الرحيم السلام عليكم ورحمة الله وبركاته مايقال حول قضية فلسطين ( وتحريرها) كلام فيه قليل من الحق وكثير من الباطل والتضليل..ليس في ديننا وبلادنا قضيه با باسم ( تحرير فلسطين ) بعد ان حررها الإسلام وانما هي مشكله كانت عند الغربيين يهود ونصارى ولاتزال بالأصح نحن قضية فلسطين … هل فهمتوني ؟ امس اثارني هذا الخبر الاسود 0 مقتل اكثر من عشرين في بيت ريما وجرح اخرين يفوقون هذا العدد لا اطيل عليكم اتركم مع المــذ يعــه (( فــرح صـبـحـي )) لتقدم لكم من الاراضي المحتله وبعدها نتابع مسلسل الردود ان شئتم على طـاري / خـبر أسـود / (فـرح صبحي) / تحـد ثكـم من المـوجـز / إلى النشـره / على العـاده / من الضــــفـّه على ذمـة/ غـفــير احْـوَل / تـوفّـي / بايـع الكـركــم مصـاباً في / ثلاث جـرو(ح) / وجـــــــرحٍ / مابـرى قصــــفـه تعـازينـا / لبـوغـاده / وبـومـرعي / يحــللـكــم وابشـركـم / وانامـقــبــل/عـلـى يحــي / لـقـى حــتـفــه خبر عاجل …..؟ 0 خبر عاجل.…؟ 0 خبر عاجل….؟ 0 خـبر طـازج / من المقــد س / تطـالعنـا / منـايـركــم على هيئـة / ركام اقـصـى /سـقـط طـفل / ووقــــــــف كـفّـّه دخـيــل الله../ ورام الله ../ وقـــد سٍ / مـايحــركّــم عـلى هـذا السـبات اللي / طـفـق يلـهـث /ورى صـفـــــّّــه امـانه يا / صخـور السب(ج) / مـتى تكـبر / براعـمكـم مـتى ياقـف / طهـور المـاء / على طـور النقـاء / وقـفــــه عـجـزت آصـل / بعيـد اللي / من الجـنـه / يقـربكــم على كـثر العـرب قله ؟ / نقـص ضـــــــعـف العـدد / ضعـفـــه لـفـت عيـني / سنـا المشـرق / وعصـرٍ / مايـواكبـكـم تحـايلت و/ تحـاملت و/ حـمـلـت اللي / حـمـل ســـــــقـفـه انا فعـلاً / غلـط صـالح / اذا الـصـّالح / يغـالطـكــم وابـي وجـهي /على وجـهـه .. / وابي كــــــتفي / على كتفــه نهـايتـها / خـبر أسـود / تـوافـيـنا / مـقـابـركــم على آخـر / حصـيلة إم / بقـت ثكـلـى / رغــــــــم ضـعـفــه وعلى طـاري / خـبر أسـود / (فـرح صبـحي ) / تـودعـكـم إلى مـالا / لـقــاء بعـده / انـا بطـلــع / علــى الضــفـّـه الشاعر / صالح الحمود ********** * * ( يا لله طلبـتك للرمـاح انطــلا قه ) ********** يا لله طلبـتك للرمـاح انطــلا قه ****اللي لهـــا مـشتـاقة انـفـوس وقـلوب حـسـبي على اللـي حـولها لـباقـه **** بـاقـة ورود(ن) تـشـرح الـود يـادوب يـهدونهـا للـي يـجـود بـنـفاقـه **** ولـكل مـجـرم لـلـــعدالا ت مــطلـوب وهي مـن اول تـنـتظـر شـوف ساقـه **** وتـخلـي الكافـر على الـمشى مـحسـوب ما يـذكرون اللي علي ظهـر نـاقـه **** مـا يـتـركـون الحـق والدين مـغـلوب والـيـوم قـدم عـيوننا يارفـاقـه **** دمـع العـذارى يغـرق الـصـدر ويـذوب وفـي خافـقي لا ذاب زاد احـتراقـه **** مـيـر الـبلا لا صـار لـك كـف مـصـلوب والـشـجب والـتـنديد زود وثـاقـه **** تـبقى علـى هـمك ولـك فـكر مـعـطـوب هي حـيلة العاجز غـدة با لشفاقـه **** مـكتـوب نـشـرب صافـي القهر بالكـوب الشاعر/ حزام السعد ********** * * ( يقول الشاعر ولهان_1) * * قصيدة بلا شك متواضعه وتقدم نفسها بكل رحابه هي اهداء للاخت الكريمة وشاعرة الاقلاع الاولى البندري 2000 ربما وقسراً فرضت هذه القصيدة حضورها الان وارجو ان تليق بكم وبشاعرتنا الكبيرة ************ انشهد أختي وأخت رجال وابكتب لاجلها القيفان *** تراها البندري الفين وترى في مدحها واجب انشهد شاعرة فــــذه بها شيمة بدو فرســـان ***انشهد لو تبيها بحرب ماتتردد تحارب وقـــد صـــاحت لابو متعب وقالت قدس ياخـــلان *** وحنا ماتحركنا ذبحنا طيبنا الشاحب ذبحنا الشـــوق ياوخيه وبعض العشق بالوجـدان ***اما كل امور الدين ماعوّد لها طالب نشـــوف احـــداث هالعالم وحنا خارج الميدان *** كلن صار له بصمه وحنا الموقف السالب وتفجيــر التجاره للاســـــف ماقد حرك الاخوان *** ولاتدمير بنتاجون حركهم على الغالب نبي فزعـه من أجل الدين ونبي ناقف مع الافغان *** ونبي نلعن عدو الدين ابد ومن دون مانحاسب فداك الشــــعر ياوخيه وتـــرى قدامكم ولهان *** ومهما قد فعلنا ذا ترى اقل من واجب الشاعر / ولهان_1 ( مات فيها صدق ابو بكر والحجاج قام ! ) ****************** لا صـلاح الدين فينا ولابه معتصــــم *** طيب اللي فينا بالكسل صلى وصــــام تاركين الدين لو هو لنا عـز وعزم *** لو تضيع حقــــوقنا ظلم نجنح للسلام مابقى للدين فينا ســوى ذكر واسم *** ماحفظنا عن سلفنا ســـوى بعض الكلام التهينا فالمسارح وفي شـــعر ورسم *** وانـتهينا بالمعاصي وحـللنا الحرام نرجم الشيطان لاوالله اولى بالرجم *** من ليا مـن اذن الـفجر يهناه المنام الدول تحيا وتوجــد وتفنى وتنعدم *** والغني الله عن كــل من صلــى وصام اشــرقي ياعين جالوت فالظلما نجم *** علمينا كيـــــف بالله كان الاعتصام في حـــروب كثرة الكفر فيها تنهزم *** من ســيوف ترفع النور في وجه الظلام نفتح التاريخ هـــذا عمر عدل وحزم *** أسس الدوله على العدل ماهـاب الملام سارت جيوشـــه معارك تثور وتحتدم *** تفتح الدنيا على سـنة الهادي الامام طعنه بطعنـه وســيف بســيف يلتحم *** والشــهاده ترفع العزم مادامت مرام والغنايم عــرش كسرى وقصـره منهدم *** وانهزام الروم..والقدس تفتح في سلام من لنا بالمعتصـم أو بمن مثله شهم *** في زمن والمعتصــم نام وجيوشه نيام المساجد تنهدم والعقيده تنشـــتم *** والمصلي ينشد الشيخ عن اجر القيام!! يامحمد أمـــتك بالهــدى ماتلتزم *** لين صــارت أمـة المصطفى أمـة نعام حاولوا يطفون نوره ونور الله يتم ***ان بقــى أو مابقى دين نور الله تام مابقى في أمتك خـــير من بين الأمم *** مات فيها صــدق ابوبكر والحجاج قام الشاعر / ابو ساره ****************** * * * ( شابت بيوت الشعر في الصدرشابت ) ****************** شابت بيوت الشعر في الصدرشابت *** وان جيت ابا اكتبهايصومن الاقلام مدري بيوت الشــعر خافت وهابت *** من كثر مافي الصـدر ماتن الاحلام مدري مع الامجـــاد راحت وغابت *** غابت مع القبه والاقصــى والاسلام الكبد من ماشــافت العين ذابت *** والهم له في داخل الصـدر مرسام يالله في صـــف من الجند ثابت *** يضرب حصــون البغي ويهد الاصنام يالعنبو عين من الــــذل رابت *** ويالعنبو زندن عن الحق هـــوام اما نعيش بمخضــــرات المنابت *** والا ممات منــــه تنغاض الاخصام الشاعر / الحادي ****************** * * * ( اتركوا شارون يفعل مايريد ) ************ وقّـف الطاغـوت وبكل افتخـار **** يعلن الحـرب ويهـدد من بعيد أضربوا كابول ودكّوا قـندهار **** واتركوا شـارون يفعل مايريد يستبيح الـدم يهـدم كل دار **** يذبح الشـعب بفلسـطين ويبيد قدموا له لا زعـل كل اعـتذار **** قدموا لـه كل مايبغي ويريـد اتركوه يزيد طـغـيان ودمـار **** اتركوه يدمر الشـعب الشـريد يا خسـارة كيف هالعالم يدار **** مالقينا غـير تهـديد ووعـيد ذكـرونا بالمـغـول وبالتتار **** ذكرونا بكل شـيطــان مـريـد كل صــاروخ(ن) تفلّت ثم طـار **** جهزوا معه الكفن لجل الشهيد وكل بارود القنابل لين ثـار **** مايدمـر والإراده مـن حـديـد يالعدالة كل شخص(ن) فيك حار **** كل يوم ونسـمـع بشي(ن) جديد لك مسار وغيّروا فيك المسـار **** صرنا نجهل وش هو الحل الاكيد الجهل فوق الجهل اصبح عـمار **** حتى صوت الحق عن صـوته يحيد يا إله الكون خــلا ق البحار **** انـت خالقنا وحنا لك عـبيـد يالّلـه المعبود تحرقهم بنار **** ورّنـا فـيهـم عذابك ياشديـد وسلامتكم وادعوا ان الله ينصر المسلمين في كل مكان الشاعر / alrobiia ************ 0 0 0 0 ( لا والله الا دمروها الملاعين ) ************ لا والله الا دمروها الملاعين **** بالطايرات السود والمدفعية بوش القبيح ومعه توني وبوتين **** وما ينّسى شارون حادي المطية والكفر ملة واحدة يا هل الدين ****اجتمعت النيبان في راس حية قالوا نريد اللي ضرب له مساكين **** لاجل النفوس تصير عنكم رضية لكن فالافغان ناس(ن) فطينين **** قالوا عطونا ادلة(ن) واقيعة ولياثبت ذاالعلم نرجع على الدين ****أحكام ربي فالشريعة جلية رد الكفر ثم قال مانتمب راضين؟ **** عقبوا يذا الافغان فيكم حمية! نهجم عليكم بالجنود الملايين **** وتصير ديرتكم بها النار حية وآقول ياهل الكفر منتمب دارين **** الله وحده عالم(ن) بالخفية ياناس باادعي رددوا قولوا آمين **** يا الله تنصرنا وتجلي البلية وياالله تعزاخواننا في فلسطين **** راحت عليها سنين هذي القضية واختامها صلوا على ازكى النبيين **** نبينا المعصوم ماله خطية وانا تراني كنت ناوي(ن) ببيتين **** لكن بالي مشغلته القضية وان كان فيها زلة(ن) يامسلمين ****مني ومن شيطان نفسي الدنية وسلامتكم وسامحونا على القصور وتراني كتبتها بدون مراجعة وكررت فيها قافية ولفقت المعنى في أكثر من موضع لكن الجود من الماجود وهذا اقل شيء يمكن ان نقدمه ، فما دام الله انعم علي بالشعر فأنا سأشكر الله على هذه النعمةبكتابة الشعر في قضايانا. والسلام عليكم ورحمة الله وبركاته. أخوكم / طويل الباع ************ 0 0 0 0 ( اسعوا معي من شان قطع العلاقه ) ************ اخواني هذا اقل ما نقدمه للاخوان المجاهدين في افغانستان000 واللي ندعي ان الله ينصرهم ويساعدهم في محنتهم وان الله يكون في عونهم انه سميع مجيب الشعر له بين الضلوع اصطفاقه *** وصار الغزل ماله على بالي دروب يقولها اللي سايق الغيض ساقه *** سوق السجين اللي على الوجه مضروب ولاعاد لي في كتمت الغيض طاقه *** ضيقة غضب ماضقتها لاجل رعبـــوب غيضي من اللي يدّعوّن الصداقـه *** وشنوا على الاسلام غارات وحـــروب اللي عليهم كلمة الحق فاقــه *** ودرب الهدى في اسلومهم غير مرغـــوب عليهم التوحيد مر(ن) مذاقــه *** يسعون للتدمير باهداف واســـلــــوب ماودهم يكبر ويكبر نطــــاقه *** يبغون دين الحق مخفي ومحــجـــــــوب وشنواعلى الافغان حرب الحماقه *** حرب(ن) هدفها الدين رايات وشعـــوب عسى السعد عنهم قريب(ن) فراقه *** اعداءولكن لبسوا اثياب محبـــوب ويالله عليهم تفتح اليوم طاقــه***طاقة جحيم(ن) تعزل الشرذمه صــــوب وانصر لنا شعب(ن)قليل(ن)نفــاقه***يارب لطفك والقدر منك مكــتــوب واسعوا معي من شان قطع العلاقه***ومن العدو ماعاد نشري ولو ((كوب)) صح لسان / الشاعر / عكاشه ************ 0 0 0 0 ( يالها من خيانه ) ************ محمد يبوي تكفى بحضنك أشوف ملجاي ****** قلبي ملاه الخوف والموت عانه يبوي دمعي فوق خــدي ووجناي ****** تكفى ترى روحـي بحضنك أمانه جمال تعال في حضني من الموت بحماي ****** ياما حضنتك في سنين الحضانه يبوك فاحذر من فشق كل رمــاي ****** نسل اليهود قرود قلب اللعانه محمد مالي سواك ولك من إخــواني اسواي ****** يا والد ٍ ياما شملنا حنانه وش ذنبي اللي جاب ذا اليوم بلواي ****** غيري بأمان ولا يعرف الإهانه جمال تفداك عيني مع فوادي مع أحشاي ****** يبوك دونك هاك روحي رهانه خمسين عام بديرتي تعبث أعـداي ****** ماله لزوم صكوك تركيز إدانه محمد أمي ليا ضميتها غاية منــــاي ****** أســـــعد صباح وبيتنا في مكانه يبوي ذا جندي يهودي لنا جــاي ****** أنا في وجه الله من أهل الرعانه ************ لا يا عرب صيحه تردد بها اصــداي ****** عار ودمــار ويالـها من خيانه ما سركم كوفي ولا حكــم لاهــــاي ****** ولا ســــركم صـدام فلتة زمانه إسم العروبه صار يعزف على الناي ****** كلن على الآخر بيرمـي هـــوانه صار اليهودي صقر خطر ٍ بالإهواي ****** أنتم بعش ٍ مثل عش الســـمانه لا ياعرب ما مجدنا قــــول حكـاي ****** المجد بإســلام ٍ صحيح الديانه الشاعر /المنتهي ************ 0 0 0 0 ( مشـــكلتنا انا عرب شي(ن) قديــــــم ) ************ مشـــكلتنا انا عرب شي(ن) قديــــــم ****اتفقنــا لـلأبــد مــــا نتفــــــق ما بعد شـــفنا الطــريـق المسـتقيـم **** فــ المعـاند والمخـــاصم نســـتبق عندنا مبداء على الشــــــرع الحكيـم **** بس ما نـدري بـه انـه ينــــطبـــق من نصحــــك يصـــــير في عينك خصيـم **** ومن مدحك بكـــــذب من قــربك وثـق المنــــافق عندنا دايــــــم حشــيم **** يصـــدق الكاذب ويكـــذب مـن صــدق نرفض الفـــــاهم ونســمع للغشيــــم **** لين مركبنا مـع الغـبه غــــــــرق الحكيم يعيش معنا في جحيـــــــــــم **** بيننا عايـش وكنه ما انخلــــــــق والمظاهـــــر عنـدنا شــــي عظيـــم **** بالمواتــر والملابـس والشـــــــقق نلبس العطـــار وشــــماغ الوسيــــم **** ونبتــــخر بالعــود حتــى نـخـتنق وهـمنا بس المغازل والحــــــــــريم **** الحســوفه كــان احـــد منا عتـــق وكــان مالك واســطه مــا انت بسـليم **** ضــاع حقـك واحتـرق كـــل الـــورق من جهـلنا دايما في الجــــو غيــــم **** غيــم نســمع له رعـــود ولا بـــرق كل واحــد وده يصيــر الزعيــــــــم **** ونتصـادم لاتــــلاقــن الطـــــــرق وان حكينا مــــــا طلع فينـــا فهيم **** وان سـكتنا كــل ثــــوب(ن) ينفتـق وان غلطنا ما طلع فيـــنا حليــــــم **** نجــتمع حتى نضيـــــق ونفتـــــرق غـــاز تحــت الضغط محفـــوظ وعــديم ****ان طلــع مـن علبته بــراء احتـــرق لامتى نبقي كـــذا الـلـــه عليـــــم ****حلهــا بيديـك يــار ب الفــلـــــق الشاعر / بدوي في امريكا ************ 0 0 0 0 ( صـــــلاح الدين وينك ) ************ صـــــلاح الدين وينك ليت مثلك ياصـــــلاح الدين **** يقود ابطالنا اللي بالحجر ترمي مدافــــعها صـــواريخ الغضب بحــــلوقنااللي مايهمـــه شين **** وبخطانا على نــــــــازف دمانا ما نراجعها تلقينا الرصاص بروســــنا اللي ما تبـــي تطمين **** من اشباه الخنـــــــازير بصفاته وبطبايعها اشوف (اللاو)مايرحـــم واشـــوف العالم اغمض عين **** على المجرم وسيــــــــافه لك الله يوم تدمعها لك الله يوم تدمـــــعهاعلى الطفل الصغير الحين **** على الشــــيخ الكبير اللي اموره ما يسنعها انا باســـم الشهيد اطلب انا باسم الجريح احسين **** اقول القدس تبقى العاصــــــمه لازم نرجعها نبي فزعـه نبي وقـــفه نبي شـــــوفه نبي تثمين **** دفعنا ارواحنا من شـــانها للكل نرفــــعها الشاعر/fallaj ************ 0 0 0 0 ( انصــر عبيدك ياعظــيم الشان ) ************ يا نيل كبر ورد الصوت يا فرات **** الله اكبر تعدل لنا الميزاني امريكا جتكم تحشـــــد القوات **** تجبرت, طـــغت جعلها للهواني قالت مســــاكين وضـعوف وشتات **** كلــهم مابين جــايع وعطشاني الجوع مايثنينا ياضعوف بالذات **** عن نصرة الاســلام باقصى مكاني شبــــابنا لاهــب للموت هيهات **** تغريهم الدنيا او احضان غاني وشيابنا لهم بالمـال ســـوقات **** ينوون به نصر الاسـلام من داني وشــهيدنا حي مانعده مع اموات **** والحور تشتاقله باعلى الجناني وانتم فقيدتكم جت على البارات **** ياعســى قبوركم بجبال الافغان حنا لنا في اشهر الصــوم جولات **** يشهد لها التاريخ ذاك الزماني ياليتها تنعاد بــدر الكرامات **** وعين جالوت نصـــرها شـي ثاني ابو دجانة فــز عـاف التميرات **** عطى السـيف حقه ذاك الزيزماني يارب كمل ايامنـا بالمســـرات **** وانصــر عبيدك ياعظــيم الشان بقلوبنا عاش ابن الوليد مامات **** عســى حفـيده يظـهر لنا ويبان ويطهر الاقصــى ويشـــرح الايات **** في ســـورة الاسرا عددها ثماني الشاعره/ قمـــراء ************ 0 0 0 ( تعرية واقع ) ************ تعالوا نكبر الصــورة ونصحى من مهاجعنا **** ونطلع في مجال اكبر ونفتح بعض ابوابه مواقفنا لنا موقف؟ انا اعـــرف تراجعنا **** لنا راي ولنا كلمة؟ لنا الخذلان وكتابه وانا اعرف لنا انجاز..نجحنا في تصارعنا **** ونجحنا في الادب والنحو وكيف نميز اعرابه اذا شــفنا طــفل يذبح تبكي لة مدامعنا **** نسوق الاااة والحسرات ولا نعرف متى نجابه عرب واسلام بالاســـماء واعرف ويش يمنعنا **** ما دام ان الجسد فاسد فمنهو يحسب حسابه ومادام جـــهادنا مكفن فلابة احد ينفعنا **** لابوش(ن) ولا توني ولا شيراك واذنابه تعودنا على الطاعـة واذا جانا امر طعنا **** لنا سيف(ن) ونامر بة ولكن الصدى صابه نبي نكتب لنا تـــاريخ بدمانا واصابعنا **** ونبي نجغرف لنا ارض(ن) بها جيوش(ن) ووثابه نبغى نزلزل العــــالم ويعرف كيف لابعنا **** دمانا لوجه اللة ولا هو خاب طلابه ونبغى نقود للعالم ولابه حـــــد يردعنا **** والى منا بغينا امر(ن)جانا ما درينابه نبغى رفعة(ن) لاســلام ترى هــذي مطامعنا **** ونبي نمسح قهر ظلم(ن) علينا طوق حجابه لنادين ولنا جنه لها اشــواق(ن)تنازعنا **** مللنا من قهر شارون مع رابين وكلابه لنا تاريخ نفخر به وامجــــادة ترصـعنا **** نبي وقت المعتصم يرجع وعمر وزيد واربابه الى ياما ضربنا بســيف وادمينا واوجعنا **** بجموع(ن)ما تهاب الموت لشرب النصر رغابه مللنا بطش اســــرائيل وحنا في مواقعنا **** وترى صوت(ن) بلا قوة ابد ما يرجع اسلابه نسينا الرمح والحربة ونسينا كيف يجمعنا **** كتاب اللة مع سنة نبي اللة واصحابه سهيت وراح تفكيري بخيالاتة توســــــعنا **** الاماني والامل موجود مادام الحق نقرابه hawi^qe9ed ************ 0 0 0 ************ ( عذبي ثم حرّقي ثم دمرّي ) عذبي ثم حرّقي ثم دمرّي .... واقتلي طفلن رضيعن فالمهود واضربي شيخن كبيرن يحتري .... جنّة الفردوس من قهر اليهود واركلي بالرجل حرمه تشتري .... للقبر اكليل أزهار وورود أغتصاب وهتك أعراض البري .... لو حصل تمحي من الأرض الوجود حاصريهم فالقرى ثم سوّري .... وأغلقي كل المنافذ والحدود العصر هذا لكم لا تذخري .... يا كلاب اجدادهم صاروا قرود مجلس للأمن شاهد ينظري .... منبسط من لعبة الكلب الحقود * * * ( لجل كل ما ذكر قالت المبدعه البندري 200 ) ( تــكـــفــــى يــبـــو مـــتــــعـــب ) ************ تكفى يبو متعب ترى الحال منقود **** من بعد ربي فيك الآمال تعقد تكفى يبو متعب ترى الأمـر معقود **** في كلمتن منك تحــل المـعقد إخواننا ياشيخنا حــالت ســدود **** بين الفرح وقلوبهم ينبني سـد عــذابهم ياشـيخنا مـاله حـدود **** إخــواننا ياشـيخـنا لاتــردد تكفى يبو متعب لياليهم تسـود **** بدد عتيم الظـلم ياشـيخ بـدد أحي الجهاد وجيشنا يطلع حشود **** من كل حدب وصـوب ينسـل ويرعـد أحي الجهاد وكلنا طوعـك جنود **** جنود حــق ورب الأفــلاك يشـهـد أحي الجهاد وطالب الحق محمود **** في مسجد الأقــصى لنا حـق نـسجد حتى الحدود نشيلها مابه حدود **** تصبح ســراب بكلمتن منك تحــمد ندكهم ياشـيخ والعـالم شهـود **** قـدام هيكــلهم جثثــهم تمــدد ترجع سنين العز للدين وتعود **** أيام أبو بكر وعمــر والمجــدد أيام حد السيف والظيم مردود **** أيام غــزوات الإمــام المـوحـد تكفى يبو متعب تفررج عن العود**** يبغى الصـلاه وردوا العود يسجـد شارون ملعون ومعه زمرة يهـود **** ويلاه يـاذبحه وهـاالناس تشـهـد قلته وأنا قلبي من الظلم ملهود**** تدمي القلوب أحوالهم كيف نرقـد؟ تكفى يبو متعب ترى الحال منقود **** أنت الكبير وفيك الآمـال تعـقـد الشاعره / البندري 2000 ************ اللهم انصر الاسلام والمسلمين ارجو من جميع الاخوان الذي عنده قصيده من نفس تصـــنيف القصائد السابقه يزودني فيها مع الف شكر [ أبريل 08, 2002: تم تعديل الموضوع بواسطة : نادره ] [ أبريل 08, 2002: تم تعديل الموضوع بواسطة : نادره ] اخر تعديل كان بواسطة » نادره في يوم » 07-06-2002 عند الساعة » 06:44. |
|
|
|
|
29-10-2001, 08:54
|
#3 |
|
موقوف
|
الله يعطيك الف الف عافيه اختي نادره على ها الجهود اللي تبذلينها والاضافات الجديده ما شاء الله عليك واخراج اكثر من رائع تسلمين اختي والله يعطيك العافيه |
|
|
|
|
29-10-2001, 09:15
|
#4 |
|
شــاعر
|
الاخت الستاذه الرائعه نادره: لك الف الف الف مليون الشكر على هذا الذوق الرفيع..والخرص على جمع الاشعار الجميله في مناسباتها ومختلف مواضيعها...لن نسطتيع مها عملنا ان نفيك حقك بالشكر والاطراء على اعمالك الجليله ولكن....لك منا الحب والتقدير...ولك من التاريخ شهاده في صفحة بيضاء على خدمتك لهذا الفن الشعبي الرائع.. تقبلي تحيات اخوك البدوي |
|
|
|
|
29-10-2001, 09:54
|
#5 |
|
شـــــاعــــــر
|
اختي( النادرة ) بيضاالله وجهك وصح لسانك كنتي شعلة من النشاط في الشعر النبطي ولا زلتي ,وهنا قمتي بالمستحيل لتثبتي للجميع ان النساء شقائق الرجال تحملين هم الأمة وتحملين هم الأدب و.... واستطيع ان استمر بالكتابة كثيرا جدا ولكن هل سأوفيك ما تستحقين من الإطراء اشك في ذلك بل انا متأكد منه تقبلي تحياتي وتقديري ومزيدا من العطاء اماالتألق فلا يساورني فيه ادنى شك . |
|
|
|
|
29-10-2001, 16:42
|
#6 |
|
عضو شعبيات
|
اختي نادره قد لاافي بكلماتي تجاه روعتك.. ابدعتي وتالقتي.. تلسمين.. عساك على القوه.. تقبلي تحياتي اخوك المملوح,,  |
|
|
|
|
29-10-2001, 17:09
|
#7 |
|
عضو شعبيات
|
اختي النادره: نادره .....الله يعطيك العافيه .. وماهو غريب عليك هالنشاط ...ماشاءالله ماشاء الله تسلمين اختي ... مع تحيات اخوك / راعي العنود <<<<<<<<< فرح بيوزره الجديد  |
|
|
|
|
29-10-2001, 17:34
|
#8 |
|
العضوية الماسية للموقع
|
هاوي قصيد مهما ابذل من الجهد ما يجي عند كلمة منكم الله يجزاكم الف خير 0 0 0 بدوي في امريكا مبروك الف مبروك الاشراف الله يوفقك استاذي الفاضل الف مليون شكر على هذا التشجيع أخجلتيني بكرم معروفك وش اقول بعد هذا الكلام الاالله يجزاك الف خير لاهنت يا طويل العمر 0 0 0 ابونوت وجهك ابيض يا طويل العمر تشجيعك تاج على راسي الف الف مليون شكر على هذاالإطراء وما يستغرب عليك الكلام الزين الله يزين فالك 0 لاهنت 0 انا المملوح الابداع حضورك 0 الله يقويك اشكرك اخي الكريم 0 0 0 |
|
|
|
|
30-10-2001, 03:38
|
#9 |
|
عضو شعبيات
|
اختي الأموره / نادره أ أ أ أ ألف الف شكر لهذا العطاء ولهذا الارتقاء مجهود رائع احييك عليه ت ت ت ت ت ت ت ت ت تحياتي لك 0 0 |
|
|
|
|
30-10-2001, 04:53
|
#10 |
|
عضو شعبيات
|
الاخت نادره جزاك الله خيرا على هذا المجهود الجبار صحيتي حين نام الاخرين حملتي همومنا حين اسقطها البعض بكل تجبر شكرا يانادره وشكرا لشعرائنا المدعين الذين حملوا همومنا ايضا وعلى رأسهم الشاعر الكبير صالح الحمود |
|
|
|
|
31-10-2001, 04:48
|
#11 |
|
عضو شعبيات
|
الاخت نادره لا اقول الا جازك الله عن الجميع الف خير على هذا المجهود الذي تقومين به لجمع قصائد هولاء الشعر الذين تكلموا بلسان امتهم وجزاهم الله عنا الف خير شكرا يانادره فا انت تستحقين اكثر من ذلك |
|
|
|
|
31-10-2001, 04:52
|
#12 |
|
عضو شعبيات
|
حبيبتي نادره جعلك تسلمين ياعمري والله ماقصرتي والله يخليك لنا |
|
|
|
|
31-10-2001, 05:19
|
#13 |
|
عضو شعبيات
|
اختي نادره للامام انشاء الله دائما,,,,, يا(النــــــــادره) |
|
|
|
|
31-10-2001, 10:12
|
#14 |
|
رفيــق الحــزن
|
اختي نادرة النوادر الف شكر لإيصالك مابداخلنا الى حيز أكبر من خلال المنتدى الجديد والرائع شعبيات ولك أطيب الامنيات بالتوفيق والسداد.اخوك alrobiia سابقا |
|
|
|
|
31-10-2001, 12:37
|
#15 |
|
شـــاعــر
|
مااقول .. غير اللي لزوم انه يقال .. تسلم يمين النادره .. ويسارها تسلم يمينك يانادره |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
