12-06-2002, 20:06
|
#1 |
|
عضو شعبيات
|
شعر الحداثه لعيون حصه
اسعد الله مساءكم بكل خير [poet font="Simplified Arabic,4,blue,normal,normal" bkcolor="white" bkimage="" border="none,4,gray" type=0 line=200% align=center use=ex length=0 char="" num="0,black" filter=""] شعر الحداثه قول من غير برهان = فرث المعاني صار شعر الحداثه عليل لا معنى ولا سبك واوزان= وصف المريض اللي تحرّا الاغاثه رمّايهم يرمي على غير نيشان = واشعارهم ماتاصف الاّ الخباثه سراب مايروي ظما كل عطشان = ولاّ هماج ولا يفيد الحراثه بالله فسّرلي اذا قلت (( تحنان )) = هي وصف للمحبوب؟ ولاّ لاثاثه؟؟؟ وانتي تهني بالحداثه على شان = محبوبك يكمّل شروط ابتعاثه شعّارنا يشهد لهم كل ميدان = نايف وابن منصور ثالث ثلاثه شم الرجال عيال ذربين الايمان = ماهمّهم حزب الخنا والاناثه [/poet] اخر تعديل كان بواسطة » فيّاض الروقي في يوم » 14-06-2002 عند الساعة » 20:59. |
|
|
|
14-06-2002, 05:04
|
#2 |
|
عضو شعبيات
|
فياض الروقي كفووو والله انك جبتها الحداثه دمرت الشعر فعلا وخذ هالابيات للشاعر محمد العبد الهادي والشعر يوجب على من دق بابه000يرتفع به عن طمانات مهينه يجعل الجزلات ف المعنى زهابه000 يا كذا والا بلا00يرفع ايدينه ما لعب في شعرنا العذب وعثابه 000 غير خلاط الحداثه 00والعجينه  وصحححححح لسانك على القصيده والله يجنبنا الحداثه وبلاويها |
|
|
|
|
14-06-2002, 14:42
|
#3 |
|
عضو شعبيات
|
فياض الروقي اول ماشفت العنوان خفت انك جرفك التيار وكنت مجهز كلمة ااااافا لكن بعد ماقريت القصيده ارتاح قلبي مع انكذكرت ثلاثه شعراء لاعليهم غبار لكن اسمح انا في نظري اذا لابد من استشهاد باسماء فهناك العديد اولهم ابن عون والزلامي ولاحصر موضوعك ذكرني بابيات لي قديمه الشعر حكر اثنين دون الثلاثه ـــــــــــــــــــــــــ في نظرتي والناس تمشي بالانظار شاعر كسب شعره بعرق الوراثه ـــــــــــــــــــــــ وريث ورث وله من الورث مقدار وشاعر كسب له موهبه وبدماثه ــــــــــــــــــــــ قدر ينميها بتدريب واصرار واما على ماقيل راع الحداثه ـــــــــــــــــــــ لو ينحسب كان اكثر الناس شعار |
|
|
|
|
17-06-2002, 12:26
|
#4 |
|
جاسر الحربي
|
السلام عليكم....... صح السانك ياخو شبابه ......... يعطيك العافيه ....... وهالحداثه ماهي اسلوب وطرق شعر وبس لالالالا ........ فكر سااااااااااااااااااااااااااام هذي هي مصيبته والا اذا كان طرق شعر فبراحتهم والناس اذواق ............ بس الحداثه طريق الى ++++++++++ "العلمانيّه" كفكر وحضاره صححح السانك مره ثانيه ودمت في عافيه ....... أخوك/جاسر الحربي |
|
|
|
|
17-06-2002, 20:01
|
#5 |
|
عضو شعبيات
|
الكوبرا الله يمسيك بكل خير لاهنت على الحضور والتأييد واشكرك على المشاركه ابياتك رائعه في الحداثه |
|
|
|
|
17-06-2002, 20:06
|
#6 |
|
عضو شعبيات
|
الاخ الشاعر العزيز / سعود الدهيمي لاهنت وكلماتك تشجعني دائماً وحضورك يسعدني ابياتك اللي كتبتها جميله للغايه |
|
|
|
|
17-06-2002, 20:10
|
#7 |
|
عضو شعبيات
|
الشاعر / جاسر الحربي المهند هلا بك اسعدني حضورك يارجال مناولتنا للموضوع من باب الدعابه وفقط الحداثه في الشعر ولا المسائل الثانيه يطول الشرح فيها وندخل في متاهات يصعب الخروج منها |
|
|
|
|
18-06-2002, 08:32
|
#8 |
|
رحمة الله عليه
|
اخوي الغالي فياض الروقي صح لسانك الكبير كبير ..... ماشاء الله ابدعت والله ياخال  وعلى طاري الشعار الكبار ....... الاقربون اولى بالمعروف ياخي كان جبت طاري الشاعر الكبير<====== كبير وبس هو ماشاء الله  شقير بن عقيل الجدع الروقي انا اشهد انه شاعر ماينتحارش  وصح لسانك للمره الثانيه ..... وسجلني من المعجبين بكل بيت تكتبه ياخال |
|
|
|
|
18-06-2002, 16:22
|
#9 |
|
عضو شعبيات
|
الاخ الشاعر / عزيز لاهنت على الحضور والتشجيع مرورك يسعدني وشهادتك اعتز فيها وبالنسبة للشاعرا لكبير شقير ( طروقه مخلاّه ) ولا يحتاج شهادة احد وموضوع الشاعرين لها سابقة والشعراء الكبار كثير مالهم حصر من باقتدار يحتل اول صفوفهم الشاعر شقير ،،،، ولكن كان الموضوع له سابقة للشاعرين في موضوع خاص مع المعني بالابيات تقبل تحياتي واشكرك على الحضور مره ثانيه |
|
|
|
|
18-06-2002, 16:28
|
#10 |
|
عضو شعبيات
|
اخوي فياض الله يمسيك بالخير بس بغيت اوضح ان الابيات ماهن لي الابيات لشاعر اسمه محمد العبد الهادي ومشكور وصححححح لسانك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
