04-05-2003, 20:29
|
#1 |
|
شــاعــر
|
جديع بن ملحم وولده طراد
جديع بن قبلان بن ملحم من شيوخ عنزه وكان بالنقره بالشام صار عليه غزو وانذبحو عيال عمه واخوانه وقلبوا عليه جماعته قلبتن ماعقبها قلبه وسوو به سواتن ماتنتسوا فرّعوا بأخته وذبحو ولد جاره وخذو ذلول ضيفه (صدق لاطاح الجمل كثرت سكاكينه). وكان لجديع صديق يسير عليه بين الفينه والاخرى(وش رايك ياعزيز فيه تطور  )يقال له النفيشي من الاسلم من شمّر يزوره كل سنه ويهدي عليه طيور وجديع مايقصر يعطيه قاسمت الله ويوم جاه هكا السنه ويلقا حاله مقلوبه(لوه واحد من اخويا هالوقت كان ديور )ويقص له جديع السالفه وقال له عطني شورك يالنفيشي ابي النسب الطيب قال النفيشي مالك الاالسمن العرابي امير الجبل بحايل (واسمه محمد بن عبدالمحسن بن علي اخو خنسا وسموه السمن العرابي يقولون مره من المراريت جوه ضيوف وخاف ان الاكل مايكفيه فصب على الاكل سمن) له اخت يقال له خنسا وتراك ان طلبته منه يبي يطلع به عذاريب بس انت اجحره وقل مهيب مشكله اهم شي الاخلاق وبالفعل راح له وطلب اخته وقعد السمن العرابي يعذرب بس جديع قال موافق (ابوك يالحجره )وتزوج خنسا وجابت له ولد وسماه طراد والظاهر انه هو اللي يقول به ابن صليبيخ وطراد ابن ملحم زبون الونايا وكبر الولد وصار خيالن ماله نطيح وناداه ابوه هكا اليوم وقال ياوليدي ترى السالفه هاللون وهاللون وعيال عمي عملوا بي كذا وكذا وقال ياولدي ان بغيت تسوي شي عليك بفلان(هذا الراس الكبير) قال مبدهاش يبه الله لايعوق بشر معاد فيها ان بغيت والا مابغيت ويوم جت الشرهات من الدوله وبدو يقسمون النيرات(نوع من انواع الدراهم )جاهم طراد قال الحذيه يالشيوخ (يبي قسمه) قالوا طلاب الحذيه مقمع(يعني ضف وجهم ماعندنا لك شي قال انا اخو جوزا ويسل سيفه ويضرب يد العبد اللي يقسم الدراهم يمار هي بالارض ويوم قام شيخهم وهو يضربه ولاه منسدح جمب يد العبد ويستلم الباقين بالدور وترجع الشيحه لابوه جديع والضاهر ان به ناسن من ربعه لاموه على هالفعل فقال جديع العذر يالاجواد عشرن دمحناه ..............وخمسن مخفيهن وهن بيّناتي الاوله مقرونه اختي تغشاه ...........يلفح هدبها هو وجيب العباتي والثانيه ياللي بسيفي تولاه .............ويقول وانا اليوم هذي سواتي والثالثه ولدن لجاري تعشاه .............خلا حريمه بالعرب صايحاتي والرابعه ذلول ضيفي تحضراه .............والضيف ضيف الله من المكرماتي والخامسه كبدي من الغل اسقاه .............واودع الما بين الضماير مواتي وتركتهن ياما تمكنت بقضاه .............واجلى صدى قلبي عن الفايتاتي عفيه يافرخن خلف قيمه غذاه ............ياغاذين وكري من الخاسراتي تكفى ياعزيز قل انك اول مره تسمع هالقصه خلني احس اني جايب جديد وسلامتكم |
|
|
|
04-05-2003, 22:28
|
#2 |
|
شــــاعـــر
|
ماقصرت ياخالد بس اسمح لي اتلقف وارد قبل عزيز ------------------------ ((((((وش رايك ياعزيز فيه تطور)))))) ------------------------- نشوف ((((مايقصر يعطيه قاسمت الله )))))  (((((((يعني ضف وجهم ماعندنا لك شي ))))))):what: :what: ((((وترجع الشيحه لابوه ))))) ايضا:what: :what: وبقوه =================اقترح عليك تنقل الموضوع للديوانيه..  ماقصرت يابوخلود ..... سمعت بالسالفه من قبل بس القصيده اول مره اسمعه يعطيك العافيه ... بس لي ملاحظه ...السمن العرابي -- عبدالمحسن بن فايز ال علي .....وولده اسمه محمد |
|
|
|
|
05-05-2003, 10:55
|
#3 |
|
رحمة الله عليه
|
اخوي خالد الشايع  (وكان لجديع صديق يسير عليه بين الفينه والاخرى) هذي مايقدر عليه ولا ابن خميس ( وقال ياولدي ان بغيت تسوي شي عليك بفلان(هذا الراس الكبير) قال مبدهاش يبه الله لايعوق بشر معاد فيها ان بغيت والا مابغيت ) مبدهاش<============ هذي رايقه  يامال العافيه والله يابووليد وقصه مؤثره  <======== ماكمل القصه واما البيت ذا عفيه يافرخن خلف قيمه غذاه ............ياغاذين وكري من الخاسراتي اخوي خالد حتى لو اني قد سمعت بالقصه صدقني اذا انت الي تبي تكتبها باسلوبك اقراها 100 مره وبيض الله وجهك وتسلم يمناك |
|
|
|
|
20-06-2003, 18:42
|
#4 |
|
شــاعــر
|
نواف الشمري ياخي الضاهر انها حوبه التميمي الله لايعيد الساعه اللي استلمته فيها ومن ناحيه السمن العرابي انا سامع هالسالفه من الروائي عبدالرحمن سعود المرشدي ولا اقدر أؤكد او انفي المعلومه وشكرا على حضورك تقبل وافر التحيه |
|
|
|
|
20-06-2003, 18:44
|
#5 |
|
شــاعــر
|
خالي عزيز الله يرفع معنوياتك مثل مارفعت معنوياتي ياخال شكلي ابصير راوي والله يعينك على دعاوي الناس عليك انك نصحتي اسلك هالمنهج واشكرك جزيل الشكر على مرورك يالغالي تقبل تحياتي |
|
|
|
|
20-06-2003, 19:25
|
#6 |
|
شـــاعــر
|
الأخ العزيز / خالد الشايع الله يعطيك العافيه على نقل هذهِ القصه اسلوب طرح رائع يا بو شايع والأخطاء المطبعيه تراها تجي بالعدوى و من الشماته تحياتي لك يا بو شايع ... ! اخوك احمد بن ديهان . |
|
|
|
|
22-06-2003, 02:44
|
#7 |
|
شـــاعرة
|
صباحك خير ونور والله اسلوبك روعه يخلّي الواحد ينسجم مع السالفه بدون رسميه تسلم على الجهد وانا ماقد سمعتها صراحه والثالثه ولدن لجاري تعشاه .............خلا حريمه بالعرب صايحاتي والرابعه ذلول ضيفي تحضراه .............والضيف ضيف الله من المكرماتي والخامسه كبدي من الغل اسقاه .............واودع الما بين الضماير مواتي تسلم يمينك نوره |
|
|
|
|
26-06-2003, 23:55
|
#8 |
|
عضو شعبيات
|
صح لسانك ويامال العافيه اخي الكريم امتعتنا باسلوبك بارك الله فيك تقبل أجمل التحايا من اخوك القيصر |
|
|
|
|
01-08-2003, 13:26
|
#9 |
|
عضو شعبيات
|
ياسلأم عليك ياخالد الشايع لأهنـــت على القصه والاسلوب والسرد الجميل جدا جدا. وبيض الله وجهك وتسلم يمينك. تقبل تحياتي الخويطري |
|
|
|
|
22-09-2003, 00:17
|
#10 |
|
شــاعــر
|
احمد الديهان الساعه المباركه اللي خلتك تزورنا يابعدي واملي ان الموضوع اعجبك ولاتحرمنا من مرورك تحياتي القلبيه |
|
|
|
|
22-09-2003, 00:19
|
#11 |
|
شــاعــر
|
الاخت الفاضله/نوره اعجاب اتمنى ان يدوم فعلا..!! واشوى ماعمريك سمعتيها اشكرك على تشجيعك تحياتي |
|
|
|
|
22-09-2003, 00:20
|
#12 |
|
شــاعــر
|
العزيز/ القيصر اشكرك على اطلالتك الرائعه تحياتي لك |
|
|
|
|
22-09-2003, 00:21
|
#13 |
|
شــاعــر
|
الفاضل/ الخويطري تشجيعك يحفزني على تقديم الجيد دمت لي.. تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
