[علي الخطيب]

بعد غياب طويل!

الله يهديهم الدحيمي والاكلبي والاخوان بآخر قصيدة

طاحوا فيني مدح وانا ما استاهله والله

عقبها قلت منيب منزّل الا شيٍ يجوز للجميع

ولا يبون يتحسّفون على اللي قالوه

يقول ابو محمد :

من طنخة الفكره ومن شاعر يجوع=ومن باب محدٍ مرّ قبلي خلاله
اسّست معنى واستعاره وموضوع=وصنعت مجد ووجد واوجدت حاله
ولان الجفاف اللي بدى بي من الكوع=غديت لا منّي تراكيت عاله
لذلك استاذنك لا جيت بدروع=افضل من اللي صافحك في عجاله
انا خطيب القاف والراس مرفوع=تميمتي منبر وبشت ومقاله
غيري نسوه الناس في ظرف اسبوع=وانا بسوّي وسط الاعلام هاله
ودام الحميّا بالشعر حقّ مشروع=شفني وانا اللي محتمي بالجزاله
وشفني على شطّ العنا صرت ينبوع=اخلط ملوحه وآتجدول زلاله
لا الجزر وطّاني ولا المدّ بطلوع=ولا الموج غطّاني ولا السدّ ناله
فيني زوارق طفل وحدودي زروع=وتمثال طين ونسمتين ورساله
تسبح بحسّ وشلّة حروف وطبوع=ويضماني حظّ وبسمتين وسهاله
انسان لمّا تذرف عيوني دموع=القى محاديري على سيل واله
واذوب واطفو فوق متنه وموجوع=واضمّ اشيائي حرامه حلاله
الين وصّلني لداري على طوع=وما ينشد الرجّال غير اكتماله
وفجّأه حيا بي قلب والتامت ضلوع=وقدرت اميّز من يميني شماله
ونبت لساني واصرخ الصوت مسموع=وابصرت عقب المهزله والجهاله
واكملت نصف الدين واسعدني ربوع=وخايف يضيع النصف الاوّل خباله
والله رزقني شعر وازدانت فروع=يوم انكتب لي تستمرّ السلاله
خايف عليه من الهوى حرّ وصقوع=يالله وانا ما اريد شيٍ بداله
الشعر ولدي هادي بكاه دلّوع=وشافه فؤادي وسط حجري وشاله
اوّاه لا من نام ديوان مطبوع=وحسراه لا من صاح في وسط آله
حديث يصبغ بالمعاليق والنوع=فريد في تركيبته واختزاله
كنّي على بحوره مموّج ومدفوع=لاجل اصرخه في ذوق ولاّ دلاله
على سفينه بين شعّار ورقوع=مستشعرين تبلّل اقدام اصاله
انا خلاصه من عنيزه ومنزوع=انا اختصار ابيات فنّ الاطاله
بالضبط مثل الشمس في حزّة سطوع=واقفت وخلّت للنجوم البساله
احكي شعر ابكي هوى اشكي قطوع=بسّ الرجل احلى شعوره لحاله

[سعيد بن مقبل الأكلبي]

هذي هندسة شاعر وحرفنة حرّيف شعر
يسلم راسك ياعلي

[وحش]

.
.
واحة عذبة من الأبجديات اروتني شعراً وشعوراً..,

الألق / علي الخطيب
كان لرقي الحرف وقفه في كل بيت ..,

دمت بخير .......(:

[محمد الدحيمي]

مجنوووووووووووووووووووووون
وخطييييييييييييييييييييييييييييييب
وراسك مرفووووع
الله الله الله عليك ياعلي
هنا تتأدب الذائقة رغماً عنها
المفضله على طول

[نجلاء الشريف]

علي الخطيب
جميل وومتع هذا الحضور
نص به الكثير من الأضاءة المشرقه و المشوقـــه
شكـــراً بلا حد و تحية لشخصك الكريم

[علي الخطيب]

إقتباس »

الرسالة الأصلية كتبت بواسطة سعيد بن مقبل الأكلبي
هذي هندسة شاعر وحرفنة حرّيف شعر
يسلم راسك ياعلي

ومن قال سالم يبو مقبل

وانت شاعر كبير وهذه شهادة اعتز فيها يالغالي

يسعد لي طلّتك يالطيّب

[علي بن ناصر الشريف]

أخوي علي
قمة الإبدااااع صح لسانك
لا زلنا نطمع في المزيد

[ثامر الشعيفان]

أولاً : والله سعدت لمّا رأيت اسمك حاضراً في قوافي البوح فـ أنت من الأقلام الجميلة التي أفتقدها
ثانيا وثالثاً وعاشراً : سعدت كثيراً حينما رأيتك تحضر بلغتك وألقك الشعري لتتحفنا بهكذا نصّ.

الله لا يحرمنا من مثل هذا الحضور

[حسين آل ذيبان]

علي الخطيب
تشكيلة هــندسية رآآئعة
واشجار مثمرة
شعر نتمنى ان نشاهده شاعره حاضر لوجود

الخطيب صح الله لسانك كتبت وابدعت
تقبل تحياتي
حسين

[علي الخطيب]

إقتباس »

الرسالة الأصلية كتبت بواسطة وحش

.
.
واحة عذبة من الأبجديات اروتني شعراً وشعوراً..,

الألق / علي الخطيب
كان لرقي الحرف وقفه في كل بيت ..,

دمت بخير .......(:

بنت عبدالله ..

مرورك اضاف للقصيدة الكثير ..

والرقي الذي تتحدثين عنه ما هو الا قطرة من بحرك

الف شكر على هذا الاطراء

لك كل التقدير والاحترام

[علي الخطيب]

إقتباس »

الرسالة الأصلية كتبت بواسطة محمد الدحيمي
مجنوووووووووووووووووووووون
وخطييييييييييييييييييييييييييييييب
وراسك مرفووووع
الله الله الله عليك ياعلي
هنا تتأدب الذائقة رغماً عنها
المفضله على طول

ابو بدر

الجماعه صاروا ينادوني علي الخطير من بعد ردك

جعل عيني ما تبكيك يالغالي

ولا ننحرم منك ومن شعبيات والجميع

[عبدالله آل شداد]

طبت وطاب بوحك
لله أنت

[خالد العروي]

الشعر ولدي هادي بكاه دلّوع
وشافه فؤادي وسط حجري وشاله

بلاغه ووصف وتصوير عجيب

هنا شعر غير طبيعي

صح لسااااااااااانك

يا علي

[علي الخطيب]

إقتباس »

الرسالة الأصلية كتبت بواسطة نجلاء الشريف
علي الخطيب
جميل وومتع هذا الحضور
نص به الكثير من الأضاءة المشرقه و المشوقـــه
شكـــراً بلا حد و تحية لشخصك الكريم

نجلاء ..

هذا الاسم الرائع في متصفّحي؟

الف الف شكر لمرورك واطرائك

وان شاء الله اكون عند حسن ظن الجميع

الف الف شكر مرّه اخرى