29-01-2002, 09:51
|
#1 |
|
رحمة الله عليه
|
بداح العنقري(الروايه الاكيده)
السلام عليكم ورحمة الله وبركاته . ومساكم او صبحكم الله بالخير جميع ...... القصه والله ياجماعه الخير هي قصة بداح العنقري ؟ بداح العنقري هو امير ثرمدا وعلى ماذكر عنه انه امير وفارس وشجاع وكريم والكريم وجه الله . وبداح العنقري كان معروف عنه انه (طراد هوى)وقلبه مايبي له شي  المهم ولا لكم باطواله ذكر احد جماعة بداح العنقري انه فيه بنت امير من امرآ الباديه جميله ومزيونه  ومثل ماتعرفون بداح قلبه مايبي له شي قرر بداح انه يروح لاهل البنت ويخطبها منهم وفعلا راح لهم بداح لكن؟؟؟؟؟؟؟  من اول سلوم الناس (سلوم تعني تقاليد) تختلف عن الحين من اول الناس الي يجيه ضيف ماينشده عن لزومه او طلبه الا بعد مرور ثلاثة ايام <IMG SRC="cwm19.gif" border="0"> وقعد العنقري عندهم الثلاثة ايام ذي وصار يلعب مع اخوان البنت (على الخيل اللعب لاحد يحسبه على سياكل)وكان مثل ماقلت لكم مشهود له بالفروسيه واعجبو به جماعة البنت وجاز لهم <IMG SRC="cwm30.gif" border="0"> بعد مرور ثلاثة ايام راح بداح لابو البنت وقاله عن طلبه وغرضه ومير يقوله ابو البنت والله ونعم بس خلنا نشاور البنت (وعلى فكره ترى ماهوب كل البوادي واحد لاحد يجي يقول اصلا البدو مايشاورون حريمهم) البنت ياجماعه ردت على ابوه بعد ماشاوره بالرد ذا (افا يبه غرك الحضري ذا خيال القري ترى حيث انه لعب والا لو انه هوش ماهاش خيال القري زين تصفيح) ومعنى كلامه انه الحضري او خيال القري الي هي جمع قرى خيال بالسلام والا بالحرب والجد مايسوي شي. يوم قالت البنت ذي الكلمه ومير يشوم بداح العنقري عن البنت وقال يافلانه قولي يالله ؟ قالت يالله قال ان الله يعجل باليوم الي اوريتس فعلي به <IMG SRC="cwm12.gif" border="0"> والحين لو تلاحظون فيه مثل يقال الي هو (شيمه عنقريه) وهي ماخوذه من بداح العنقري يوم يشوم عن البنت يوم اصبح الصبح وهو يركب فرسه يبي يرجع لاهله البنت واهله صار الشي الي محد توقعه صبحوهم الفضول من بني خالد وتدور المعركه لكن الكثره تغلب الشجاعه ومير يقول ابو البنت انت يافلان ابيك تروح للعنقري ويمكن تمكنه او ماتمكنه واطلب منه الفزعه <IMG SRC="cwm45.gif" border="0"> العنقري يوم سمع كلام الرسول الي مرسله ابو البنت قال ماافزع الين تجين فلانه وتنخاني ثلانين نخوه  يوم قالو للبنت قالت وش لون بس ابي انخاه ثلاثين نخوه ؟ قالت له امه روحي وقولي له العنقري يارجالي انخاك عشر ويتبع العشر عشرين وذولي الثلاثين  يوم جت وقالت له ومير يفزع وينصره الله ويرد حلال البنت وحلال القوم <IMG SRC="cwm12.gif" border="0"> يوم قضت المعركه ومير يجيب معه بداح العنقري الاعنه حقت الخيول (وهي مثل الدليل فاذا كان معه خمس اعنه معناه ذبح خمس فرسان) العنقري جاب الاعنه الي لاتعد ولاتحصى ..... يوم انهم شبو نار العز اهل البنت وقعد الشيخ الي هو ابو البنت ينشد جماعته انت كم ذبحت وانت كم جدعت ؟؟؟؟؟؟؟ وقامو يكذبون الي يقول انا ذبحت عشر والي يقول انا ذبحت خمسين البنت يوم سمعت الكذب والنصب ومير تقوم وتقول لابوه الي ذبح فارس يجيب عنان الفرس <IMG SRC="cwm23.gif" border="0"> وهي جابت الصفريه الي مليانه اعنه وحطتهن قدام الرجال وقالت ذولي من بداح معطيني اياهن امانه اثناء المعركه ومير يقوم بداح ويقول القصيده التاليه الي تجمع بين الحكم والفخر والغزل وراك تزهد ياريش العين فينا وتقول خيال القري زين تصفيح والله لحد ياما غزينا جينا وياما ركبناهن عصير مراويح وياما غزيناهم وياماغزينا وياما تقاسمنا حلال المصاليح ويوم الفضول بحلتك شارعينا والخيل باخوانك سواة الزنانيح اذا انكسر رمحي جذبت السنينا وخليت عنك الخيل صم مدابيح وترا الظفر ماهوب للظاعنينا مجسم بين الوجيه المفاليح البدو والي بالقري ساكنينا كلن عطاه الله من هبة الريح والصدق عندك مير هيا عطينا هيا عطينا الصدق يازينة الريح هيا عطينا الصدق هيا عطينا وان ماعطيتينيه والله لاصيح والله لاصيح صيحه من غداله جنينا والا خلوج ضيعوها السراريح ولي صاحب...كما طلع تينا عنهن جديد الثوب غادي تشاليح صخف بلطف باعتدال بلينا ولا مش مش البصره ولاهن تفافيح ياعود ريحانا بجال البطينا من وين ماهب الهوى بان له ريح وهو يركب حصانه ويروح يبي ديرته وميرتقوم البنت وتقول يبه يحرمون علي الرجال غير بداح قال له الابو وانتي تحرمين عليه من بد بنات ادم <IMG SRC="cwm45.gif" border="0"> وتقوم البنت من غير شعور وتلحقه يوم انهم مشو وراها يبون يردونه ومير يلقونه ميته <IMG SRC="cwm41.gif" border="0"> المهم جاء ابو البنت ودفنها ...... البنت الي توفت له اخت اجمل منه والاخت ذي قالت لابوه يابه الي ذبح اختي ابي اذبحه <IMG SRC="cwm4.gif" border="0"> قال الابو ابوك وش تذبحينه به ذا محد ينطحه تبين تذبحينه انتي؟؟؟؟؟؟؟ قالت لا مالك دخل انت حطني في بيت قدام قصر العنقري بثرمدا . وافق الابو وفعلا سكنو قدامه العنقري صار كل ماطلع مع قصره تجي البنت وتكشف له محاسنها ويوم بعد يوم العنقري حب البنت وعلى قولهم (دقر عنه) لكن هي له مقصد ثاني الي هو تبي تولعه وبعدين تتركه وتجحده <IMG SRC="cwm45.gif" border="0"> العنقري جاه مرض الحب الله يكفينا شره <IMG SRC="cwm41.gif" border="0"> واشتد عليه المرض الين ماجاء احد جماعته يقاله علي . واخذه لراس ضلع ماهوب بعيد عن الديره يوم بدآ العنقري يونس الموت وعلي حمى المخاطر يبي يكويه يحسب الي به الوثاب والوثاب مرض معروف . ومير يقوم العنقري ويقول البيتين ذولي الي هن اخر ماقال بالدنيا ياعلي هذا الموت ماهوب وثاب مير الله الله على الكفن والرهابه ولياحملتوني على اللوح والباب بالك تحرمن وقفتن عند بابه وذا توايق الزين وضاح الانياب قله توفى العنقري ياسفبا به ذا صاحبي ماهو لغيري بعجاب وليا شافني قامت تلاعج عذابه وليا شاف احد تغبى ورى الباب وليا شافني مافوق راسه رمى به الله يرحمه ويغفر له ويتوب عنه <IMG SRC="cwm45.gif" border="0"> وبعد ماقضى العنقري من قصيدته مات فعلا ومير ياخذه علي ويدور به بثرمدا ويصيح ويقول صلو على الجنازه يالمسلمين ... مر من عند بيت البنت ومير تساله من الي مات قال العنقري يطلبك الحل قالت قل عليه الله قال عليه الله ومير تقول اصبر وان مت انا فادفنوني معه  ومير تجدع روحه من فوق السطح وتموت <<<< مولود ذا بمجزره ماعنده الا موت وذبح  وسلامتكم وارجو انها حازت على رضاكم واعجابكم واني اكون ماطولت عليكم مع تحيات اخوكم عزيز |
|
|
|
29-01-2002, 12:34
|
#2 |
|
جاسر الحربي
|
السلام عليكم ورحمة الله <<<<<< يقراها وهو كذا <IMG SRC="cwm3.gif" border="0"> <IMG SRC="cwm3.gif" border="0"> عزيز عز الله أول مره أسمع قصة بالشكل هذا فعلا شي يخلي الشعر ياقف كل ما قلت هذي نهايتها بدت مغامره جديده وتنتهي بمأساة <IMG SRC="cwm14.gif" border="0"> <IMG SRC="cwm14.gif" border="0"> <<<<<<<< حنين ههههههههههه عزيز أحسنت والله على هالسالفه (وش سالفه سوالف) وعلى القصيدتين الرائعه وأسلوبك الأروع  <<<<<<< اليوم راح يتحلم فيها  عسا الله يغفر لهم جميع ويرحمهم بواسع رحمته يارب الله يعطيك الف عافيه وننتظر القادم منك <IMG SRC="cwm15.gif" border="0"> <MARQUEE><font color="Red">من الحب ما قتل</font></MARQUEE> تحياتي لك00000 المهند000000 |
|
|
|
|
29-01-2002, 23:28
|
#3 |
|
رحمة الله عليه
|
هلا بك اخوي مهند والله انك وافي مير الله يعيننا ونتجمل معك لكن اخوي لاهنت يعني مدري حبيت اتاكد من نقطه القصيده الاولى المذكوره ماقد قريتها او سمعتها ؟ والشي الثاني شف ابيك متى مادخلت هنا وشفت الرد تجين على الماسنجر بغيتك ضروري ياخوك... azez58@hotmail.com واشكرك على المتابعه للمره الثانيه وماقصرت اخوك عزيز |
|
|
|
|
30-01-2002, 02:46
|
#4 |
|
عضو شعبيات
|
احسنت الاختيار وسلمت وبيض الله وجهك |
|
|
|
|
30-01-2002, 04:09
|
#5 |
|
رحمة الله عليه
|
هلا وغلا ابوقعيد والله يسلمك وماقصرت على الاطرآ وانا اخوك ومشكور |
|
|
|
|
30-01-2002, 11:14
|
#6 |
|
رحمة الله عليه
|
<font size="4"><font color="Blue"> اخوي : عزيز ..الله يعطيك العافيه على هالتوضيح والعمل اللي تشكر عليه والله ,,,لاهنت يابعدي ,, </font></font> |
|
|
|
|
30-01-2002, 23:27
|
#7 |
|
رحمة الله عليه
|
ياهلا والله وغلا حي الله راعي العنود , وافي والله يابو صالح ومشكور على المتابعه . تقبل تحيات اخوك عزيز |
|
|
|
|
29-05-2002, 03:38
|
#8 |
|
عضو شعبيات
|
سلام عليك ياعزيز انت كذا
[mover]ايوا الله الحب عذاب ... الله ياقانا جميع منه قولوا امين [/mover] وتسلم عزيز على هالقصه الرائعه وسلم لي على شيمه العنقري الله يخلف مهب رجال هالزمن وتحياتي الحبيب |
|
|
|
|
03-06-2002, 14:31
|
#9 |
|
رحمة الله عليه
|
يامال العافيه حياك الله يالحبيب وهذي الساعه المباركه الي تشرف الموضوع به وامين الله ياقانا وياك انشاء الله لاااااااا يارجال الحين خل عنك الشيمه مير اذا اخذه لاتبدى هي الي تسيره وتسرح به ومشكور على المتابعه ياخال |
|
|
|
|
29-04-2003, 16:16
|
#10 |
|
شــاعــر
|
8 8 خالي عزيز اسلوبك غير يابعدهم.. الواحد يحس انه عايش معهم وهذا لايجيده الا القليل واما هذه القصه بالفعل رائعه والشهامه والفروسيه مهيب محكوره عيّنه من الناس النفوس اول كانت طاهره لاحب الواحد حب .......مهوب الحين يسمعون بالحب ولايعرفونه الله يالدنيا من اللي يموت عشان حب هالحين ياخال وتسلم على هالقصه وترى الغيبه طالت بالحيل يابعدهم |
|
|
|
|
29-04-2003, 22:14
|
#11 |
|
رحمة الله عليه
|
اخوي الغالي خالد الشايع وبعدين لي فتره قاطع عن النت لظروف قاسيه شوي لكن حسيت ان المنتدى والموقع كله منور ولاعرفت وش النور ذا لكن دخلت المنتدى اشوف وش قصة النور وعرفت عاد الحين من وين النور اثر اخوي خالد صار مشرف بسالفه وقصيده والله يابو وليد انه تو مازاد غلى المنتدى عندي وانت مكسب للمنتدى وبالنسبه لسالفة العنقري ابي اقول لك شي بيني وبينك اذا سمعت احد الرواة (الشيبان) وهو يقص قصة حب قديمه وفيها قصيده الاحظ ان الراويه يبالغ بعض الاحيان بحب وعشق الاولين ويمدحه ويتوجد عليه ويقول(ايه هذا الحب الصدقي ) صار الحب مثل السنه او النفيله حب الاولين وحب التالين كلهن حول بعض لكن الفرق ان البنات من اول مايتسترون مثل الحين (اقصد المتحشمات فقط) وكان فيه جهل وخصوصا عند الباديه .البنت الجميله تشتهر ويذيع صيتها وكانوا البنات يطلعون مع الرجال بالحروب لتشجيعهم وفيه كثير من الحروب كان سبب الانتصار فيها هم (البيض) عندك الروقه من عتيبه اكيد انك سمعت بالمعركه الي صارت بينهم وبين ابن سعود (في الدوله السعوديه الثانيه) وكان جيش ابن سعود اكثر من 3000 خيال والروقه كانوا 300 فارس وانتصر جيش القوه والكثره وبعد ما انسحبوا الروقه راجعين لاهلهم . طلعت عليهم مضاوي بنت ابن ربيعان (شيخ عتيبه) وكانت معروفه بجمالها . وفرعت قدام الفرسان وصاحت  ورجعوا الروقه لعيون مضاوي وانتصروا . وهذي ابيات لشليويح العطاوي بالموقف نفسه [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=" shadow(color=red,direction=135)"] رحم ابو من صد عن محرافها=يوم انجلاع الستر عن مضاوي نطعن لعين اللي تهل دموعها=تبكي وفي تالي البكا نخاوي قلت ابشري بالفك ياحم الذرى=دام الطعن بفك والا هاوي [/poet] الزبده ياخال ان الغزل ماكان عيب حتى لو تغزل الشاعر في بنت وذكر اسمها واسم ابوها . لو ابو البنت شيخ قبيله مثل سالفتنا حقة شليويح وهذا الشي طبعا يخالف تعاليم الدين . والحين انا مااقول كل البنات متسترات ومحتشمات . لكن اقول اهل الخير واااجد )وطبعا ياخال فيه حب برئ وشريف لكن نادر لابعد الحدود  واي شاعر يتغزل تلاحظ ان الشاعر يوصف حبه وعشقه على اساس انه عفيف وشريف والناس تصدق انه هذا الحب الجائز وكثير من الشعار الي اشتهروا بالغزل وحبهم للبيض تلقاه كل يوم يتغزل في بنت عندك مثال محسن الهزاني هذا مافيه بنت الا وتغزل فيها وله قصايد مهيب طبيعيه والي يسمعها يقول مسكين الشاعر والشاعر كان الله يرحمه معروف بحب البنات وكل بنت جميله يحبها . وعندك بصري الوضيحي الشمري هذا بعد مايخفى عليك كان طراد هوى (هواوي) حتى اني سمعت شريط لراويه شمري يقول (بصري الوضيحي كان مولود بليلة القدر لانه اي بنت يشوفها وتعجبه لازم ياصل لغرضه من البنت )يعنيس بصري كل يوم يحب ومقصده دايم مهوب شريف لكن بعض الناس اذا سمع قصيده له قال هذا مسكين وضعيف اكيد انه مسحور اخوي خالد بعض العادات والتقاليد القديمه يرفضها الاسلام واكيد ان دينك الزم عليك من العادات والتقاليد الحب الي بين الزوج وزوجته هذا هو الحلال وبالعكس اذا نوى الرجل ان حبه لمرته لله ورحمه بمرته فهذا عليه اجر اما قصة انا والله احب بس حبي مثل حب الاولين هذا ماهوب عذر ولاهوب كفاره عن الذنب بالعكس تلقاه يحب لكن يقول مانبي نتزوج لان الرجل مايبي يخطب وحده وهو يعرف لها تاريخ ماهوب طيب صار الحب ذا معصيه وبعض الاحيان او اكثر الاحيان يوصل للزنا وتحت اسم حب الاولين واسف ياخال على الاطاله.... بس ودي اوضح وجهة نظر ي بقضية الحب وانتبه اصحك تقرب الهوى ترى واجد حبوا يجربون وتوهقوا <===== مهوب عاقل الدجيما وتقبل تحيات اخوك الصغير عزيز |
|
|
|
|
01-05-2003, 06:28
|
#12 |
|
عضو شعبيات
|
يعطيـــك العافيه يا عزيز ولأهنت. صدقني لو اتكلم واعبر وارد عليك لــن ولــن اوفيك حقك فانا متابع جيد لقصصك واسلوووبك الجميل جدا. وترا فقدناااك وبنتظار قصه من قصصك المميزه. وتقبل تحياتي. فتى الوادي |
|
|
|
|
03-05-2003, 05:47
|
#13 |
|
عضو شعبيات
|
عزيز سرد جميل وجذاب ومؤثر ..... ما قصرت وليتك تتحفنا دايم بمثل هالسواليف الطيبة وشكرا . |
|
|
|
|
07-08-2005, 03:14
|
#14 |
|
عضو شعبيات
|
رد : بداح العنقري(الروايه الاكيده)
والله لحد ياما غزينا جينا بالله ماعرفت اقرىالبيت هذا شكلوووه لي باين عليه مسكور ولا أنا ماني لم جادة |
|
|
|
|
07-08-2005, 04:55
|
#15 |
|
شـــاعــر
|
رد : بداح العنقري(الروايه الاكيده)
. نفر مسكين .. والله لحد ياما غزينا جينا .. << الخطأ المطبعي هو اللي ما خلاك تقراه بالشكل الصحيح والله لحد ياما غزينا و جينا لحد = الاحد .. اتمنى ان فدتك .. اللهم ارحم واغفر لصاحب الموضوع عزيز ولـ راعي العنود .. واسكنهم فسيح جناتك .. . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
