01-11-2001, 06:40
|
#1 |
|
محمد البقمي / شـــاعــر
|
اهدا بمناسبة الافتتاح قصيده من حمر عين وردها مني
قصيدة الشاعر الكبير حمر عين لاعاد شوفك يا أدعج العين لاعاد === عين مضت ممضى السيوف الحدادي رميت بالنظرة على غير ميعاد === وصديت عني ..عندك الأمر عادي وأنا إنكسرت بجيش حسرات وأنكاد===أون وأصفّق عليك الأيادي مارد رمحك غير الأضلاع من غاد === رمحن قصد قلب المعنى قصادي الموت بين الخد والرمش منقاد=== الموت الأحمر في بياض وسوادي والله لولا العيب وسلوم الأجواد === وأدراك من هرجة كثير الدوادي لآخذ معك وأعطي على روس الأشهاد === وأبدي بحجة مستهام الفوادي وأقول : "ليتك في الخبا يابن الأسياد === يرتاح عمرك في ظلال وبرادي تسلم من الخطفه على عين حساد === وحنا بعد نسلم من الإضطهادي وإن جيت تطلع للعزايم والأعياد=== قدام لاتطلع يصيح المنادي نأخذ حذرنا منك ونبث الأرصاد === ترصدك يافتاك رصد الأعادي". لكن لافات الفوت ماعنه معواد === (ياليت) ماتنفع كسير الهجادي واليوم ..عقب أصبرت والصبر مافاد === همي تزوده الليالي تمادي بشكي على الحادي وأبي منه الإرشاد=== حادي ظهور الخيل..ماعنه حادي حنا تلاميذ الهوى وأنت الأستاد === ويش الطريقه يارفيع المبادي -------------------------------------------- ردها مني انا ؟؟الحادي ------------------------------------------------------------------------------- ياعل من ضايق حمر عين يابجاد***اللي حرم عينه لذيذ الرقادي اللي رماه بوادي هموم وجهاد***وروح وخلى شارد الذهن غادي ثم اشتكى لي طالب(ن) عون وانجاد***وانا على الفزعه سيوفي حدادي ليته شكى من ضيم قرمين الاولاد***لشد في وسق النجيبه شدادي لكن شكى من حب زامية الانهاد***الي طرايقها الهجر والعنادي اللي غدى بسبابها جموع وافراد***يقول رقتني طويل المبادي هذا وانا همي معي هاجسه زاد***ضربت من همه ثمانين وادي غديت لاجله بين محدار مسناد***اصيح وانخي وارفع الصوت حادي وماطال مال ويذبح الحمل لازاد***وانا حمولي كاسرتن عضادي ويابجاد عجل هات دله وبراد***واحضر لي الاوراق هي والمدادي برد لصاحب من الراس مرداد***واضمنه شيح وعنبر وكادي واقول حادي الخيل حاديه حداد***عانه صويب عيونهن ماستفادي اصبر وصابر واحتمل يابن شداد***ماخاب من يصبر سواة المهادي خلك على جور المحبين معتاد***وارج الفرج من عند رب العبادي وان لاح برق ودن في الغرب رعاد***اضرب بزندك ياقوي الزنادي [ نوفمبر 01, 2001: تم تعديل الموضوع بواسطة : الحادي ] |
|
|
|
01-11-2001, 07:03
|
#2 |
|
شـــــاعــــــر
|
ياسلام الله يعافيكم على هالقراهيد اللي اعذب من المطر على نقرة في راس قنه صح لسان البادي واللي رد عليه وتسلمون على تنشيط الساحة ولا تقولون ويش ادراه تراي اخط |
|
|
|
|
01-11-2001, 07:10
|
#3 |
|
موقوف
|
صح لسان اخوي حمر عين وصح لسانك اخوي الحادي والقصيدتين جزلات لا الاساس ولا الرد وعز الله انكم ابدعتوا وتقبلوا تحياتي |
|
|
|
|
01-11-2001, 08:13
|
#4 |
|
رحمة الله عليه
|
اخوي وشاعرنا المبدع : الحادي .....صح لسانك ولسان شاعرنا حمر عين ....والله يعطيكم العافيه. وتســـــــــــــــــــــــــلمون..... D  |
|
|
|
|
01-11-2001, 11:29
|
#5 |
|
شـــاعــر
|
مارد رمحك غير الأضلاع من غاد === رمحن قصد قلب المعنى قصادي الموت بين الخد والرمش منقاد=== الموت الأحمر في بياض وسوادي الله الله الله .. صح لسانك ياحمر عين ..  ليته شكى من ضيم قرمين الاولاد***لشد في وسق النجيبه شدادي لكن شكى من حب زامية الانهاد***الي طرايقها الهجر والعنادي الله الله الله .. صح لسانك يالحادي .. صوت وصدى .. وجزاله في الشعر من شعار كبار اشهد لله انكم ماقصرتوا واطربتونا بالروايع هاذي .. تسلمووون |
|
|
|
|
01-11-2001, 11:30
|
#6 |
|
شــاعر
|
اخوي الحادي بيض الله وجهك على هالموضوع الرائع.. صح لسانك الشاعر المبدع حمر عين ..وهذا شعره الجزل اللي متعودين عليه... وصح لسانك على الرد الوافي اللي متعودينه منك ومن جزالة شعرك.. اسمح لي انقل نسخه لمنتدى المسساجلات الشعريه عند اخوي عكاشه...لانه اجمل لهذه المساجله الرائعه... تقبل تحيات اخوك البدوي |
|
|
|
|
01-11-2001, 15:53
|
#7 |
|
محمد البقمي / شـــاعــر
|
ابونوت تسلم ياغالي وشكرا على الاطراء الف شكر لقد اسعدني ردك جدا وتسلم.. اخوك الحادي |
|
|
|
|
01-11-2001, 22:54
|
#8 |
|
رحمة الله عليه
|
هذا والله الشعر اللي يجمد على الشارب الحادي / صح والله لسانك انت والشاعر/ حمر عين اذا اجتمعوا الرموز في مساجلة رائعة مانتوقع الا الابداع والتمتع بالقصيد اللي يبرد الكبد لاهنتوا جميع وتسلمون ولاتندمون اخوك / عبدالهادي الخليوي (ناوي) |
|
|
|
|
03-11-2001, 09:51
|
#9 |
|
عضو شعبيات
|
حمر عين الحادي صح الله السنتكم جميعا شعرااااااااء ومبدعييييييين لاهنتوا اخوكم طلال الشمري (بك بي) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
