08-08-2002, 08:57 | #1 |
العضوية الماسية للموقع
|
ملف / الشاعر / ضــيـــدان الـمـريـخــي
[c] ( 1 ) كيف اخذت الملح كله وانت حالي ابتسم لون المسـا منـك وعرفتـك جيت مثل البدر في صدر الليالـي ايه شفت الحب بعيونـك وشفتـك واذكرْانك جيت ضيف ورحت غالي واذكرك مثل الـورود ولا قطفتـك واذكر ان المر دونك وانت حالـي جيتني من مدمـع الغيـم ولقفتـك تسهج ضلـوع الغـرام ولا تبالـي انت ما مريت بالـدرب وصدفتـك انت حلـم ايـام وسنيـن خوالـي من مدهيل الصبا عينـي اخطفتـك كنت الاقصي وانت هالحين الموالي اتخيـل كـل مـا منـي وصفتـك كيف اخذت الملح كله وانت حالـي الشاعر / ضــيـــدان الـمـريـخــي ---------------------- - - ( 2 ) انا000 وانتي يا عين ما هي سالفة ضحك وأرماش يا ام الهدب والكحل واللعب والطيـش ماني على النظـره شفـوقٍ وشـواش حتى ايش لو يدعيني الشوق حتيش لو مدلي وجهك من الحسن ما حاش مـا يستجيـب لرغبـتـه كــود درويــش ولـو ان وصلـك فيـه مـا يبـرد الـجـاش وعلـى ضفافـه ينعـم الحـب ويعـيـش ياهيـه كلـك ملـح لكـن عـلـى مــاش مثـل البحـر مـا بـل ريـق المعاطـيـش وانـا بدنـيـا النـقـض والفـتـل مـنـداش وانـتـي مغـيـر تنقـضـيـن العـكـاريـش وانــا اتقـلـب كــل ليـلـه لــي فــراش وانـتـي عـلـى مـخـدةٍ كـلـهـا ريـــش وانـــا بـكـفـي للمـواجـيـب حــــواش وانتـي كفـوفـك للـذهـب والدنـاديـش روحي مراح اللـوح فـي غبـة الطـاش لا روحـت بـه موجـة الـمـدّ بشـويـش لا عـاش قلـبٍ يتبـع الـهـون لا عــاش مـا تخدعينـه فـي سـراب النشانيـش خلـيـه بـيـن ضلـوعـه الـعـوج يعـتـاش حــرّ تـعـلا عــن طـمـان الخفـافـيـش الشاعر / ضــيـــدان الـمـريـخــي ---------------------- - - ( 3 ) فلسطين القلب يدمع لو ان العين ما تدمع والنفس تجزع وكثر الغبن يوجعها والصبر على الهوان المر ماينفع والصدر به زفرةٍ ما عـاد ياسعها والعين شافت وياليت الحواس اربع عين الغبينه نظــرها مايمتـــــعها ما ظني انا نشوف ولا بعد نسمع ارضٍ تعب صوتها والذل لوعـــها فيها الطغاة اليهوداللي لقوا مرتع قامت توسع وتحلم في مطامعها صبوا لها الموت بالرشاش والمدفع لين اطعنوا قلبها وادموا شوارعها قامت تضيق وتضيق وحلمهااوسع مدري متى من شتات العمر نجمعها ياامة الضاد والغايب متى يرجع سؤال في فم فلسطين ومدامعها ليا متى نجتمع جمله ولا نجمع ونقول حنا على بيض الورق معها وشلون هالصمت واطراف الجسدتقطع هذي فلسطين تشكي من مواجعها نشوفها حلم ما مثله ولا اروع تمد يدها ونعجز لمس اصابعها نقول متى العدو.. متى العدو يطلع ونقول متى نصلي في جوامعها والقول هالوقت لا يروي ولا يشبع خلاص سدت عن اصواته مسامعها نعم فلسطين ما لا حدٍ بها مطمع لازم تعرف العزيزه وين موقعها الشاعر / ضــيـــدان الـمـريـخــي ---------------------- - - ( 4 ) البدايه يا صاحبي 00 ليه بعض الحب ما ينكتب عجزت أعلمك في شيً بقلبي تبيه ؟ غنيت للحب لين إن البعيد اقترب بين المحاني يجيني كل ساعه وأجيه وغنيت للحب لين إن الغرام انسكب قمت أجمعه في مكاتيبي ولا تحتويه البارحه ما دريت ان الشجاع انسحب أقفى وفي خاطره تالي سؤالً نزيه إن قلت أبخفيه00 يلحقني ملام وعتب وأن جيت أقوله يقولون الأوادم سفيه مريت أسلم على نجلك وطاح الهدب قلت آتدفى على جمر الغضا واحتريه من يوم شرع بحوض الوجنتين وشرب وأنا أدرى إنه يبي يسلي هناك ويتيه جيت أطلب النور من وجه القمر واحتجب وأنامن أول نويت أسري معه وأهتديه عز الله إنه معرضني سلوم العرب يوم الحيا فوت البارح سلامي عليه الشاعر / ضــيـــدان الـمـريـخــي ---------------------- - - ( 5 ) عيديه ما فاح عطر الوفاء ياراعي الحور قلها تراها حلاة العيد قلها ما قدمها الا ضلوعٍ شهب ودهور ومنازلٍ ما حدٍ عقبك نزلها من غيبتك ما سري في ليلها النور لو علها الوسم الأول ما غسلها وها الحين يا بن الأوادم مانت معذور لعل هذاارضاها عن زعلها كلمه وتروي ضماي أيام وشهور عيديةٍ من فمك يقطر عسلها افتح لها الباب لا وهدم لها السور وش خانة العيد كانه ما حملها إن كان عيدك خضاب وكحل وعطور عيدي ليا قلتها وانت من أهلها الشاعر / ضــيـــدان الـمـريـخــي ---------------------- - - كم تمنيت ان تكون اكثر من خمس قصايد لكن هذا الي وجدت انشاء الله شاعرنا يزودنا بالجديد مع تحياتي [/c] |
08-08-2002, 09:42 | #2 |
عضو
|
الإخت الفاضلة إنتي والله اللي تستاهلين كل علمٍ غانم في هذا المنتدى عاد انتي ماتغيرين من يوم عرفناك في هالمنتدى وانتي مثل عود الطيب كل ما احترق زاد طيبه عاد هذا الملف ما ينتفوت لوانا مقصرين في الحضور عند صاحبه لا كن والله انه من البلايش في التنظيم الجديد وكيفيت الدخول والتعامل لاكن يشرفنا الإطلاع لهُ في ما جمعتي يا النحله وش نسوي نبي نكت المنتدى اتجاهه كذا >>>>> ضــحــ أنتي اكبر فائده للمنتدي وانتي اللي تستاهل الشكر الشكر الشكر الشكر لكِ يا نادره وصح لسانك يالمريخي ملا يين أخوكم / ابو مهنا |
08-08-2002, 10:09 | #3 |
شــاعرة
|
نادره الرائعه تسلم يمينك اختي الكريمه دايما سبّاقه ويعطيك الف عافيه ضيدان المريخي الشاعر الكبير الرائع صـح قلبك ويعطيك الف عافيه تحياتي للجميع |
08-08-2002, 10:24 | #4 |
عضو شعبيات
|
[c] الاخت نادره الشكر كل الشكر لك على ما تقومين به الشاعر ضيدان المريخي صح لسانك ولا هنت وننتظر المزيد من روائعك تقبلو تحياتي وتقديري,,, مشعل العتيبي,,[/c] |
08-08-2002, 15:16 | #5 |
العضوية الماسية للموقع
|
ابو مهنا الله يطول لنا بعمرك والف شكر على الاطراء الذي توجتني فيه انت والله الي معرفتك شرف الله يشرف قدرك شكرا ومليون شكر استاذي الفاضل 0 |
08-08-2002, 18:05 | #6 |
العضوية الماسية للموقع
|
كعادتك يا نادره
رائعة في كل شئ حتى الروعة ذاتها ... بإذن الله ستُجمع ملفاتك يا نادره و لاشك فهي ثروة تُضاف إلى رصيدنا والشعر ... صح لسان مبدعنا ضيدان المريخي و إلى مزيد من الشعر و الروعة ... تحياتي ... ــــ.. . |
08-08-2002, 18:08 | #7 |
شـــاعر مضر
|
الاخت العزيزة نادرة
صح لسااااااااااانك يا ضيدان ولا هنت يالغالي اما انتي يا نادرة الغالية الغالية الاخت الغالية ما راح احد يقدر يوفيك حقك واعتبرك من ركائز واركان شعبيات والاقلاع ولا اظن فيه واحد يقدر يجحد هذه الحقيقة ومن جحدها فقد ظلم نفسه ايتها الباحثة المجدة والمتذوقة العظيمة اخوك المود:ناصر الفراعنة |
08-08-2002, 23:08 | #8 |
العضوية الماسية للموقع
|
الغريبة هلا والف هلا يسعدني حضورك الف شكر لا هنتي و لا هان غاليك 0 |
08-08-2002, 23:13 | #9 |
العضوية الماسية للموقع
|
مشعل العتيبي والله انك صادق ننتظر المزيد من روائع شاعرنا الكبير انشاء الله اجمع في هالملف 100 قصيده من ابداع الشاعر اخي الكريم اشكرك على كلماتك الطيبه دمت سالم وغانم 0 |
08-08-2002, 23:17 | #10 |
العضوية الماسية للموقع
|
عبير بنت أحمد شاكره لك احضورك المميز الذي اعتده منك لا عدمنك تحياتي وتقديري 0 |
08-08-2002, 23:22 | #11 |
العضوية الماسية للموقع
|
ناصر الفراعنه حضورك وكلامك تاج على راسي وشهادة اعتز فيها الله لايخلي المنتدى من حضورك تحياتي وتقديري 0 |
09-08-2002, 01:35 | #12 |
عضو شعبيات
|
اختنا العزيزه / نادره اولا : صح لسان الشاعر / ضيدان المريخي ثانياً: تسلمين وتسلم يمينك ويعطيك العافيه على هذا النقل الرائع والذي هومثلك نادر( ياالنادره). تقبلي تحياتي اخوكم / هبوب الشمال |
09-08-2002, 06:36 | #13 |
العضوية الماسية للموقع
|
هبوب الشمال ياهلا والله بالشمال وهبوب الشمال وحايل واهل حايل تسلم على كلماتك الرقيقه وتواصلك لا هنت 0 - - من حب حايل شاب راسي ولا تبت 0 |
09-08-2002, 07:53 | #14 |
العضوية الماسية للموقع
|
لا هنتي
فخر شعبيات يا نادره ... للجميع تحاياي ... ــــ.. . |
10-08-2002, 06:01 | #15 |
العضوية الماسية للموقع
|
الاخت نادره اولا دائما وحضورك مميز في هذا المنتدئ الرائع ودائما وانتي مبادره في كل شئ جميل ورائع ولمساتك الجميله في هذا المنتدئ واضحه ثانيا الشكر الجزيل على ما قمتي به من جمع بعض قصائدي في هذا المنتدئ ووضعها في صوره جميله شكرا والف شكر اخر تعديل كان بواسطة » ضيدان المريخي في يوم » 10-08-2002 عند الساعة » 06:04. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|