[ضمير]

هلا باخوي واستاذي/ راعي العنود..

اييييييييه.. توني افهم <=== لا وناجحه بعد

وسعوا صدوركم..

روح معاشي بين خضره وكاكاو

**** والنيدو اللي من حليبه شربنا

واتلى الشهر بجر انا صوتي مياو

**** واشهد شهاده بالحريم نشبنا


ونكته..المعنى في بطن الشاعر

وجد الشاعر ابو شنب منتحرا في شقته بعد

اكتشافه انه يكتب قصائد بلا معنى حيث

تعلق المعاني في احشائه!!

فقرر الانتقام من بطنه فطعن نفسه بسكين ادت

الى وفاته

لذا يمنع كتابة اي قصيده لها معنى ويمنع اي

منتدى من نشر ادراج قصيده لها معنى حرصا على

سلامة الشعراء !!

وآسفه على الاطاله..

تحياتي لكم..

[قهر يزيد]

تفاءل بالخير يااخوي ياراعي العنود
عسى لنا وياك طول العمر وحسن العمل والخاتمة ، قل آمين .. أحسنت
بغيت أحد يحاورني ونشرت في أحد المنتديات
( حكمة مهبول ) والحق إن الشعر جر الشعر حتى صار ديوان ، جربت نشرتها هنا وماعاد لقيتها في
ساحة المحاورات ، يالله هذي جت والله جابها !

قلت :

ياأخي اسكت عطني الفرصة أغنّي
ياأخي اسكت أنا تزعجني الطبول
أنت واهم وأنت ظالم روح عنّي
أنت ماتدري اش تسوّي وش تقول
وأنت طول الخط قاضي ومتجني
وانت طايش سيء الظن وعجول
وش تبي مني عقب خيبت ظني
آخذ الحكمة من انسان امهبول ؟!

[صيّااااح]

Text

أخوي (((((((((((راعي العنود)))))))))))

00أنتوا نويتوا لي على شي000أنت و(((جاهم)))

000والله يفكنا في شركم

أستلموا :::

00 يالعنودي جــاهم(ن) حضّر بساعه 00

0000000000 كلها من سبّتك 00 ربي يهديكم 0000

00 قلتواان صيّااااح يشكي من ذراعه00

0000000000 أشهدنه فـي الحقيقه يحتريكم 0000

------------------

000 وسلامتكم والبقا في روسكم 00000000000000



أخـــــــــــــــوك \\ صيّـــــــــــااااح000

[راعي العنود]

السلام عليكم ورحمة الله وبركاته صبحكم الله بالخير

أختي : جمر الآهات ..........ياهلا والله فيك ومسهلا

ولاتروحين بعيد أختي ذولي حريم وعاداتهن يحبن

يسألن ممن باب حب الأستطلاع لكن عندنا في

النت وفي الماسنجر تحديداً انا عنواني معروض

للجميع ,,, دخل علي واحد

السلام عليكم

قلت عليكم السلام ,,,كيف حالك ,,,,الحمدلله بخير

ممكن نتعرف,,,قلت :ممكن

قال : والله أنا معجب بشعرك وانتي شاعره متمكنه

قلت : يالأخو أنت تكلم رجال ليتك تفتح عيونك

قال :لا قلت : ألا قال : طيب ليش أسمك :عنودي

قلت : عنودي ...أسم بنتي ..قال: لا ياخساره

قلت: وش هي الخساره قال : هالمكالمه واللي صرفت

أحسبك بنت وقطع الخط وحذفت أسمه ورسمه

ببليس وعجايب هالنت صراحه,,, واحد بعد

ماأعطيته أسمي ,قال انت من قبيلة الفلانيه قلت

لاوالله يشرفني أكون منهم,,,قلت أنا من القبيله

الفلانيه,,,قال: اللي أعرفه أن عائلتك من

القبيله الفلانيه,,,قلت والله وانت الصادق أبوي الله

يسكنه الجنه واموات المسلمين أكيد ماعنده سالفه

قال أكيد قلت يارجل أستحي على دمك كيف تقول

هالكلام,,,عيب عليك رجل ميت يقول عنه أكيد,,,,

هذا غيظ من فيض.وتسلمين أختي ,,

######################

أخوي : جاهم.........ياهلا والله ومسهلا بك يابعدي

والله ياخوك اني ضيّعتك بين هالخواجات

عقب هالبدله وهالكرفته وقبلها هالصلعه

حشا ماهي صلعه هذي كلوة حاشي أستلم طال

عمرك....

مرحبابك طير شلوى بالوساعه

################## مايجيناالشك منكم او عليكم

لوطلبت الغالي ماجاءلك مناعه

################# تطلب الغالي وتلقاه بيديكم


وتسلم يابعدي ....

#################################


أخوي: عبدالرحمن الربيّّع.... ياهلابك والله ومسهلا..

أستلم طال عمرك عزيز وغالي ,,,

يالربيّع كانها جت لك قناعه

################ يابو صالح وابو صالح مشتريكم

مرحبا بك عد مابيّن شـعاعه

############### يارفيـقي يرحـــم الله والـديكم

وتسلم يابعدي ,,,,,,


##########################################


أختي : ضمير ............ياهلا والله ومسهلابك

الحمدلله انك فهمتي لا واحمدي ربك بعد بعض الناس

بعد الأمتحانات ينسى أسمه والله...

أعتراف غير مباشر من ضمير أن الحريّم بلشه

انا ماقلت شي

أما أبوشنب حلوه

ويقال بأنه شنق نفسه بشنبه حيث ربطه بالمروحه

وشغلها على رقم واحد ودارت به دارت به وصبخت به

بالجدار ويقال والله أعلم أنه لزق للجدار

كلزقه البعرصي الذي ذاق مرارة النعال أكرمكم

الله فراح فيها وطي تسلمين أختي وياهلا,,


###############################

أختي قهر يزيد : الله يجزاك خير أختي وان شاء الله

متفائلين بالخير ,, آآآمين الله يطول بعمرك,,

واسمحي لي بهالمجاراة ,,,

ياقهر يزيد مافيها متهني

################## أسمحي لي واسمعي مني حلول

كانها في رغبتك والا تمني

################## غنّي للدنيا على عرض ٍ وطول

والخبل لاجابجنبي وامتحني

################# قلت له ياشين ممنوع الدخول

والعذر والسموحه أختي ,,,لأني ماأدري أنتي تبيني

أرد عليها والا لا ..على العموم صح لسانك وياهلا.


######################################

أخوي : صيّااااح ....ياهلا والله ومسهلا أرحب ياخوك

لابدماعليك الاالعافيه برداًوسلاماً.واستلم طال عمرك


مانجي ياخوك لدروب اللكاعه

################### والله أني واضح ٍشوفة عينيكم

قلبي اللي مودعه عندك وداعه

################ من زمان اول يوم انه قد نصيكم


وسلامتك ياذيبان ,,,,,,,,,,,

########################################


واعذروني والا كل واحد يستحق رد مستقل لكن

موضوعنا هذا مستثنى للشمولية ومشاركة الجميع

وياهلا والله ومسهلا بكم جميعاًً,,,,