30-10-2001, 19:43
|
#1 |
|
العضوية الماسية للموقع
|
( محاورات بين كبار الشعار )
<center>  <IMG SRC="cwm15.gif" border="0"> </center> |
|
|
|
30-10-2001, 19:53
|
#2 |
|
العضوية الماسية للموقع
|
<center> <font color="Blue"> ( يقول المبدع ) ( محــاوره بين ال قـور ... وبــــــــــوش ) **************** أل قور يابوش انا الليله نويت ابحث خفاك *** وعلومك امريكا تبي تدري بها اخوك في فلوريدا مزورها معاك *** والله وانا ال قــور ماتقفي بها **************** بوش ال قور انا والله مدري وش بلاك *** تبغى الرياسه وانت ماتحري بها الناس في التصويت قالت ماتباك *** استح على وجهك وقل مالي بها **************** ال قور زورتوا التصويت يامال الهلاك *** اخوك سواها وانا داري بها والله يالولا شايب واقف وراك *** حرام حرم الدم ماتمسي بها **************** بوش انته تبى تسوي في الاعلام ارتباك *** انا اعرف الاحزاب واساليبها والله يالولا ريس الدوله حماك *** ياقور يابن قور ماتبطي بها **************** ال قور والله ماتحكمها ولو يكثر لغاك *** ترى الرياسه مالها الا ذيبها والله لااحكمها وتعرف مستواك *** بكره وبكره ينكشف لك غيبها **************** بوش ياقور يابن قور روح في عماك *** بكره واشنطن رايح اغني بها انا هنا واخوي واقف لك هناك *** بالغصب كان الطيب عجز يجي بها **************** ال قور والله لو سويتها لااقلب علاك *** حربن ضروس والبشر تحكي بها مظاهرات وعنف وفوضى واشتباك *** ووارن كرستوفر معي يثعي بها **************** بوش ياقور جود ماك عنا في سماك *** وابحل بها كانك تبي تخريبها بكره لاجاك العلم كرع في البلاك *** ووارن كرستوفر معك شريبها **************** معلومات عامه: حاكم ولايه فلوريدا اخو بوش من امه ووارن كرستوفر من عيال عم ال قور تحياتي / المبدع ************************************** * * * يقول عكاشه (اقرب اقرب لاهنت يا طويل الباع ) **************** عكاشه مرحبا ياطويل الباع والعلم بادي **** بيننا مايجي منقود والعالم الله مايزيح الجبل ياكـود رب العبادي **** واترك اهل القلوب السود والعالم الله **************** يقول ( طويل الباع ) استلم الرد لاهنت والبقا ياعكاشه عد ماسال وادي **** مير يالله عسـاه يعود والعالم الله فيه ضلعن هشيط وفيه ضلعن سنادي**** وافهم القول والمقصود والعالم الله **************** 0 0 عكاشه استلم طال عمرك لاتسكر سموعك عقب جـاك المنادي ***** وانت سبع(ن) طلع لاسود والعالم الله0 لاتخم الخبر من بين بيض الايادي ***** ياولد لاتجي مقرود والعالم الله **************** 0 0 0 طويل الباع الله الله 00استلم ابشر اني معك ذا الليل ماناب غادي ***** والفشق وسطه العبرود والعالم الله فاهمن قولك الاول واعــرفــه وكادي ***** ربنا يشفي المحســـودوالعالم الله **************** 0 0 0 عكـاشـــه خابرك ياعميلي من طــيور الهدادي **** حر(ن) اشقر يجيب الفود والعالم الله اقصر الصوت قام اللي بعينه رقادي **** ماله الا اشــهب البارود والعالم الله **************** 0 0 0 طويل الباع ابشروا بالحرار وما تجيكم حنادي **** وان بغيتوا نجيب شهود والعالم الله جوها ياعميل الخير بالحيل هـادي **** ذعــذعي ياهبوب النود والعالم الله **************** 0 0 0 عكاشه ودنا نسمع اخبارك بوسط الروادي **** والخبر بيننا مــردود والعالم الله انت طاير ولا ودي تسير امتحـادي **** اركد اركد وانا موجود والعالم الله **************** 0 0 0 طويل الباع الله اكبر يذا الاخبار في كل رادي **** علمنا مايجيب الزود والعالم الله ابك انا ياعكاشه قـد عطيتك مرادي **** مانبيها بقـدح زنود والعالم الله **************** 0 0 0 عكاشه بالنسبه للمحاوره اشوف انها خذت حقها واذا بتغير وانا اخوك عاى هواك حطها في موضوع جديد وان طلبتني فانا عند وجهك قريب وان بغيت تطلب احد الاعضاء اللي يمارسون هذا اللون فانا متاكد اننا بنستمتع بمحاوره طيبه وانت لك الخيار تقبل تحياتي ايها الشاعر الرائع **************** 0 0 0 طويل الباع صدقت المحاورة خذت حقها ، ولو انا مابعد ملينا منك ياعكاشه لكن بننهي هذي المحاورة ونحط وحدتن ثانيه بس عاد مدري متى الله ييسر ، وتحياتك مقبولة ومتبادلة ياعكاشه ، وارجو اني جزت لك في محاورتنا هذي والسلام عليكم ورحمة الله وبركاته. تلميذك / طــــــــــــويل الباااااااع . ************************************** * * * يقول بدوي في امريكا ( اخوي منطقي جدا مع التحيه) اخوي منطقي جدا مسيك بالخير استلم هالابيات وعسى يكون عندك وقت لنتمكن من المحاوره استلم يا منطقي والملعبه جاها فحلها **** انت شعرك به دلايل مصدره من منطقيه الرسايل مبهمه واعــرف مغزى مفتعلها **** جت ثلاث (ن) واضحه والرابعه عندي خفيه **************** 0 0 0 منطقي جداً انا اتشرف بالمحاوره معك جدا جد وانت تعرف هالشي كان لي عندك وداعه في حضور الناس قلها **** غير مردود التحيّة عندنا مالك قضيّه **************** 0 0 0 بدوي في امريكا العلوم تزين عند الناس لا حظروها اهلها **** والبليَه لا لقاء شرواك ما مد البليه الوداعه خلها في كــف مامـــونن قفلها **** العطاء جانا ثلاث مرار خذ رد العطيه **************** 0 0 0 منطقي جداً لا توّعر بالخطوره دام رجلك في ســهلها **** والعطايا من وليّ العرش والنيّه مطيّه والثلاث الها دوافع والخطيّه مااحتملها **** والحقايق ماتغبّا مثل برج الفيصـليّه **************** 0 0 0 بدوي في امريكا اسلم اخوي منطقي واستلم: الهنوف اللي تمر بثوب اخوها من جهلها **** وش بلاها ما تحط الكحل وتســــلم عليه دام تدفعك الدوافع خـذ نتايجها وشلها **** شعرنا ما هو (شعر منحول) والجمه رهيه **************** 0 0 0 منطقي جداً الهنوف اللي تكحّل لو تباها مانت بلها **** لو توطّتك الهنوف نخاف تلحقك الاذيّه والثلاث اللي قـراها من يباها ماوصلها **** جا ثلاث وبه ثلاثٍ تـــوها عندي طريّه **************** 0 0 0 بدوي في امريكا استلم: مــا نبيها دام معطيها السلف يلحس عسلها **** والنعامه لو تدس رويسها ماهي ذكيه اعرف ان الروح ما جاها جزاء الا من عملها **** لا تجاهلها تراها في السطور الاوليه **************** 0 0 0 منطقي جداً خطّتك يابن الاوادم تعلن اللجنه فشلها **** الهدف يبغا محاور وانتفاضه جانبيه ارفع النيشان والعب يابطل دامك بطلها**** الفجوج اوساع روّح واجتلد في جرهديّه **************** 0 0 0 بدوي في امريكا اخوي منطقي استلم لا هنت: خطتي دامك عرفت اهدافها ما خاب املها **** اعرف انك بالامان ومرقتدك في وسط فيه الصلاه انكان تمت يا عســى ربي قبلـها **** وانت لو طوفتها بسبوع ما قلنـا خطيه **************** 0 0 0 منطقي جداً اخوي بدوي تفضل الجبل ماهتزّ راسي ياجبل قدمك جبلها **** الجبل ماهتزّ ركنه للرياح الموسميّه حافظٍ ديني وسمتي والتفاهات اعتزلها **** ماطلبنا منك عفو ولا سألناك الحذيّه **************** 0 0 0 بدوي في امريكا استلم لا هنت: علم اللي قالها للي على الصفحه نقلها **** متعب (ن) نفسه..ترى تضحك عليه العامريه الخدود اللي تزين ورودها سـاعة خجلها **** والله اهني ما اعتمدت احراجها صبح وعشيه **************** 0 0 0 منطقي جداً وانت قلّي وش غــدالك كنّ ودك تنتشلها **** مالقيت الا الفطير وينك ووين الثنيّه عادة القناص دايم لابغا الصيده ختلها **** وانت خلك لا تجينا بالديار الاجنبيه **************** 0 0 0 بدوي في امريكا استلم يا مدرب الخيل الثنيه لومها في وجه راع (ن) ما عقلها **** اهدرت مثل الجمل بين الجمال الساحليه عادة القناص ما يكسر شــداده ما قتلها **** وانت كسرت الشداد وصيدتك في الضلع حيه **************** 0 0 0 بدوي في امريكا استلم يا مدرب الخيل الثنيه لومها في وجه راع (ن) ما عقلها **** اهدرت مثل الجمل بين الجمال الساحليه عادة القناص ما يكسر شداده ما قتلها **** وانت كسرت الشداد وصيدتك في الضلع حيـه **************** 0 0 0 منطقي جداً تفضل والسموحه منطقي عنده كرامه مارقص في وسط ملهى **** له مع الفرسان عاده لا كبا راع الرديّه كان لك حاجة تقدّم مايحــوص الا ثعلها **** طــــوّل الليل وخويك مافهم مقصد خويّه **************** 0 0 0 بدوي في امريكا ما نقول الا كفو باللي عرفها ثم جهلها **** كان بانت سترها عذب البيوت النرجسيه الكفوف اللي مــع الحنى تجملها دبلها **** ما ينزل من غــروري لو تصافحها يديه **************** 0 0 0 منطقي جداً وتفضل طال عمرك احتزم جتك المنايا والقوافي جت بدلها **** لاحتما الطاروق تسمع صفقها صفق برديّه اتنقّى واقطف زهـــور الرياحين ونفلها **** مااتبــاهى بالغرور ولا دخلني عنجهيّه **************** 0 0 0 بدوي في امريكا استلم يا منطقي: ما تموت نفوس خلق الله لين يحين اجلهاقد **** عطيناك الامان وجيت في وسط الذريه لا تهوش بلا شــنب من عنده اشناب(ن) فتلها **** يالله استر لا يطيح قناع خيال العبيه **************** 0 0 0 منطقي جداً استلم طال عمرك مدّ رجلك ياحنيفه مـــدّ رجلينك قبلها **** اثر بعض الناس توّه عايشٍ بالجاهليّه طبخةٍ عفنا مرقها يوم زادوا في بصلها **** بعد قلّطها المعزّب ضيفة الخطّار نيّه **************** 0 0 0 بدوي في امريكا استلم: ما نوينا كشف ستر الناس لو الله عدلها ****انت لو حيمرت لي عينيك فيها جاذبيه طبخــة جاتك تحلواهــا لسانك ما تفلها **** وش يفيدك لو تعذربها ومصرانك مليه **************** 0 0 0 منطقي جداً تفضل طال عمرك ماعلـيّ من السـوالف والبداوات وزعلها **** راس ماتقواه عندك صافحه باجمل تحيّه ماربحت ام المعارك حطّك الله في وحلها **** ان سلمت براسمالك مكسبك ميّة بميّة **************** 0 0 0 بدوي في امريكا استلم لا هنت: ما عليك و لا علينا.زينة العذرى حللها **** لو تخشــــن صوتها معروف نغمتها طريه والمعارك جبت منها جادلن يفتن غـزلها **** والله القهار حلل لي من الحرب السبيه **************** 0 0 0 منطقي جداً استلم والله اني مانويتك بالرديّه مير إكـلها **** الرديّه للزلابه والوفــــــــــــا لاهل الحميّه انت شــــخصيّتك ولّت جا بدالك وانتحلها **** ماشـــرا بعض المــــــراجل مثل من جاته شرّيه **************** 0 0 0 بدوي في امريكا خوي منطقي: استلم: لو ترخص سلعتك في السوق من جاها نطلها **** والزعل غير مسارك والمعاني جوهريه لو شماغك ثابته ما شالها الريح ونتلها ****والمراجل ما تحقق بالقصايد والوصيه **************** 0 0 0 منطقي جداً استلم ارخت اذنيها ودنّت والحميداني صقلها **** كانها تبغا عشـــــــــاها تنقلع للمهميّه الغنم ياللي تزكــّي مايزكّيها صخلها **** مايســــــدّ عن الزكاه الا بعد عيد الضحيه **************** 0 0 0 بدوي في امريكا اخوي منطقي...ترى لك حق ايقاف المحاوره لاني انا البادئ العلوم اللي تمـرك ويش علمك تغتفلها **** ساع تنكرها وساعه تعترف نفسك رضيه كان ما عندك فتاوي روح للمفتين حلها **** والحنابل نكرو بعض الفتاوى الازهريه **************** 0 0 0 لكم خالص الشكر على المتابعة واملنا انا ماخيبناالظن ،،،، في امتاعكم متحيات / بدوي في امريكا / منطقي جداً ************************************** * * * يقول البدع ( ياهل المنتدى كل ٍ يجود حزامه ) ياهل المنتدى كل ٍ يجود حــزامه **** زان نظم البيوت وزان نظم القوافي ابتدي بالسلام اللي رفيع ٍ مقامه **** للرجال الكرام اهل القلوب النظافي **************** 0 0 0 العريب مرحبا جعل يفداك الردي والهلامه **** يالزعيم الحبيب ويالرفيق السنافي سيد القوم لو يزعل لحقنا ملامـه **** نحمد الله مادامت سالفتنا عـوافي مرحبا والله ومسهلا ومن طول الغيبات جاب الغنايم **************** 0 0 0 المبدع الله يبقيك ويطول عمرك يالعريب استلم دوك والبقا يارفيع الشان راع الشهامه **** عالي الشان مابيني وبينه خلافي كل رجـــــل ٍ يقدر ياعميلي كلامه **** لاتوحى كلام اهل العقول الخفافي **************** 0 0 0 العريب عطني العلم وش علمك كفيت الندامه **** ويش علم السحاب اللي تسوق الســوافي دام جسم الفتي باقي تشيله عظامـه **** ما على الذيب الاسحم من خوار الهرافي **************** 0 0 0 المبدع مابه الا علوم المرجله والكرامه **** مايجي في سلوم اهل السلوم اختلافي علم اللي تلطم عندنا بالعمـامه **** الليالي تراهـــــا مقبلات ومقافي **************** 0 0 0 العريب ليت نلقى على الطيب بوجهه علامه **** كان ما كل نذلٍ في بلدنا يشافي كـل من خيـل البراق بنـًا خيامه **** ديرةٍ تنتحــاف وديرةٍ ما تحافي **************** 0 0 0 المبدع الزمن ماتغير ياعميلي نظـــــامه **** والمواقف تبين خافيات الخــــوافي الرجاله رجاله .. والرخامه رخامه **** شد وانزل مع الرياجيل وانت متعافي **************** 0 0 0 العريب من رقى في السراه ومن نزل في تهامه **** راح عمره وهو بين الجبل والضفافي راعي البل يسوق الذود كل اهتمامــه **** مايبى غير نجد وغير ذيك الفيافي *************************************** * * * ( منهو اللي لا لعب يلعب صحيح ) ناب الذيب منهو اللي لا لعب يلعب صحيح **** ما نلاعب لا ضرير ولا جـريح والحقيقه ما يصحّ إلا الصحيح **** و اعناالقلب المعنى وعناه ما نقـول الملاعــب مهــزله **** بس نبغي رجــالن عـــارفه بالشعر شعر كايف ماجـــزله **** وباالشعر مثل ناقه صـارفه **************** 0 0 0 عـقـاب مرحبا والقلب من بين الضلوع **** رحب ونبضه مثل نبض الجزوع هكـــذا والقلب مايعرف يروع **** ولاعنا القلب المعنى واعناه مرحبـــا بك وخيلي مقبـــله **** جاك لليمّ شـــاعر غـــارفه ياعســــى الشعر نعرف مزمله **** سال سيل المعاني جــــارفه **************** 0 0 0 ناب الذيب البقابك يا ابيض الوجه انتبه **** والقوافي لا تعثّر وانتبــــه وانت شاعــــر ياعميلي منتبه **** واعنـا القلب المعنى واعناه لا قبلت خيلـــهم بيفــــزّ له **** واعناهـــا العيون الـذارفه عندنا والشعر لوجـــــــازله **** غـــير مــــوالنا مش عارفه **************** 0 0 0 عـقـاب المعاني يابيض الوجه اطلعت **** كنها البنت الجميلة لابرعت واستكنت (برهةٍ) ثم اقــلعت **** واعنا القلب المعنى واعناه لاقـــبلت خيلنا مسـترســلة **** تصبحــــون العيون الطارفة والشــــعر لو معاكم صامله **** كان قيفـــــان قافك وارفه **************** 0 0 0 ناب الذيب اضبط الشلّه عسى عمرك طويل **** قبل لا يصبح نهارن فيـه ليل انت تاجر بس منته بالوكيل **** واعنا القلب المعنى واعناه حــوّلت فـــوق راسك نازله **** عـــــزتي يالعقول الخارفه ابرم الغزل ياللي غــازله **** اشـــهدوا يالوجيه العارفه **************** 0 0 0 عـقـاب العذر يالناب والممشى طويل **** نرجع الغلطة وكلٍ له عــديل طــــول عمري لاخبيث ولابخيل **** واعنا القلب المعنى واعناه الضـــــعف من قيصدي عازله **** والمعــاني تـراها شــارفه عنــــدي الشعر يحدث زلزله **** وانت ســـــريت كلمة طارفة **************** 0 0 0 ناب الذيب تكفى ترى تكفى تهزّ الرياجيل **** لولا ظروف الوقت ما قلت تكفى **************** 0 0 0 عـقـاب بين الجماهير الغفيرة نغنـّي **** لااضايق الطيـّب ولاضـــــاق منـّي الشــعر فنّ وفنّ الابطال فنـّي **** هذا الصحيح وقولوا اللي تقولون ************************************** * * * ( المنتهي في شهار ..... والمشاركة للجميع ) ناب الذيب المنتهي في شهار دايم مطفي الليت **** واللي خذا قلبه ياناس ماحنّه ماهي بلا كلوديا ولاهــي بلا جولييت **** لا ظنتي تعرف عن الهـوى وفنّه **************** 0 0 0 المنتهي يالصاحب الغالي وشلون جبت البيت ***** تشكي ولا أشكيلك والعلم ما أظنه يا شارب القهوه لا تشـرب الحلتيت ***** وإليا شربت الكاس يا صاحبي ثنه **************** 0 0 0 ناب الذيب يا لاعب الكوره تلعب مع خولييت **** لا تشكي من الحـــب فابكي لكم منّه وصيتني يا ذيب ياليت مـا وصيّت **** باموت انا من الحب في القلب واكنّه **************** 0 0 0 المنتهي أصبحت يا ذيبان في الحب ولا أمسيت **** أثرك من أهل الحب والروح منجنه بأعطيك من عندي وإن كان ما كفيـّت **** يالله عسى روحك لا مـت في الجنه **************** 0 0 0 ناب الذيب اليا طرى خلي في خاطــري ونيت **** اجـــــاذب الونات ونّه بثر ونّه عندي وعندك خير يالمنتهي وفيت **** عذبّت أنا نفسي بــ ياليت ولاونّه **************** 0 0 0 المنتهي سلامتك يا شاص يم أبرق الكبريت **** صــادوه في الجمرك والفرت عدنه يا ناب يا ذيبان عساك ما جنيت ****غاد ٍ لكم في البيت حنه ورا حنه **************** 0 0 0 ناب الذيب ماني براعي الشاص ياراعي الوانيت **** واللي صادوه هذا محدن درى عنّه يالاعـــب البيلوت لاتلعب الرولييت **** وليا لعبت اشكل فلعب باصـــنّه 0 0 0 مع تحياتي / نادرة </font> </center> |
|
|
|
|
31-10-2001, 00:12
|
#3 |
|
موقوف
|
نادره انا عاجز عن شكرك واللي اتحفتينا بهذه المحاورات الرائعه لكبار الشعراء الله ييعطيك العافيه اختي |
|
|
|
|
31-10-2001, 01:21
|
#4 |
|
سيـــف الســـيــف
|
الاخت /نادره 00000000000000 حفظها الله اختي شاكر ومقدر هذه الهديه اللي خصيتي فيها هذه الصفحه وهذي ليست بغريبه عليك 00 على ماعودتينا عليه دائما بعطائك المتواصل اختي لك اطيب تحياتي |
|
|
|
|
31-10-2001, 01:35
|
#5 |
|
عضو شعبيات
|
الأخت نادره .. فعلاً اختيار موفق .. محاورات وافيه .. اشكر لك نقلها لاني بصراحه ماشفتها قبل كذا حضرت لتسجيل اعجابي .. اشكر للمره الثانيه من نقلها.. وصح لسان كل شاعر شارك فيها وبيض الله وجيه الجميع اخوكم // طـــ الليل ـــاوي |
|
|
|
|
31-10-2001, 22:08
|
#6 |
|
العضوية الماسية للموقع
|
هاوي قصيد الف شكر لاهنت وهذي محاورات تفرض نفسها الله يعطيك ويعطي شعارنا الصحه والسعاده و الف عافيه تحياتي للجميع 0 |
|
|
|
|
27-11-2001, 00:01
|
#7 |
|
عضو شعبيات
|
<font size="6">شكراااااااااا يانااااااادرة والله يعطيتس العافية ومبروك عليتس الشهر . وشكرررررا مرة أخرى وأخرى</font> |
|
|
|
|
27-11-2001, 06:14
|
#8 |
|
العضوية الماسية للموقع
|
الاخ عكاشه انا اقف عاجزه عن تسجيل ولو بعضا من شكري وتقديرلك على تشجيعك لي الله يطول لنا بعمرك 0 |
|
|
|
|
27-11-2001, 06:17
|
#9 |
|
العضوية الماسية للموقع
|
طـــ الليل ـــاوي لك كل الشكر يا طويل العمر 0 |
|
|
|
|
27-11-2001, 06:21
|
#10 |
|
العضوية الماسية للموقع
|
طويل الباع الله يبارك لك بعمرك الله يتقبل منا ومنكم صالح الاعمال وكل عام وانتم بالف خير 0 |
|
|
|
|
27-11-2001, 10:14
|
#11 |
|
عضو شعبيات
|
<font color="Black"><font face="Tahoma"><u>يانادر(ن) ذكر الداله *** ايام مبدع وناب الذيب  تسلمين والله واااااجد يا نادرة في كل شي الا العطاء !! على ذا الدرر ... اخوك // جزاء</u></font></font> |
|
|
|
|
28-12-2001, 12:46
|
#12 |
|
العضوية الماسية للموقع
|
الاخ جزا أشكرك على حضورك الرائع وأنا آسفه في تأخري بالرد عليك لأني كنت مشغوله ارجو المعذره لاهنت 0 أمنياتي لك بدوام الصحة و التوفيق وكل عام وانت بالف خير 0 |
|
|
|
|
29-12-2001, 10:08
|
#13 |
|
شـــاعــر
|
ما اقول غير اللي لزوم انه يقال .... تسلم يمين النادره ويسارها جهد تشكرين عليه يانادره .. والله يعطيك الف عافيه وتسلميييييين .. |
|
|
|
|
07-01-2002, 19:21
|
#14 |
|
العضوية الماسية للموقع
|
المبدع مليون مليون شكر لا هنت الله يطول لنا بعمرك 0 |
|
|
|
|
08-08-2002, 08:14
|
#15 |
|
العضوية الماسية للموقع
|
للرفع الله يرفع قدركم 0 |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
