آخر 10 مشاركات
|
 |
 |
 |
||||||||||||||
|
||||||||||||||||
 |
 |
|||||||||||||||
 |
|
|
أدوات الموضوع |
03-11-2001, 00:44
|
#1 |
|
شاعر
|
السلام \\\ يشرفني الانضمام امنتداكم الرائع وتقبلوا مني هذه المشاركه
اخواني السلام \\\ يشرفني الانضمام امنتداكم الرائع وتقبلوا مني هذه المشاركه سلام مني وابتدي بالقوافي اما بعد فلينتبه كل غافي الشمس فوق ولابقا فراش دافي والذيب ما هرول عبث يانشاما طبيت دار ودي اعرف عن الدار يالله تقدينا الديار العشيبه ماحدن عرف باللي تسويه الاقدار والرزق لايمكن نحوشه غصيبه بانتظار ردودكم ودمتم جميعا |
|
|
|
03-11-2001, 04:55
|
#2 |
|
سيـــف الســـيــف
|
ارحب ارحب يالله انك تحييه وتحيي ماجاب الاخ/ داهم العصيمي 00000 ياهلا ومسهلا الله يحييك في محلك وانا اخوك وانا ارحب فيك نيابه عن اخوانك اللي هنا وانت هالحين من اهل المحل ومفوض بالترحيب باللي يجي بعدك وحنا هنا كلنا اخوان ونتشرف بانضمامك لنا وبالنسبه لمحاورتك الشعار واجد انشالله وفيك وفيهم بركه وماراح تروح محاورتك ما احد رد عليها من الناحيه هذي الشاعر اللي نحس انه شاعر فعلا يبي ياخذ ماجوبه وانت ماشالله عليك مايحتاج نشهد لك بيوتك شهادتك وبرهانك وانا انتظر احد الشعار يرد عليها والا ابشر بسعدك انا اللي ارد اذا كانوا الشباب مشغولين مره ثانيه ياهلا فيك لك تحياتي  |
|
|
|
|
03-11-2001, 05:52
|
#3 |
|
عضو
|
إخوي: داهم العصيمي يعلم الله ونشد الرجال اللي رد عليك إني ماهوى المراد وهو مشرف الصفحه ويعرف هاذا الشي بس تقول إني خذتني ماخذتني وجيت فازع منها إبا إدعم الصفحه لعيون إبو العكاكيش ومناه إبا إرحب بك تراك مارٍ صفحتنا ولاعاد عودة ولاتحسبني شاعر محاوره إرفق تراني رفقٍ لك الله يكفينا شركم يالعصمه والله إن خيركم واجد مار امنعو نا من الاخر وإن كان ماهي على الوزن علمني علم راس لاتقوم ترصد فالمعاني ونا داج لي مع فيضت مافيهاعرب عكاشه ياراع البل انا كيف تكفت لعيون العصيمي توكلنا على الله: هادوك ياداهم يامرحبا عيني تخايل سنا برق,,, يبرق من القبله اليا الشام لشرق,,, شعارنا فالمنتدا طرقهم طرق يامرحبا ياللي ترد السلاما يامرحبا ياللي تدور للشعار,,,, الله يجي بالطيب الله يجيبه الرجل اله حشمه وقيمه ومقدار,,, لاصارمنزاله علو الرقيبه [ نوفمبر 02, 2001: تم تعديل الموضوع بواسطة : ابو مهنا ] |
|
|
|
|
03-11-2001, 07:01
|
#4 |
|
سيـــف الســـيــف
|
اخوي داهم العصيمي هذي اول بركاتك طلعت لنا شاعر محاوره ماكنا ندري به ونحسب انه بس شاعر نظم ابومهنا 00000 يامرحبا ترحيبة المطر وشايف معروفك يابو مهنا وتشرفني هالزياره وماشالله عليكم كلكم شعار وانا تراني في الصف 00اي صف؟؟ انتم كلكم ربع وصفكم واحد والله لا يفرق صفكم لكم تحياتي |
|
|
|
|
04-11-2001, 09:15
|
#5 |
|
شاعر
|
الاخ عكاشه: الله يوفقنا لاضفاء لمسات مميزه على هذا المنتدى الرائع العامر بوجود امثالك انت وابو مهنا من غير قصور بالجميع الاخ ابومهنا: إخوي يشرفني ان اكون سببا في وضوح موهبتك في المحاوره والحقيقه الشاعر ما يصعب عليه شي وشاعريتك ما عليها كلام وتبينها ابياتك الرائعه وعكاشه يستاهل تقديرك له وبعدين الرفق بيننا واجب وحنا اخوان وجيتك فازع مقدره والشر انشالله بعيد وانت لنا رفق امس واليوم ودوم وعزيز وغالي والاخر ماله عليكم طريق وانتم لنا رفق بالتقدير والاحترام ماهوب بغيره واسمع يالرفيق: يا عل عينه للقدا والسلامه رفيقنا منهوعزيزن مقامه نقبل حلاله ونتعدى حرامه والذيب ما هرول عبث يا نشاما جابتني الصدفه على السوق مرار وان جيت سوق الطيبات اشتريبه بعض البضاعه ما تميز بالانظار ياكود شين بالفراسه نصيبه |
|
|
|
|
04-11-2001, 09:30
|
#6 |
|
عضو شعبيات
|
اول شي مررررررحبا يا العصيمي والله يحييك بين اخوانك ابو مهنا 7 7 7 7 7 برايفت : ترى التحذيقه مطلوبه حتى فا المحاوره وبعد محاورتك مع العصيمي تراك معزوم على محاوررره وحنا متابعين |
|
|
|
|
04-11-2001, 11:31
|
#7 |
|
عضو
|
إخوي : داهم العصيمي إسف جداً على التاخير بس والله إنه من وراى فرك الخشم وعلومك كلها والله انها تبيض الوجه وشكراً لك على حسن الرد وعذوبة الاسلوب وفقك الله وستلم: الشمس تشرق والبحر يطرق الموج,, يا صاحبي وش قرب الفرت لدوج .. انا ترى في بعض الإحيان مرجوج, والذيب ماهرول عبث يا لنشاما سوق الذهب فيه الذهب وزن قنطار وعياره الطيب لزوم إعتني به والحر ماياقع يقع بين الإحرار ودرب يضيق إقصاه ما ينمشي به |
|
|
|
|
04-11-2001, 12:05
|
#8 |
|
عضو
|
إخوي : الإستاذ عكاشه ولو كيف مامر إنت راعي الاوله يابو عبيد ومن حبنالك إنقطعت عنا بعد لاشراف المقلوع وجينا لعيونك وورطنا في المحاوره اللي ما قد ما رسناها وحسبي الله من الحب ماقتل داهم والله إنه علومه علوم اللحيه الغانمه بس إنا يارقيقك فالمحاوره كيف إنت وكيف الحال عساه يعذرني وهاذي ماتذربني ونا ولد إبوي يبا يلقون الريجيل عندي ما يسدهم لو كلمت طيبه المهم إعذرونا لن جا منا قصور منا ولا منا وتراك قطعتنا يا بو العكاكيش تعين تعين إبو بندر جاني ينقز ويحدا  والله ما صلك تشتويني ياراعي كشب هب ما صدق ونا معلمه بالعلم تحذيقة: ( مطلوبه) من راعي كشب إنا لعيون داهم طحت في شي معرف له ,,, إبا إخذ معه محراف إضنه يعلمني إخوي إو بندر هلا وغلا وحرم عليك تبا تطرحني في مقلع طميه لا وربي مطيعك  إقبلو إحترامي كلكم |
|
|
|
|
05-11-2001, 03:10
|
#9 |
|
سيـــف الســـيــف
|
ابو مهنا 000 ياهلا فيك ونعم فيك وفي داهم العصيمي وعزالله انه لحية غانمه شروى من يقراء وحنا تسدنا الكلمه الطيبه والميدان هنا ميدان اخوه ومنافسه شريفه ولن نسمح بغير هذا لا انا ولا انت ولا داهم ولا اي مشترك 00هذا علشان نعيش بجو نقي وصحي وانت بس خل لين يخلص داهم من المحاوره معك وتراني قد جهزت البيتين الاولات اللي موجهه لك او نبي نحاول نخليها رباعيه 00 اقل شي نجدد لكم تحياتي |
|
|
|
|
05-11-2001, 10:35
|
#10 |
|
عضو شعبيات
|
حياك الله اخوي داهم ونوّرت المنتدي يالغالي |
|
|
|
|
06-11-2001, 03:04
|
#11 |
|
شاعر
|
عشت يا ابومهنا يا صاحبي دلك عليه الملاحه سوج النفس والله يعجل فلاحه الي سواتك زاهيته السماحه والذيب ما هرول عبث يا نشاما خل المثايل بيني وبينك ادوار ودرب تعافه خل شينه وطيبه وان وصلت ياصاحبي عند الازوار ما ارضي عليك من الزمان الغليبه |
|
|
|
|
06-11-2001, 04:15
|
#12 |
|
سيـــف الســـيــف
|
وان وصّـلت ياصاحبي عند الازوار @@@ مارضى عليك من الزمان الغليبه0 الله عليك ياداهم ما احلى هالبيت وما اطيبه وربي مايقوله الا شاعر ومتمكن 000 اهني هالصفحه بوجود شاعر مثلك وشرواك لك تحياتي |
|
|
|
|
06-11-2001, 12:04
|
#13 |
|
عضو
|
إخوي داهم العصيمي والله انه يشرفني إن تكون البدايه مع من مثلك وشرواك والظلهر إن وقت فرصتي يتأخر لا كن على بالحرام إنه غصب وستلم طاعمرك ناخذ من إشوار الرياجيل ونشير ,,,, ونصبر ولو دارة علينا الدواوير ,,, والما تجاذبه الدلي قاعة البير ,,,, والذيب ماهرول عبث يانشاما. ياماحلا ياما حلا شبت النار ومقابل إوجيه الرجال الحبيبه إمشي مع الدرب السنع سر وجهار يانعم ياللي فالقسى ننتخيبه |
|
|
|
|
06-11-2001, 13:39
|
#14 |
|
عضو شعبيات
|
سلام عليكم ابو مهنا وداهم العصيمي والله انك شعار مراد وكبار بعد واصلو ولا تهاونون انا لحقت الماء من كثر مانقز يا بو مهنا إمشي مع الدرب السنع سر وجهار يانعم ياللي فالقسى ننتخيبه سرى سرى سرى سرى هييييييه |
|
|
|
|
07-11-2001, 04:01
|
#15 |
|
شاعر
|
عشت يا ابو مهنا الحقيقه بيت ورا بيت يبين طيبك ومعدنك الاصيل استلم: يابومهنا والليالي سريعات على طريقن به ثلاثة مسارات يالله سألتك خيرها والمسرات والذيب ماهرول عبث يانشاما ياماحلا سوج القدم عقب مدرار في وادين عج النفل في شعيبه مابين صيادن وشاعر وصقار علم السعد مابينهم ينعديبه ملاحظه: صياد وصقار وشاعر وانت وانا يابومهناخمسه وعكاشه السادس اذا خلا المرابطه في المنتدى |
|
|
|
|
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
