29-12-2004, 21:02 | #1 |
ذيب جمران
|
!!....................فلسفة حب...................!!
السلام عليكم متواضعة ..........وأرجو المعذرة يافلسفة هاجسي وخلاصة افكاري = ياقلبي اللي نبض بالشعر وفنونه لجلك شرب دفتري من صافي احباري = ولجلك هويت السهر والليل وسكونه يامنتهى رحلتي في الحب واسفاري = عراوي القلب في يمناك مرهونه أسهر على صورتك وأستنزف اشعاري = وانخى لك الهاجس اللي فاض مخزونه مشاعري تتجه لك دون مااختاري = طيفك شمال المشاعر مالها دونه غيثك على مهجتي ما بلل قفاري = عطشان وصلك يبا يشربك بعيونه صوتك مزاجي وشوفة وجهك سكاري = اسكر على شوفة المزيون ولحونه باحت سدودي على طاريك واسراري = إسمك يدكدك سدود الحب وحصونه بانت عليّه مواري حبك الجاري = وسط العروق احتمى والقلب ماعونه عزاي في غيبتك مراكي ووجاري = والدله اللي على مرفاه مركونه هذي علومي بعد فرقاك واخباري = أن كان تنشد عن المشتاق وش لونه |
29-12-2004, 22:06 | #2 |
شاعر
|
. باحت سدودي على طاريك واسراري ............................... إسمك يدكدك سدود الحب وحصونه الله يا صالح الله .. على طاريه فقط .. حدث كل هذا الحب ! فلسفة كلاسيكية جميلة بحق .. صح لسانك . محبتي ! . |
30-12-2004, 11:18 | #3 |
شـــاعــر
|
رد : !!....................فلسفة حب...................!!
الأخ / صالح العصيمي حضور بهي كبهاء هذه الجميلة . يامنتهى رحلتي في الحب واسفاري = عراوي القلب في يمناك مرهونه الله عليك يا صالح العصيمي على هذاالنزف الجميل , عزاي في غيبتك مراكي ووجاري = والدله اللي على مرفاه مركونه صح لسانك على هذا التوظيف البديع , تحياتي لك ودمت بخير ,,,,,, أخوك / عبدالله مرّان |
30-12-2004, 15:11 | #4 |
شـــاعــر / باحــث
|
رد : !!....................فلسفة حب...................!!
عيني عليك بارده يالغالي 0 0 ابيات متألقة ومعاني راااائعه |
30-12-2004, 16:22 | #5 |
شــاعـر
|
رد : !!....................فلسفة حب...................!!
صالح العصيمي هلا والله ومرااااااااااحب ولله درك على هالجزله صح قلبك والله يجعلك على القوه اخوك نمر العتيبي |
30-12-2004, 20:49 | #6 |
شــاعر
|
رد : !!....................فلسفة حب...................!!
صالح العصيمي جميله هذي الفلسفه غيثك على مهجتي ما بلل قفاري = عطشان وصلك يبا يشربك بعيونه صدقت ايها المبدع مااجمل اللقا وماااصعب الفراق! صح لسانك وسلم بنانك لك التحيه |
31-12-2004, 15:56 | #7 |
عضو شعبيات
|
رد : !!....................فلسفة حب...................!!
صح الله لسانك ياصالح قصيدة رائع سلمت وسلمت يمناك سلامي واشواقي الخويطري |
31-12-2004, 17:55 | #8 |
شـــاعــر
|
رد : !!....................فلسفة حب...................!!
صح لسانك يا صالح |
01-01-2005, 00:30 | #9 |
شـــاعــر
|
رد : !!....................فلسفة حب...................!!
صالح العصيمي لله درك أيها المبدع قصيده جميله في قمة الروعه والجمال تحياتي |
01-01-2005, 13:53 | #10 |
شـــاعــر
|
رد : !!....................فلسفة حب...................!!
الله ياصالح .. عزاي في غيبتك مركاي ووجاري ................................................وا لدله اللي على مرفاه مركونه هذي علومي بعد فرقاك واخباري ..........................................أن كان تنشد عن المشتاق وش لونه فلسفه بيضاء لاتحتمل التأويل صح لسانك .. . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|