20-12-2001, 09:38
|
#1 |
|
عضو شعبيات
|
عيّدت كل الحلا يم الصداوي
اول شي: عيدكم مبارك جميع واحب ان اشارك بهذه الابيات متمنيا ان تنال شرف ملا مسة اسماعكم ومشاعركم !!! عيّدت كل الحلا يم الصداوي ديرة (ن) ما بين براقن وغيمي المطر جاها وجت فيها (مهاوي) واجتمع عيد وربيع وعنز ريمي ام عينن كنها عين النداوي وقدها المياس هزعه النسيمي وان حكت كلماتها مثل الغناوي وبينهن تبسم عن الدر النظيمي ازهرت من وطيها هاك النحاوي حلت وجا الورد مع سلك البريمي وانبهر منها المشايخ والشواوي وكل منهو شافها عاف الحريمي بين اهلها اللي كبيرين العزاوي بالديار الخضر ناوي (ن) المقيمي ديرتن عقب المطر خضرا كساوي والنفل والشيح فيها مستقيمي والزبيدي يلقطونه بالمطاوي عقب عله من حقوق المزن ديمي يلقطه رعيانهم عصر وضحاوي وغبها تلقاه في سوق القصيمي بس قلي عقبهاويش انت ناوي وانت شاعر والهوي شي عظيمي روحة (ن) عيت تجي لك بالمناوي ولا اظن انك على همك تقيمي وسلامتكم جميعا واعذروني على القصور اخوكم ماجد |
|
|
|
20-12-2001, 10:13
|
#2 |
|
محمد البقمي / شـــاعــر
|
ماجد العصيمي كل عام وانت مربع بين الخزامى والقليقلان والبسباس والشيح والنفل .............والنصي ووالتل صيفا يم العبله وصح السانك والله ياذيبان ,,,,,,,عيد وربيع ايامنا دوم تبقى اخوك الحادي |
|
|
|
|
20-12-2001, 10:22
|
#3 |
|
عضو شعبيات
|
اخوي الحادي انا وانت انشالله وكلن يلقا اللي في باله سعيد جدا بشعورك الطيب تجاه ابياتي المتواضعه اخوك: ماجد [ ديسمبر 20, 2001: تم تعديل الموضوع بواسطة : ماجد العصيمي ] |
|
|
|
|
20-12-2001, 14:35
|
#4 |
|
عضو شعبيات
|
الاخ الكريم/ ماجد العصيمي ماقصرت على هالجزله وجعل ايامك كلها ربيع واعياد....... ازهرت من وطيها هاك النحاوي حلت وجا الورد مع سلك البريمي وانبهر منها المشايخ والشواوي وكل منهو شافها عاف الحريمي اخوك/ ناصر العتيبي |
|
|
|
|
21-12-2001, 23:07
|
#5 |
|
عضو شعبيات
|
تدوم يا ابن عمي اسعدني رأيك وانت شاعر مبدع \\\ ماجد |
|
|
|
|
22-12-2001, 00:09
|
#6 |
|
شـــــاعــــــر
|
الأخ العزيز ماجد وعيدك مبارك هديه تشبه ضحى العيد ياماجد كلها جمال وفيهامن الذكريات ما يهيج الصبابة . المطر جاها وجت فيها (مهاوي) واجتمع عيد وربيع وعنز ريمي وش خليت الله يسلمك . تحياتي وتقديري لأخي ماجد اخوك ابونوت [ ديسمبر 21, 2001: تم تعديل الموضوع بواسطة : ابونوت ] |
|
|
|
|
22-12-2001, 02:42
|
#7 |
|
عضو شعبيات
|
ابونوت اشهد انك طحت على البيت اللي بنيت عليه القصيده يعنى ماتطيح الا على الساس عشت سعيد با عجابك بالابيات المتواضعه \\\ ماجد |
|
|
|
|
24-12-2001, 11:45
|
#8 |
|
عضو شعبيات
|
الأخ العزيز الشاعر / ماجد العصيمي .... يابو عتب تراك احرجتني كثير كثير وان والله ياماجد اني اتمنى اني اكون بالفعل في مستوى اهتمامك وذوقك . الرساله اللي ارسلتها لي على البريد كان ودي ارد عليها بنفس الطريقه (( بس ماعرفت )). كنت خايف قبل ادخل على قصيدتك انك تكون شاعر عادي وابلش بك بس الحمد لله انت طلعت شاعر متمكن وخصوصا في الوصف وهذا النوع بالذات ما يجيده الا المتمكنين ايضا كانت مشاعرك صادقه وهذا شي مهم جدا في الشعر كانت صادقه مشاعرك البدويه الأصيله. بس قلي عقبهاويش انت ناوي ** وانت شاعر والهوى شي عضيمي روحة(ن) عيت تجي لك بالمناوي ** ولا اظن انك على همك تقيمي . جميل جدا ياماجد ...وهذي البيتين انا بسرقها منك واوجها لك بصراحه يا بو عتب (( ويش انت ناوي )) اذا قلنا (( انت شاعر والهوى شي عضيمي )) وعلى الود نلتقي . |
|
|
|
|
24-12-2001, 11:55
|
#9 |
|
عضو شعبيات
|
مافبه شي ثاني يابو عتب بس حبيت تشوف توقيعي الجديد؟؟؟؟؟؟؟؟؟؟؟؟؟ . |
|
|
|
|
24-12-2001, 21:30
|
#10 |
|
عضو شعبيات
|
الشاعر محمدالعمري تسلم \\\ دعني بيتك الشهير ليكون مرتبطا باسمك محمد العمري والحب عند الناس تسيير .. تخيير في ايدي قيود وفي يدينك غوايش ؟؟!! لي ملاحظه \\\ الابيات اللي منها هالبيت فيها لمحه مفردات اهل نجد \\\ مفردات اهل الجنوب لها وقع مميز \\\ لكن الشعر ماهو لبلد عن بلد ولاهو للهجه عن لهجه السلام ختام \\\ ماجد |
|
|
|
|
25-12-2001, 01:47
|
#11 |
|
رحمة الله عليه
|
اخوي : ماجد العصيمي ......صح لسانك وبيض الله وجهك يالحبيب,,,وكل عام وانت بخير ,,, عيّدت كل الحلا يم الصداوي ديرة (ن) ما بين براقن وغيمي المطر جاها وجت فيها (مهاوي) واجتمع عيد وربيع وعنز ريمي ام عينن كنها عين النداوي وقدها المياس هزعه النسيمي تسلم تسلم والله يعطيك العافيه ,,,,,,,,,,  |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
