[سعيد بن مقبل الأكلبي]

إقتباس الرسالة الأصلية كتبت بواسطة احمد عوض سعيد بن مقبل الله عليك يا شاعر باختصار (رسالة استراتيجية) والمعنى في بطن الشاعر الف صح لسانك والله يعلي شانك يابو مقبل دمت بخير وعافية

ارحب يا احمد
وجمل الله حالك ياراعي الكلام الذرب

[سعيد بن مقبل الأكلبي]

إقتباس الرسالة الأصلية كتبت بواسطة سالم بن جلعان وش نقول يا سعيد ؟ لا جديد فانت المبدع كما عهدناك في كل نص ..... تكتب باسلوب فريد ... يمزج بين جزالة المفرده وقوة الفكره وسهولة الوصول للمتلقي نص ولا اروع يا سعيد ... وشهادتي فيك مجروحه بيض الله وجهك على الحضور والمتعه والشعر اخيك سالم

ارحب ياسالم
والله يحييك ويحيي ردك الجميل بجمال روحك
سرني واسعدني مرورك طال عمرك

[سعيد بن مقبل الأكلبي]

إقتباس الرسالة الأصلية كتبت بواسطة نـــورة العجمي صح لسانك وفكرك وقلبك ياسعيد قصيدة في محلها , تعودنا ان لاتترك مناسبه الاّ أن تسلط النور عليها تحدثت بلسان الكثيرين المغبونين , وبلسان الحكيم الذي لايتفوه الا بالحق اللهم يهيئ لولاة الأمر البطانة الصالحة التي تعينهم على الحق وتدلهم عليه البطانة السيئة لا تستطيع أن تخدع الناس زمناً طويلاً اللهم يامالك الملك وفق ولي أمرنا إلى ما تحب وترضى واجعل كل اموره متصلة بتوفيق منك واعنه على ما يقوم به من اعمال جليلة لهذا الوطن الغالي واكتب له السلامة والحفظ من كل مكروه ولجميع ولاة أمرنا الكرام ولهذا الوطن الامن والأمان والرخاء والاستقرار اللهم يا مالك الملك هيئ لولي أمرنا البطانة الصالحة التي تُعينه على الخير وتدله عليه وأبعد عنه بطانة السوء وكل من يُريد بالوطن أي سوء إنك سميعٌ مجيب الدعوات كفو والله ياسعيد ماخبرنا منك الا المنطق الحسن والفكر النزيه والقلب النقي وبياض الكلام الذي لايخدش والشعر الذي نفخر به لاعدمنا قلبك اخوي سعيد والله يعطيك على نياتك الصافيه الله يخليك رمز من رموز صرح شعبيات احترااااماتي

ارحبي يانورة
وصح بدنك ياطويلة العمر
سرني هذا الحضور الرائع واثراء الموضوع بهذا الكلام المنطقي
ولاعدمت اطرائك الجميل واخلاقك العاليه
تسلمين يابنت الرْجال

[سعيد بن مقبل الأكلبي]

إقتباس الرسالة الأصلية كتبت بواسطة النجدية صح نبضك وشفافيتك وضميرك الحي .. ماعهدنا منك الاّ الصدق .. والشعر الأبقى .. كل التقدير ..

ارحبي يالنجدية
وصح كلك ولاعدمت مرورك

[سعيد بن مقبل الأكلبي]

إقتباس الرسالة الأصلية كتبت بواسطة تركي صح لسانك شاعر مبدع ونتابع جديدك ومنهو اللي من كثر ماياخذ الرشـوة ولَفْهـا يوم ولّيته على الامـه تحَسْـب انّـه تكانـه انشهد انك كفو وحنا معك قلبا وقالبا الله يظهر الحق عاجل غير آجل

ارحب ياتركي
وصح بدنك ولاعدمت مرورك وكلامك الكفو ياكحيلان

[سعيد بن مقبل الأكلبي]

إقتباس الرسالة الأصلية كتبت بواسطة الجازي شفافية وصدق اصطبغت فيه روحي هنا .. حفظك الله لمن تحب ..

ارحبي يالجازي
والله يحفظك ويجزاك خير على دعوتك الطيبه
لاعدمتك يالذربه

[عنود]

صح احساسك الرائع
انت شاعر ملفت للنظر بقضاياك التي تضع اصبعها على الجروح

دمت بسعاااده

[سعيد بن مقبل الأكلبي]

إقتباس الرسالة الأصلية كتبت بواسطة غرم البهيشي سعيد بن مقبل الاكلبي صح لسانك ودام عزك انشهد انك كفؤ والابداع رفيقك الدائم لا هنت ولك تحياتي

ارحب ياغرم
والله يحييك ويحيي كلامك الجميل
جمّل الله حالك ياطويل العمر

[محمد الطويلعي]

سعيد ابن مقبل...

شاعر كبير وقدير..

وهنا انت الامين ومن عرف الامانه..

شكرا لنبل هذا القلب...وشكرا لمشاعرك الكريمه..

ليتنا كلنا سعيد....

صح لسانك ودمت كما تحب...

اخوك محمد الطويلعي...

[علي التركي]

غير شفها ياطويـل العمـر يانفـداك شفهـا
لين تدري منهـم اللـي يستحقـون الادانـه

كلّهـم قـدّام عينـك شلّـةٍ والله كشفـهـا وانت عاد ابخص وتدري ويش ماجوب الخيانه

ياتجي عبره ومنها يعتبر مـن جـا سلفهـا ياتروح نفوس من ماتوا على ذمـة الامانـه

[ابوسعدعبداللطيف]

صح لسانك يالشيخ
فعلا....
شرف الامانه اصبح ثقيل على الخلق هذي الايام
ننتظر جديدك طال عمرك......

[نجلاء الشريف]

مُتعب هذا النص بــــوعيه ..وصراحته .. وصدقه

سعيد بن مقبل
كتبت حتى شرقت الأذهان .. وغصت الحناجر
شكــــراً حتى الرضا

[يحيى ابن فالح الاحمري]

والشباب اللي ترعرع طول عمره في كنفهـا
ما اسعفه وقته ولاهي سرّته خبـرة زمانـه
مادرى انه في طريق التهلكه روحه حذفهـا
لين شيّع والدينـه عُقْـب ماشيّـع اخوانـه
والعيون اللي تدامـع وا اسفهـا وا اسفهـا
مالها غير الدموع ودبـرة الله جـل شانـه


صح لسانك


لا حياة لمن تنادي



سعيد بن مقبل


انت شاعر صادق

ولكن الصدق لا يوجد له مكان غير بقلوب الصادقين



ولكن اين هم؟؟؟

[فهد الأحمد]

الرسالة الأصلية كتبت بواسطة سعيد بن مقبل الأكلبي

الامانه ياطويل العمر ماكلٍ عرفها=غير ياليتك تقول اليوم وش معنى الامانه
واحدٍ قال الامانه ناقةٍ تاكل علفها=وواحدٍ قال الامانه مالها ذالوقت خانه
وانت لوشفت العرب وش لون تاكل في طرفها=ماتخلّي واحدٍ منهم وراسه في مكانه
غير شفها ياطويل العمر يانفداك شفها=لين تدري منهم اللي يستحقون الادانه
عالمٍ من خير ذالدولة تنعّم في ترفها=ايتمتّع في نفوذه وايتمنّع بالحصانه
الوجيه اللي على حب الطمع باعت شرفها=اخلفت درب السيول وحطّت العالم وزانه
وانشد اهل الديرة اللي عاصف الماطر عصفها=يوم جا سيل الربوع وعان درب السيل عانه
البيوت اللي دخل فيها على دربه جرفها=والنفوس استشهدت والله يفاولها جنانه
والشباب اللي ترعرع طول عمره في كنفها=ما اسعفه وقته ولاهي سرّته خبرة زمانه
مادرى انه في طريق التهلكه روحه حذفها=لين شيّع والدينه عُقْب ماشيّع اخوانه
والعيون اللي تدامع وا اسفها وا اسفها=مالها غير الدموع ودبرة الله جل شانه
منهو اللي خطط الديره ومنهو اللي رصفها=ومنهو اللي سكّر دروب السيول بخيرسانه
ومنهو اللي وقّع صكوكه وهو خابر تلفها=ومنهو اللي داريٍ عنها ولاطلّع بيانه
ومنهو اللي من كثر ماياخذ الرشوة ولَفْها=يوم ولّيته على الامه تحَسْب انّه تكانه
كلّهم قدّام عينك شلّةٍ والله كشفها=وانت عاد ابخص وتدري ويش ماجوب الخيانه
ياتجي عبره ومنها يعتبر من جا سلفها=ياتروح نفوس من ماتوا على ذمة الامانه

لا غرابة يا بومقبل
صوت العقل ..
صورة الحدث ..
نبض الشارع ..

أبو مقبل .. انت تعتقل كل مشاعرنا الهاربة من الواقع المرير وتقدمها قرباناً للصدق والنقاء والشرف .

لله أنت من رجل ,,,

[الثامر]

صح لسانك يا ابو مقبل
استمر ومزيدااا من الشعر

تقبل تحياتي