08-07-2002, 17:09 | #16 |
عضو شعبيات
|
هلا عزوز ... وشلونك
عجزت ياخوي اضيفك خذ حاول من عندك ترا المسنجر عندي ينخول بعض الاحيان ma_yenjeber@hotmail.com ولك تحياتي .... الحبيب |
11-10-2002, 23:45 | #17 |
عضو شعبيات
|
طلب من عزيز
أخي العزيز/ عزيز السلام عليكم أهنئك على هذا التميز بالطرح وأتمنى لك التوفيق والإستمرارية في ذلك. إسمح لي أن أستفسر وأطلب من خلال النقاط التاليه : ــ لقد قلت بسياق حديثك أن أمرآء عنيزة في زمن إبن رشيد هم " البســام" ! وهذا مما أثار إستغرابي , فقد سمعت مايروى من آبائي كبار السن أن أمرآء عنيزة في ذلك الوقت كانوا " اليحيا " ولم يرد ذكر عن " البسام " . ما أوده أن تصحح لي هذه المعلومه ؟ وطلب آخر...مامعنى قولك : " وبعد مارجعو ال سليم من الكويت ومعهم جيش الملك عبدالعزيز دخلو عنيزه ولعبو بحسبة الديره وكل واحد من عائلة البسام يشوفونه يذبحونه على طول "؟ وفي أي عام كان هذا ؟ وطلب ـ إذا لم أطيل عليك ـ بعض القصص عن هذه العائلة " عائلة البسام "؟ لأني لم أسمع عن هذه العائلة إلا أنها من أكبر عوائل عنيزة حالياً. أتمنى لك التوفيق. |
12-10-2002, 10:36 | #18 |
رحمة الله عليه
|
اخوي محمد ابن عبدالله حياك الله وهذي الساعه المباركه واشكرك على هالاطرآ بالنسبه لقولك (لقد قلت بسياق حديثك أن أمرآء عنيزة في زمن إبن رشيد هم " البســام" ! وهذا مما أثار إستغرابي , ) اخوي محمد عنيزه هي الديره الوحيده الي وصى فيها الملك عبدالعزيز ابناءه وقال لهم (عنيزه مايحكمه الا السليم) والتاريخ يحكم على هالعائله بانها ديره رفضت حكم خارجي لكن بعد ماحكم عبدالعزيز ابن رشيد وكان يحارب اهل القصيم عامه وابن سليم راح مع الملك عبد العزيز للكويت <==== هذي كلن يعرفه يابوعبدالله وحكم عنيزه ابن بسام وبعد مارجع ابن سليم مع الملك عبدالعزيز استرد الحكم ( وحصل ظلم) وانا ياخوي مااقصد ان البسام حكموا عنيزه طول حكم (ال رشيد) لا لا بالعكس السليم معروفه حروبهم مع الرشيد وذبحت اخو صالح صعوط المجانين ........................................... وخليت دم الشيخ بالقاع سايل وصدقني انا من اشد المعجبين بعائلة (السليم) لكن الاولين <======= زامل ويحيا وبالنسبه لقولتك (وبعد مارجعو ال سليم من الكويت ومعهم جيش الملك عبدالعزيز دخلو عنيزه ولعبو بحسبة الديره وكل واحد من عائلة البسام يشوفونه يذبحونه على طول "؟ وفي أي عام كان هذا ؟ ) شف اخوي من الصعب ان كتب التاريخ تكتب عن الشي ذا ولكن يعلم الله ان ابوي (الله يطول بعمره) يقول على لسان ابوه ان ابوه كان مزبن واحد من عائلة البسام وكان في السنه الي دخل فيها ابن سليم عنيزه وعطني ساعه واجيب لك التاريخ وبالنسبه لقولك (وطلب ـ إذا لم أطيل عليك ـ بعض القصص عن هذه العائلة " عائلة البسام "؟ لأني لم أسمع عن هذه العائلة إلا أنها من أكبر عوائل عنيزة حالياً. ) اول شي ياخوي انت تامر وحنا نطامر انت تشر وحنا نقشر وبالنسبه لسؤالك عن عائلة البسام هم فعلا من اكبر عوائل عنيزه بعد السليم والقاضي ومنهم شيوخ وقضاه الى الوقت الحالي وانا والله ماسمعت عنهم قصص الا الي ذكروه لنا الشيبان بدخول السليم لعنيزه ولو اني اعرف شي صدقني منيب مخفيه وفي النهايه اتمنى اني ماضيقت صدرك او ازعلتك او كدرت خاطرك<==== بتل والله يرحمهم ويغفر لهم |
20-10-2002, 02:32 | #19 |
عضو شعبيات
|
شكرا عزيز
أخي / عزيز شاكراً لك ردك على إستفساري. وأرجو أن تسمح لي بإستفسار أخر قصير ـ رغم عدم رغبتي بحصرك وحصر نفسي بهذا الموضوع وأيضاً لتعدد المواضيع لديك ( ماشاء الله ) ــ ورغم تحفظي على ما قلت إجمالاً...إلا إني أشكرك على إجتهادك وإجابتك على طلباتي. وإستفساري هو: ما مقصودك بقولك: " ولكن يعلم الله ان ابوي (الله يطول بعمره) يقول على لسان ابوه ان (ابوه كان مزبن واحد) من عائلة البسام وكان في السنه الي دخل فيها ابن سليم عنيزه ..............." بأي شي كان ((زابنه))؟ أتمنى لك وللمنتدى التوفيق. |
21-10-2002, 10:11 | #20 |
عضو شعبيات
|
مشــــــــــــــــــــااالله عليــــــك يا عزيز والله انك وفيت وكفيـــــــت وزياده. بصراحه انت كنز من المعلوماااات والله العظيم اني صادق. كنت انتقد اسلوبك بالقصص لأنه قصص ثوريه وكنت تتطنز بس لمـــا قريت مواضيعك وخصوصا هاااااذ القصه دريت انك انسان راقي . ولأتزعل مني ياخوك الي مايعرفك مايـثـمـنك. . اول كنت اسمع كبار السن يقولون ان صديق الامير والفارس راكان بن حلثين ابن رشيد وكانت علأقتهم طيبه بالحيل. <--------- معجب جدا جدا با ركان بن حثلين لأتلوووومني فارس وامير وصادق وشرواه قليل وكنت اسـتغـرب ابو فلأح صديقه هاذا الطاغيه ابن رشيد بس كنت ماخذ فكره شينه والسبب الكتاب. ولكم منك انت ومن واحد اعرفه بصراحه طلع ابن رشيد رجل وبمعنى الكلمه على انه سالفته شينه ولكن رجل. وشكرااااااا لك. اخوك. فتى الوادي. |
22-10-2002, 14:48 | #21 |
رحمة الله عليه
|
اخوي محمد حياك الله ابوعبدالله واسف للتاخير بالنسبه لقولتك (ولكن يعلم الله ان ابوي (الله يطول بعمره) يقول على لسان ابوه ان (ابوه كان مزبن واحد) من عائلة البسام وكان في السنه الي دخل فيها ابن سليم عنيزه ..............." بأي شي كان ((زابنه))؟ ) اخوي ابوعبدالله اول مادخلوا ابن سليم عنيزه مع جيش الملك عبدالعزيز كان الحكم في ذالك الوقت لابن بسام الي مايحضرني اسمه وان بغيت الاسم ابشر بسعدك انشد الشايب عنه وطبعا ابن سليم اول شي سواه هو ذبح ابن بسام وكل الي حوله من اخويا وحاشيه وكثير من افراد عائلة البسام بالذات الي كانو قريبين من الامير ومن ضمنهم هو الي انا ذكرته واشكرك على هالتفاعل وليتك ماتقطعنا يابعدي واسف على الاطاله |
22-10-2002, 14:57 | #22 |
رحمة الله عليه
|
هلا وغلا باخوي فتى الوادي اول شي تراك كبرت راسي يابعدي وهذا من طيبك والله وابن حثلين معروف والتاريخ هو الي يشهد له خري وانا راكان زبن الونيه ...................................ماياخذ العقبات كود الهداني عز الله انه صدق ولا الومك بابن حثلين ياخوي وبالنسبه لابن رشيد الي انا اتكلم عنه الي هو (عبدالعزيز المتعب الرشيد ) هذا مالحق على راكان ابن حثلين الي كان خوي ابن حثلين هو محمد العبدالله الرشيد اخو نوره يوم يقول راكان سلام اخوي نوره لزوم(ن) عليه يقصد ابن رشيد وجاء بينهم شر ولها قصايد كانت بين راكان ابن حثلين حمود العبيد الرشيد ولها قصه طويله تجوز لك وابشر بها انزلها بموضوع الحاله لكن اصبر كم يوم انا ارد عليك الحين وسيارتي بالبنشر <==== تغير زيت ومسافر والله كم يوم واذا رجعت بالسلامه ابشر بسعدك وتقبل تحيات اخوك الصغير عزيز |
22-10-2002, 16:27 | #23 |
عضو شعبيات
|
تسلم ياااعزيز. وانشاااالله ترجع سالم وغانم ومرحبااااا بك اكثر. وصد قني جاهز للمواضيع الزينه منك ومن غيرك ولأهنــــت. وترااني انطر قصتك . وشكرا |
23-10-2002, 01:59 | #24 |
عضو شعبيات
|
إخواني السلام عليكم أخي / عزيز أشركرك على ردك وإهتمامك. لكن بدوري أنا سألت جدي ـ وهو شيخ كبير ـ عن هذه القصه فقال لي الآتي: في أحد الأعوام _ بعد دخول الملك عبدالعزيز الرياض بـبـضع سنوات ــ أتـت عائلة السليم ــ وكانوا أمراء عنيزة ( قبل ذهابهم للكويت مع الملك عبدالعزيز ) نظراً لخلافهم مع إبن رشيد أمير حائل _ كما سبق وقلت أنـت... وفي طريقهم ((السليم )) إلى عنيزة ...سمع بمقدمهم أمير عنيزة بذلك الوقت (( وكان من اليحيا )) ففر الأمير هارباً إلى حائل (( إلى إبن رشيد " طبعاً " )). وبقي إثنان أو ثلاثة من إخوانه الذين رفضوا ـ الهروب ـ " على حد وصفهم".(( والذين عذبوا وقتلوا فيما بعد من قبل السليم)). وفي ليلة هروب الأمير " إبن يحيا " دخل أفراد جيش السليم إلى عنيزة ليلاً وبمساعدة من أحد أفراد الحراسة الليلية اللتي كانت ترابط على البوابات الأربع اللتي كانت تعـتـبـر مداخل لعــنـيــزة -- وكان الداخل لعــنــيــزة لا يستطيع الدخول إلا من هذه البوابات لأنهُ كانت بينها جدار أو (( عـجـده ـ الجيم(جـ) أسفلها ثلاث نقط )) وبدخول أفراد الجيش وحين غفلة من أهل عنيزة ،، بدؤو بسرق ونهب وتخريب بيوت أهل عنيزة ، ومن الطبيعي أن يسرق وينهب بيت الغـني لا الفقير، ولم يكن في ذلك الوقت إلا عائلة البسام هي الوحيدة من بين العوائل المعروفة بالتجارة و بكثرة الأموال والأرزاق ((أطعمه من شعير وتمر و....)) والعقارات(( من مزارع وبيوت و....)) وأفراد من بعض العوائل الأخرى وهم قله. وسميت تلك السنة بـ (( سنة السطوه )) لأنهم سطوا على البيوت ليلاً * وللأسف أن من ساعد هذا الجيش لدخول عنيزة ومن ساعد هؤولاء في نهب وسرقة الأموال هم (( موالي ( وهم عكس الأحرار ــ الذين يباعون ويشترون بذلك الوقت ــ) تلك المدينة .!)) وأما إبن بسام الذي ذكرت يا أخ عزيز هو : عبدالله البسام وكان كبير عائلته آنذاك *ملاحظة : (( بسبب غنى عائلة البسام وقربهم من حكام عنيزة " اليحيا" وإسناد بعضاً من شؤون المدينة لعبدالله البسام ظـنا البعض أن البسام هم الأمراء الفعليين لعنيزة )) أما قولك يا أخي العزيز/ عزيز: " وطبعا ابن سليم اول شي سواه هو ذبح ابن بسام وكل الي حوله من اخويا وحاشيه وكثير من افراد عائلة البسام بالذات الي كانو قريبين من الامير " فإستناداً لرواية جدي: أنه لم يذبح بل أخذه الملك عبدالعزيز ومعه بعض كبار عائلة البسام إلى الرياض وعلل الملك ذلك بقوله " أخذتهم خوفٍ عليهم" وجلسوا بالرياض بمنزل مكرمين وـ محشومين ـ بضع أشهر. ولم يقتل من البسام على يد السليم إلى واحد أو إثنين.( العهده على رواية جدي). أخي عزيز/ هذه رواية تحتمل الصواب وتحتمل الخطاء لكن الأكيد من كثر ماسمعت عن " البسام"، وعن " السليم" وحبك لهم، وكثر ماسمعت عن عنيزة وحب أهله له،...والله إني إشتقت له الديره وأنا ما بعد شفته. ## وش رايك عزيز نتخاوى أنا وياك لعنيزة ## آسف جداً على الإطاله .. والملامه على التاريخ......."والخطاء من جدي"......وخطاء الإملاء من نفسي......والعتب مرفوع.....والزعل ممنوع........ وتجي بالسلامه يا عزيز.. وأنتظر ردك ..ورأيك. .....والسلام عليكم ورحمة الله وبركاته |
02-02-2003, 00:11 | #25 |
عضو شعبيات
|
السلام عليكم ورحمة الله
اخوي عزيز ماقصرت يالغالي اسلوبك جدا رائع وطرحك لسالفه في منتها السهوله وهذا ان دل فهو يدل على سعة الادراك وعبقريت البث انت اعلامي ناجح وفريد من نوعك بس فيه بعض اللخبطه شوي صعوط المجانين لقب واحد من ال رشيد معركة المليدى على دور زامل السليم الله يسلمك حبيت اوضح بعد ان السليم واليحيا عيال عم من جد واحد والضاهر انه ماصار بينهم الذبح اللي تقول اطلعوهم من عنيزه ايه وقبله اليحيا مطلعين السليم من عنيزه ولا سمعنا ان البسام قد صارو امرا على عنيزه ولا غيره هم اهل التجاره وبيدهم اقتصاد المدينه هاك الوقت خاصه لاهل عنيزه نعم ثلاثت الرباع العقار القديم لهم لوكان فيهم امير او فارس كان غطا ذكره على ذكر (؟؟؟؟؟ العبدالله) |
03-02-2003, 17:58 | #26 |
رحمة الله عليه
|
هلا وغلا اخوي صاهد صاهود حياك الله بين اخوانك وهذي الساعه المباركه ومشكور على هالكلامالي مالحق جزاه وهذا بعض ماعندكم وبالنسبه لقولك صعوط المجانين هذا واحد من الرشيد صعوط المجانين تنقال لاي فارس مثل(عقاب العواجي.. حجاب العواجي) واسمع عبيد وش يقول وذبحت ابوصالح صعوط المجانين ........................................ وخليت دم الشيخ بالقاع سايل هذا بيت عبيد ابن رشيد واهو يقصد فيها ابن سليم (يحيا ) وهذي بمعركة بقعا وكانت زوجته (العرفجيه) من امراء بريده وهي الي يقصدها عبدالله ابن رشيد بقوله وان كان مانسقيه من دم الاضداد ..........................................كزوه يم العرفجيه تحنيه وقالت قصيده رثاء في زوجها انت تقول ياخال ان عنيزه ماقد حكمها غير ابن سليم .. صح؟ انا معك بهذي والدليل ان الامير الي عينوه على عنيزه في الدوله السعوديه الثانيه (من ال سعود) ماابطا امير على عنيزه ...بسبب طردهم له لكن ياخال ابنشدك بالوقت الي كانو فيه ال سليم بالكويت .. الحكم كان لمن؟؟ وانا وضحت مصدر معلومتي واذا ماصدقته .. المشكى على الله وتقبل تحيات اخوك الصغير |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|