13-10-2003, 17:41
|
#1 |
|
شـــاعر العثمــانيـــات
|
لبعض الأزواج.. رفقا بالقوارير
[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] جتني تشكّى من الألم والمعاناه = والضرب واضح والدمع في مآقيه تبكي حبيب القلب جوره توطاه = من عقب ما هو بالمـودّه يراعيه تقـول عيب يبيّح القلب شكواه = لكنّ جـرحه يكشف اللـي يخبّيه يا حيسفا عمرٍ قضيته ابرجواه = اشريه بالغـالي وبالروح انا افديه زوجي تغيّروانقلب ذيب بعواه = يفرس هله من دون عقـلٍ يخاويه ياما تحملته وانا اركض على رضاه = واثره طغى بالجور وابليس يغريه يخطي عليّ بلا سبايب ولا سواه = ويهينني عند الأهل او ابناخيه ما نيب عبده اشتراها ولا شاه = حرّة اصيلة ، مقبل اللي يسويه وش غيّره وش بدلّه ويش اعماه = وأنا حسبته حرّ ثبته مباديه امن اولٍ افرح إذا جات طرياه = واليـوم كرّهني بنفسه وطاريه وبيتي من اول جنةٍ دوم انا اهواه = واليوم احسّه نار مالي بصاليه رجلي ولا ادري وش يبي زاد بلواه= حساس جاهز ثايرٍ في تحدّيه ان جبت له ورع يبي بنت تلقاه = وان جبت له بنتٍ يبي ورعٍ يغليه وهـذي امورٍ عند رب السماواه = لكن جاهل يحسب الأمر بيديه بالله قل له جــاوز السيل لزباه = فيني يخـاف الله اذا كان يرجيه ما هي رجوله فعلته في اللي اعطاه = قلبه وعمره ساكتٍ عن بلاويه من يضرب الحرمه جبانٍ من اقصاه = لو به شجاعة كان حلمه يباريه حرمتك سترك تحفظ اسمك وتحماه = ان كنت حاضر او مسافر وتغليه لاتحـدّها تثـأر بلحظـه من الآه = من حرّ ما توجس ببيتك ولاضيه تنـدم علـى فعـلك بحبٍ ترهّاه = وتهدم حصين البيت لا شئ يبنيه يا غـافل استيقـظ تفّهـم لمعناه = حكم ضميرك والعقـل لا تخليه "يا انجشه رفقاً " ، كـلامٍ بمغزاه = سيد البشر قـاله ، ولازم تراعيه والله ومرنا بالعتـق ، كيف تنساه = وتستعبد الحرمه وتجهـل مآسيه من لا احترم نفسه ترى الخلق تاطاه = ومن يضرب الحرمه يدور مداويه بالعقـل سايسها مثـل مهر ترعاه = وبكلمة حنانٍ تملك القلب تشريه [/poet] |
|
|
|
13-10-2003, 18:03
|
#2 |
|
شــاعر
|
عثمان العبدالله شاعر الحكمه وشاعر الفكر الواعي صح لسانك مليون موضوع حساس الله يكفينا شر الظلم بالله قل لـه جـاوز السيـل لزبـاه فيني يخـاف الله اذا كـان يرجيـه ما هي رجوله فعلته في اللي اعطاه قلبه وعمره ساكـتٍ عـن بلاويـه من يضرب الحرمه جبانٍ من اقصاه لو به شجاعة كان حلمـه يباريـه صدقت وعمرها ما صارت رجوله ضرب المرأه ابدا لاهنت ايها الرائع النقي تحياتي لك |
|
|
|
|
13-10-2003, 20:09
|
#3 |
|
فـعـل مــاضي!
|
الغالي / عثمان العبدالله الشعر عندما يكون وسيلة لتقديم نصائح راقية في قضايا إجتماعية مهمة يجب ان نقف لشاعره المجيد في وصفه إحتراماً ..!! محاكاة رائعة ياشاعر العثمانيات  : يخطي عليّ بلا سبايـب ولا سـواه ^^ ويهينني عنـد الأهـل او ابناخيـه ما نيب عبـده اشتراهـا ولا شـاه ^^ حرّة اصيلة ، مقبل اللـي يسويـه : لله درك ... ولنا دررك ... 1حتر111111111111ما111111111111111تي |
|
|
|
|
13-10-2003, 21:06
|
#4 |
|
شــاعـر
|
الطاير المهاجر صباح الخير والله يجعل مساك سعيد وصح لسانك على هالابداع الدايم وعلى هالفكر الرايع والحضور المميز في كل حالاتك مبدع فالله درك والله يجعلك على القوه ولك مني صادق الود والاحترام اخوك نمر العتيبي |
|
|
|
|
14-10-2003, 07:08
|
#5 |
|
شــاعــر
|
راااااااااااااائع كعادتك ... يا شاعرنا /// عثمان سلمت وسلم فكرك .. ودام تألقك وإبداعك .. ولك تحياتي الصادقة أخوك ------------- عبد الله الجزلاني -------------- |
|
|
|
|
14-10-2003, 07:18
|
#6 |
|
الـحـــرّاب
|
اخوي عثمان العبدالله صح لسانك كتبت فاجدت ما نيب عبـده اشتراهـا ولا شـاه حرّة اصيلة ، مقبل اللـي يسويـه انا اشهد ان جبت له ورع يبي بنـت تلقـاه وان جبت له بنتٍ يبي ورعٍ يغليـه وهذي امـورٍ عنـد رب السمـاواه لكن جاهل يحسـب الأمـر بيديـه مع الاسف يا كثرهم من يضرب الحرمه جبانٍ من اقصاه لو به شجاعة كان حلمـه يباريـه الله الله لله درك يا الغالي موضوع حساس و يستحق الطرح دمت بخير محمد الحراب |
|
|
|
|
14-10-2003, 07:55
|
#7 |
|
عضو شعبيات
|
عثمان العبد الله تصر دائما على جعلي أندم على االايام الماضيه في عالم الانترنت التي لم اتعرف فيها الى شعرك بصراحه اول مره اطلع على اشعارك هي هنا عبر شعبيات انت مختـــــــــــــــلف نص كهذا لن امر عليه مرور الكرام لا بد من عوده |
|
|
|
|
14-10-2003, 11:37
|
#8 |
|
شاعر
|
. قرائة أخرى .. أو حكم أخــــرى .. نجدها بموضوع أشد من الحساسية نفسها .. بوعبدالله .. تناولت موضوع حساس جدا ً .. لطالما تتمنى الجميع تناوله من أحد الشعراء .. ما نيب عبـده اشتراهـا ولا شـاه ........................ حرّة اصيلة ، مقبل اللـي يسويـه بوعبدالله .. أنت حكيم .. وشعرك حكيم .. وردة فعلك حين كتابة هذه القصيدة جدا ً حكيمة .. ألف ألف صح لسانك .. ودمت بذات الحكمة .. أخوك الصغير .. .. عبدالله .. |
|
|
|
|
14-10-2003, 15:10
|
#9 |
|
نــثــار حــلــم
|
قصيدة تفتق الجرح.. ونظرة صائبة تتخلل معانيك.. عثمان العبدالله... ليس الشعر غزلاً فقط.. وهأنت تثبت أن للشعر جماله مهما كان غرضه.. تحية عابقة .... |
|
|
|
|
14-10-2003, 19:30
|
#10 |
|
Guest
|
عثمان العبدالله صح لسانك ولاهنت يا غالي قمه في الابداع تحياتي |
|
|
|
16-10-2003, 08:31
|
#11 |
|
عضو شعبيات
|
عثمان العبد الله  في الوقت الذي سخر بعض الشعراء شعرهم لخدمة غايات دنيئة لهم أو لغزل فاحش أو لتصفية حسابات أرى نور الكلمة الطيبة والنقاء والصدق والنصيحه مغروسه في بعض ماتجود به نفسك تكتب بيمينك مايثقل ميزان حسناتك لله درك على هذا العقل والتفكير حتى في بوحك تطمع في جزاء من رب العالمين في هذه الرائعه او من خلال روائعك الاخرى لا اقول لك سوى الله يحرم على هاليدين نار جهنم |
|
|
|
|
21-10-2003, 13:13
|
#12 |
|
عضو شعبيات
|
تسلم
السلام عليكم تحياتي.... اخي الفاضل : عثمان العبد الله الله ينفعبك والله ليس عندي غير ان اقول صح لسانك والله يعطيك العافيه وجزاك الله خير . تحياتي .. |
|
|
|
|
21-10-2003, 15:44
|
#13 |
|
شـــاعــر
|
عثمااااااااااان العبدالله مساااااااااااء العذوووبه والروووووعه صح الله لساااانك ولاهنت ياااذيب |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
