25-09-2003, 20:32
|
#1 |
|
عضو شعبيات
|
جزاء صالح الحربي يتذكر الباديه
قال الشاعر جزا بن صالح الحربي يتذكر مضارب البادية ويبكي على أطلالهم: أمس الضحى في عالي الرجم عديت وفيضت في راسه عباير خفوقي وقعت لين ادلولس الليل ومسيت وحولت منّه ناشفات عروقي ورديت من بكره عليه وتعليت وقعدت حتى شفت شمس الشروقي أشرف على دار بها العام مريت واليوم ماكنه سكنها مخلوقي خليان ماكن ابتنى بارضها بيت بس الفجوج الخاليه والطروقي وحتى من الأوناس ماشفت ماريت ماغير رسم باقي له رموقي بس الشنون محذفات تشاتيت شنونن على الديران مثل البهوقي وشفنا الرسوم اللي عليهن تشافيت رسوم عليها القلب مني شفوقي رسوم عليها من ازرق الدمع هليت دمع تحدر فوق خدي صفوقي ليا شفت مدهال الرجال الزناتيت تقول قلبي ينمزع من عروقي رجال مرابعهم تهيظك لاجيت ومرباعهم بين الجلد والعروقي ونجورهم للضيف ترسل تصاويت وضيانهم بالليل مثل البروقي رجال عليهم من قديم تربيت وفارقتهم والقلب مني يتوقي وابديت مافي داخل القلب وافضيت وانساق من عمق الهواجيس سوقي وابكي عليهم كل ماصبحت وامسيت وشكواي لله عالم الشان فوقي وشعاد لو اني بكيت وتمنيت ياما بكى قلبي جزينن عشوقي وقلبي بكى حي علي غالي ميت والدمع عقّب في ضميره عشوقي وياما بكى رجل عليه التثابيت قبل الوقايع هل دمع حقوقي ولو لامني بعض الخبول السرابيت اهل النفاق مشدقين الحلوقي بذني صقه عن حكيهم ماتوحيت ولا احب ناس لسراير تبوقي وان قالو العذال وش فيك ماابديت ماني على اسرار الاوادم نطوقي امشي مع العام على ماتوريت اعطي حقوق الناس واخذ حقوقي |
|
|
|
26-09-2003, 05:59
|
#2 |
|
شــاعــر
|
الاخ زاير نبي نغير اسمك ونخليك راعي محل وحنا الزوار مرحبا بك بشعبياات وخصوصا خيمتنا الشامخه غصبن عن فيصل بن خالد والقصيده جزله ورائعه تسلم يمينك عليها وصح لسان شاعرنا ان كان حي والله يرحمه ان كان ميت وفي بدايه التوطين كثير من البدو تضايقوا بس الحين لو تقول لاطلق بدوي رح اسكن ببر قال لك ما انهبلت صحيح ان حياة الباديه كانت تعب وشقا بس كانت النفوس طيبه والحياة رغم قساوتها الى انهم يجدون لها حلاوه بذني صقه عن حكيهم ماتوحيت ...........ولا احب ناس لسراير تبوقي وان قالو العذال وش فيك ماابديت ............ماني على اسرار الاوادم نطوقي وتحياتي لك نواف وخالد مشرفو الخيمه |
|
|
|
|
26-09-2003, 09:28
|
#3 |
|
عضو شعبيات
|
الأخ خالد الشايع يا هلا بك اشكرك على كلامتك الطيبه اما بالنسبه للأسم اسم الزائر ما انقبل الا بعد تعب كل ما ادخل اسم يقولون مسبوق عليه حتى اسمي مسبوق عليه بعد هههههههههه ؟؟؟؟؟؟؟؟؟ أما عن القصيده وشاعرها فهي احدى روائع الشاعر الكبير جزاء صالح الحربي وهو حي يرزق الله يطيل بعمره على الطاعة . تقبل مني فائق التحية والأحترام |
|
|
|
|
26-09-2003, 09:40
|
#4 |
|
شــاعــر
|
هلا فيك يالزائر ان ماخاب ضني اسمك علي بن محمد <<<<----معسكر بمنتدى التسجيل  والله يطيل بعمر شاعرنا واشكرك على سرعه تفاعلك ولاتحرمنا مرورك على باقي المواضيع وترى اللي يدخل عندنا بالخيمه نقفل عليه الباب ونخلي نواف الشمري يبلع المفتاح عشان ماتطلع تحياتي لك |
|
|
|
|
26-09-2003, 19:59
|
#5 |
|
عضو شعبيات
|
هلا باخوي خالد لا انا واحد ثاني غير علي محمد لكن من ناحية معسكر عند منتدى التسجيل فأنا والله عسكرت وابشرك بعد ما يحتاج يبلع المفتاح نواف الشمري لأني خلاص لازق ما عاد اطلع . ومشكور اخوي وما قصرت |
|
|
|
|
29-09-2003, 08:53
|
#6 |
|
عضو شعبيات
|
الله الله صح الله لساااااانك ولسااااان الشاعر جزا الحربي ابو صالح دائمااا شعره يتميز بالجزااله تقبل تحياتي الخويطري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
