30-01-2002, 20:15
|
#1 |
|
العضوية الماسية للموقع
|
ملف الشاعر / محمد البريكي
 [ أبريل 02, 2002: تم تعديل الموضوع بواسطة : نادره ] |
|
|
|
30-01-2002, 20:20
|
#2 |
|
العضوية الماسية للموقع
|
( مشاركة أولى ) محمد البريكي إخواني وأخواتي هذه أولى مشاركاتي أتمنى أن تحوز على رضاكم .. يا رب ,, كل ابن آدم خطّاء ،، ويبقى لمدائن الشعر هذا البوح ( 1 ) ( فصـــل العنب ) تنولد أكبر مدينه من خرافــات القصــب ويمتلي جوفي عصير ويسكن بــإيديمـداد جيت يالليله مسافر مل من كثــر التعــب هدّت الرحله الطويله ثـورة أسراب الـجراد ابـدوي نـاصب خيامـه في مدارات المهـب يلتحف سعف النخيل ويفترش رملـه وسـاد ينسج حْروفه عبايـا سافرت مكّه وحلــب غار منهـا البحتري وهزّت وجد عبله وسعاد جيت إنســان وخطايا لو صدق ذنبه كِذَب ولـو كبـر ذنبه لغيـره تلبس أيامه سـواد كن ما بالكون غيره .. كنّها الدنيـا حطــب واحدٍ لو عاش عمره ما لـمس غيـر الجمـاد يحرث أحلامه تراب وينتظـر فصـل العنــب حتّت أوراق المواســم من قبل فصل الحصـاد تقصر يدين الأمـانـي عن تباشيـر الرطــب والعرق يستر ضلوعـه عن مراسيـل البــراد ينثـر حبـوب القمح للغيـر ويثـور الشغب والبلح يـملا الطبق للشعـر وينـال الهمـاد قلت له مـرّه مسـاء الخـير والرد .. إنسحب وانكسر ضلعي اليسار وصاح بعيون الهجـاد بين حــد الجد في الفكره ومـابيـن اللعـب ينولـد شاعـر ويفنى ألف شاعر في البلاد قول يــا وجهـي المسافـر فـي محطات الهرب وش جـرح ورد الأماني في دروب السندباد ؟ جـابنـي هـذا المدى المسكون بـجروح الغرب وردّنـي شرق الصدى المذبوح بسيوف العناد الجهات أربع حقيقه .. لا .. حقيقه .. لا .. كَذِبْ والوصل قرب وتلاقي.. لا.. مسافه .. لا.. بعاد قلت ليه هذا السواد وقلت ليــه هـذا العتـب يسكن حْروف القصيده وتلبس الكلمه الحداد ؟ آه يــا وجـه المدينـه يـا تجـاعيـد الطلب من زمـان المزهريّـه مااحضنـت ورد الوداد كل مـاتولـد قصيـده كنّهـا قطعـة ذهـب أوّل أفراح الـهدايـا عثرة أقـدام الـجياد يالزمان اللي نسانــا ما بقـى عيـن وهــدب تنطفي نار وتخلّف للأســف هـذا الرماد المدينـه انتـي يـا إنتـي يـالقصيده يـالطرب لي متى وآنـا أتريّـا أقطفك نجمه وسهاد ؟ إسكنــي بالقلب دامك تشتهـي قلبـي طنب يمكن ضْلوعـي تصير خْيام وأكواخ وعتاد لـو يكون الذنب طفلٍ يـمتطي كتفـي غصب طاح من كتفي ولكن .. ذنبي إنسان ومراد والغضب لو كان شارب أقصره ويبقى الغضب مسحة الحزن الجميله في فضـاءات المهاد أطول دْروب المسافــه بينــي وبيـن السبب وأقصر دْروب الإجابه بيني وبيـن المداد الشاعر / محمد البريكي ــــــــــــــــــ - - - ( 2 ) ( مفاتيح الفصول ) على الله ما يجي حرفي على ضلـعٍ يهـد السـور أبـجمع كل أحجـاره وألـم الطيـن بأزيائي أبيه إن لامس إحساسي يقوم وينفعـل ويثــور على خير النقا .. يطلق خيالـي بيـن أنوائي يسافر للمدى .. ينسى الزمان ويرجـم الـمغرور يقول الله يــا ورده .. تـقـدّر كل آلائـي وأنا بين الورق أجـمع فتـات اللـي بقى بالدور وأطوف الأرصفه الغبرا على الباقي من أشـلائي أفتّش في سجلاتي وأزاحـم طفلـة الديـجـور على شمع الزمان المنطفي في معطــف أعبائــي توكّيت بعصا حلمي وشلت سراجي المكســور بعين الشمس .. وأحضان المطر والليل وأخطائي يحاصرني البحر .. يلعب على موج الـمسا والنور وأشوّر هالخشب وأبحث عن الأبراج بأعضـائـي سألت الحارس الـمـيّـت على بوابة الناطـور عن اللي شالت الطفل الوليد وباقي أسـمـائـي سألت وصارت ظروفي القديمه .. قطعة الديكـور وباقي هـالستايـر والغرف والورد بأحشائـي وجريان الفلج في قريتي وغنـايـة العصفــور وقطعه من سوارٍ جابـها لي حاتـم الطـائـي سألتك وين هالغيبه ثمان اشتــاقـت البلّـور عجاف وهالسفر أكبر من إنـّه يجمع أشيـائـي سألتك عن بعض بعضي .. بداياتي .. عريش الزور مراجيح الزمان. الطين . حلمي . عالمي النائي صحيح إن الزمن وقّف عقـارب ساعة الساطور ؟ صحيح إن الحظوظ المايله تشتـاق أجـوائـي ؟ صحيح إن الرحى عافـت غلال الحنطه الـمنثور وبيدار النخل شخّـص أساس المشكلـه بدائي ؟ ذكرتك .. آه ماقلـت المطر يروي الأراضي البور ولا قلت الزهـر ينبت لـخاطـر عين أهوائـي لغيتي الذاكـره منّي .. لغيتي الدرس والطبشـور وجيت وقلت( سبحان الذي أسرى )بك إسرائي تـجين بغصن زيتون .. وحمامٍ أبيضٍ .. مسحـور تشكّين النهـار بيـاسـمين الجرح فـي لائـي أنا إن قلت لك أخشى الشهاب المنفلت .. معذور أبي أرضيّة الحلم الأخيـر الرافـض إجـلائـي أبي لاجا البشير يكحّل عيوني عن الـمحظـور يسلّمْنـي مفاتيح الفصول ويـخطـب إغرائـي وأنا الواقف على باب النهار بدولة الـمنصـور أبي بعض الخراج اللي يسد الجوع بـأزيـائـي الشاعر / محمد البريكي ــــــــــــــــــ - - - ( 3 ) ( تعــــــب ) تعب وجـه الزمن أغبـر وعيـر القافله عطشان شكى ظهر الجيــاد الشوق والفارس جفى خيله تعب والفيصل البـاتـر عليـه من الصدى ألوان ومارد عـايف النخـوه .. يعربـد يومــه وليلـه طغى وجـه المسـا السافـر على ترنيمة النشوان تهادى يلفظ أنفاسه على صبــحٍ تعـب حيلـه هناك الشارع أشباح وخطاوي وبعثره وعصيـان هناك اللي بقى وجه المدينــه لابسٍ شيلـــه هناك الكأس والنشوه ورقص ومسخرة شوبـان هناك أسطورة الماضي وشيخٍ ينكسـر جيلــه خجل يالفارس الناصر خجل يامزلزل الميــدان خجل ياأول العــزه وآخر هــمٍ نشيلــه مشينـا والعجـاج الهـم والعزه فدى الشيطان وميزان العدل ( فيتـو ) علينــا فرض تبجيلــه ألا يا أول القبله هناك الـهـايـم السهــران محـال يحـرّّر قيــود المذلّـه وقيده اكليلـه ينادينا من الماضي صلاح وطـارق وعثمــان ينادي خالد .. الفاروق وابن العاص يرثي لــه حبيبه والمسافر ماجنى من رحلــة الغفــران سوى وجه القدس يبقى صدى صرخة مواويلـه كتبنا لين ماجف الحبر في دفتــر الحرمــان وعاف المحبره شعـرٍ يكون الهــم قنديلــه أريد أسأل عن الليلـه وبـاكر وآخر الأزمان أريد أسأل تضاريس الحزن لـو قلّت الحيلـه سؤالٍ لو عصى يبقى جواب الأسئله قــرآن كتابٍ يحتوي كل الحلول ويعـدل الميلــه أريد أسأل عن رهام المطر في حنجرة عطشان متى عير المجد تورد مع الفرسان من سيلــه الشاعر / محمد البريكي ــــــــــــــــــ - - - ( 4 ) ( نزف ثالث ) زمن وإلا بقايا للزمان اللي بقى .. وش عـاد ؟ نموت .. نموت ويعيش التراب اللي نثر عطـره نحبّه إيه ونحبّه نشـد الأحـزمــه ونعتــاد على شح الزمن يكبـر بعين اللي عشق صبـره تصيح جذورنا عطشى .. تطيح أوراقنا ونـزداد صمود وتجلد رياح الفقر أغصاننـا حســره يقولوا اللي بقى مستقبلٍ أسود يزيـد اعنــاد يقولوا جرحنا أكبر .. أقول الجرح وش كبـره ؟ تعوّدنا نكون أكبر .. تعوّدنـا نكون أحفــاد سواعد لونها أسمر .. سواعد تفلـق الصخـره نعم كان الزمن أجرد .. نعم كان الزمن أجداد يصيح الوقت ما طاحت من غيوم النظر قطره قبل ما يشتكوا عوّد لهم يشكي سنين اشـداد وقالوا للحياه احنا المطر لو صرتـي الجمـره وقالوا مد أقدامك على قد اللحـاف ونـاد بأنّه من طمع أكثر يحاول يكسر الـجـرّه لنا الخير الوفير اللي عطانا للقناعـه اعتــاد لنا البال الطويل اللي عطى لهمومنــا ظهره نطوف الشارع الأغبر خطاوينا لها ميعــاد ندوس الشوك يجرحنا ويسقي دمّنا زهــره نذوق المر يالحنظل وناخذ للمـراره قنــاد تقهوى عمرنا منا .. عطانـا حلــوه ومرّه نغنّي للبحر أحلى الأهازيج وبحرنـا انقـاد على مجدافنا يضرب يديه ويعطــي بوفـره وقلنا للثرى هزّي نخيلك واطعمينــا الزاد مثل ماهزّته مريم وذاقت بالعطـا تـمـره تراها همومنا بيدنا .. تراها همومنـا أولاد تطاوعنا مثل طفلٍ يحب أُمّه على الفطـره أجل يا شمس ماتغرب عليك انتي يا أغلى بلاد أجل ياريحة الكاذي يموت العالـم بـأسـره وتبقي مابقى يشرق نهار ويكتب الـميـلاد على وجه الزمن فرحه تجدّد للشعـر شِعـره تعالي يا سنين القحط ياوهم الزمــان الجاد تعالي ليمتى تبقي أكيد تسافـري بكــره نعيش ..نعيش وش يعني يعوّد مامضى وش عاد ؟ تضيق .. تضيق ياعالم وباكر تفـرج بأمره الشاعر / محمد البريكي ــــــــــــــــــ - - - مع تحيات / نادره [ أبريل 02, 2002: تم تعديل الموضوع بواسطة : نادره ] |
|
|
|
|
30-01-2002, 22:18
|
#3 |
|
عضو شعبيات
|
الأخت / الفاضلــه / نــــــــادره شكرا لك كل الشكر على ماأقدمتي عليه من خطى ذات قيمه ورقي0 فهذا دليل ذوقك وأخلاقك العاليــه0 أما الأخ / محمد فالمستقبل إن شاء الله أمامه ليقـول ويمتعنا دائما بمايكتب لنا من قصائد وهذه شموع مضيئـه تحمل وراءها بلاشــك أنوار من القوه الشاعريه0 تمنياتنا لشاعرنا بالتوفيــق ولك أيتها النـــادره كل التقدير والإحتـرام؛ |
|
|
|
|
31-01-2002, 10:41
|
#4 |
|
عضو شعبيات
|
السلام عليكم الأخت / نادرة تسلم يمينك / وذوقك الطيب ، وتستاهل قصايد الأستاذ محمد البريكي هالحفاوه وزود منها ، الله لا يحرمنا من مشاركاتكم الرئعه. تحياتي/علي الحارثي |
|
|
|
|
31-01-2002, 18:48
|
#5 |
|
عضو شعبيات
|
وانا اشهد ان هذي القصايد للبريكي من احسن القصايد على الاطلاق الله يقويك يانادرة ويقوي شاعرنا ونشوف المزيد من هذي المشاركات الرائعة  |
|
|
|
|
01-02-2002, 01:47
|
#6 |
|
العضوية الماسية للموقع
|
ذيب الغداري الله يطول لنا بعمرك والف شكر على الاطراء الذي توجتني فيه الله يجعلك تلبس تاج الصحه والسعاده اما عن شاعرنا الذي حضر لنا بقوة فيجب علينا ان نشجعه لاجل يستمر معنا ولو كان مهو في حاجه لتشجيعي لكن هذا المجهود الذي اقدر ان اقدمه لشاعر اعجبتني قصائده فلك وله مني كل التقدير والاحترام ( يا الذيب ) لا هنت 0 |
|
|
|
|
01-02-2002, 01:51
|
#7 |
|
العضوية الماسية للموقع
|
علي الحارثي وعليكم السلام ورحمة الله وبركاته : الله يسلم عمرك شرفتني بحضورك مليون شكر اما عن شاعرنا حقيقه يستاهل كل تقدير واحترام تحياتي 0 |
|
|
|
|
01-02-2002, 01:56
|
#8 |
|
العضوية الماسية للموقع
|
عنودالساحه شهادتك شهادة حق 00 فعلا قصايد البريك من احسن القصايد وانا تعجبني القصيده الطويله الي كل حرف فيها يحكي عن قصه 00 مشاءالله عليه صحيح مبدع 0 الله يعطيه الف عافيه وتسلمين لي يا عنودنا الغاليه 0 [ أبريل 02, 2002: تم تعديل الموضوع بواسطة : نادره ] |
|
|
|
|
02-04-2002, 19:43
|
#9 |
|
العضوية الماسية للموقع
|
للرفع الله يرفع قدر شاعرنا الكــــــــــــــــــــــــــــــبير |
|
|
|
|
02-04-2002, 23:04
|
#10 |
|
شاعر
|
الأخت/ نــادره شكرا لك كل الشكر على ماأقدمتي عليه من خطى ذات قيمه ورقي0 فهذا دليل ذوقك وأخلاقك العاليــه0 أما محمد فالمستقبل إن شاء الله أمامه ليقـول ويمتعنا دائماوهذه شموع مضيئـه من القوه الشاعريه0 تمنياتي لشاعرنا بالتوفيــق ولك أيتها النادره كل الإحتـرام اخوك داهم العصيمي |
|
|
|
|
03-04-2002, 07:44
|
#11 |
|
عضو شعبيات
|
الاخت الرائعه / نادره ........... اضا محمد البريكي يستحق الاحتفاء وقد قمتي بالاحتفاء به بالشكل الذي يتناسب مع موهبته... لكني ومع هذا الشاعر كنت اتمنى ان تتمهلي قليلا وتأخري نشر ملفه كنوع من العقاب له .... فهو من النوع المقل بنشر قصائده وهذا لا يدخل في خصوصياته وحريته الشخصيه فقد اسرنا بعذوبة شعره ولم يعد بالامكان تفادي الانتظار الجميل المربك .........ز اخيرا كما قلت اولا شكرا نادره والله يعطيك العافيه . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
