29-03-2003, 22:50 | #1 |
عضو شعبيات
|
الصراحه . . . مبكيه مبكيه مبكيه . . .
قصيده بلسان الام . . . لابنها العاق . . . الذي رماها بعد ان تمكن الشيب منها . . . لدار رعايه المسنين . . . صوّر هذه القصه . . . سالم سيار العنزي , , , [poet font="Traditional Arabic,6,black,normal,normal" bkcolor="transparent" bkimage="" border="outset,7,gray" type=2 line=350% align=right use=sp length=0 char="" num="0,black" filter=""] مومعقوله..تجي منك وترميني لأي انسان=يلملمني ولاتلقى عيونه غير دمعاتي انا ماصدق انك انت تنهيني من الوجدان=وترميني وانا اشوف القبر نادا مسافاتي وكسرني الشتا يا ولّيد وانت بداخلي دفيان=تحملت السنين وقلت على الله تلملم شتاتي صحابي البرد واللاهوب وانت بداخلي غفيان=تحملت الاسى والضيم..عشانك يابعد ذاتي انا امك..يهيه امك..حملتك والعذاب ألوان=ولدتك والالم سكين يركز داخل الهاتي وانا اثناء الولاده من بكا صوتك طعنت احزان=لأني شفتك بصوتك تنادي كل طموحاتي ومهدتك بعين وعين يشرب حزنها القرآن=وهزيتك وكان النور يتهزهز من ادعاتي اضمك في يديني لا تجي وتقول انا بردان=تركت البرد لضلوعي رح انشد رعشه اشفاتي وزولك من ركض فيني لمست بداخلي اوطان=تركتك تبني بمجدك على اكتاف انكساراتي وتذكر يوم مدرّستك صدى وكفوفنا الحرمان=وكانت رنته من فلس خنقته لك بشيلاتي كبرت وصرت فعيوني شجاع واشهم الفرسان=وحلفت اني على عرسك لرقص كل شيباتي واسولف للبشر عنك واقول ولابه اي نقصان=رضع عز الشهامه شب طموحه في معاناتي وله شان الصقر لأ..لأ..اخذمنه الصقر له شان=يجي مثل الوضو لاطب حنينه فوق راحاتي يقولون الولد بك خان واقول ولّيدي لا ماخان=وهم يدرون ماغطا منامي غير وناتي افا...وشلون تتركني يكحلني عما النسيان=وانت ادرى بيوم الحشر جنه تحت خطواتي لك الله مانطق صوتي لك الا بدعوة الغفران=ولكن خوفي من حزني ومن دعوات عبراتي تدين اليوم ياولّيدي وباكر للاسف تندان=ويرمونك مثل امك...وتذكر حلم شيباتي ودمتم . . . [/poet] |
30-03-2003, 01:22 | #2 |
شـــــاعــــــر
|
[c] اخي زبن الونيه صح لسانك راويا وصح لسان سالم العنزي شاعرا ابيات رائعة في اروع الناس الام التي تستحق المجلدات ولا تفي بحقها علينا اخي المرويات مكانها الديوانيه سوف انقلها هناك لنتابعها جميعا هناك تقبل اعجابي وتحياتي اخوك ابونوت [/c] |
30-03-2003, 02:31 | #3 |
العضوية البرونزية للموقع
|
السلام عليكم ورحمة الله وبركاته،،، الأخ/ زبن الونيه القصيدة أكثر من رائعة .. وتصور حال بعض العاقين في أمهاتهم الغير مبالين في حقوقها ... فأسأل الله لك السلامة من كل شر ... كما أسأله سبحانة أن يحفظ قائلها ويرعاه ... والأم بجميلها وفضلها علينا، وبحقوقها الواجبة والتي أمرنا بها ديننا الحنيف .. لن نصل إلى رضاها في قصائد أو كلام فقط (قليل أيضاً عليها عندما نقبل قدميها وعندما يكون جلوسنا عند موضع قدميها) ... ولكننا في كل الأحوال وكما هو متعارف عليه يأتي النصح والإرشاد والتوجيه عن طريق الكلام الطيب سواءً كان شعراً أو نثراً أو حتى كلام مترجل ... وفي الأخير تقبل أخي تحياتي ،،، حـــــــــارس الديـــــــــوانية: حمـــادة الحــــــلو |
30-03-2003, 03:49 | #4 |
|
زبن الونيه... قصيده فيها عظه ,, وصدقني هو اللي حرم نفسه الأجر والدنيا دوّاره بكره يجيه عيال ممكن يسوون فيه مثل ماسوى مع امه وعقوق الوالدين من الكبائر اللي نهى عنها الرسول اللهم صلي وسلم عليه . تدين اليوم ياولّيدي وباكر للاسف iiتندان ويرمونك مثل امك...وتذكر حلم iiشيباتي الواحد يخاف يجي مثل هاليوم مشكور موضوع مفيد . تحياتي اختك الجازي |
01-04-2003, 12:06 | #5 |
عضو شعبيات
|
حسبي الله ونعم الوكيل الله يلحقنا بر الوالدين ويرضى عنا وعنك ويجزاك ويجزى الشاعر خير.. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|