09-02-2003, 10:34 | #1 |
عضو شعبيات
|
القصيد ان مانحنالك يستوي عرضه وطوله { اهداء مني}
السلأم عليكم ورحمة الله وبركاته:- حبيت اهدي لكل اعضاء شعبيات قصيده للشاعر علي بن حمري وهي من احلى القصايد الي عرفتهاااا وابن حمري متميز وزياده وارجو ان يعجبكم اهداي:- القصيد ان مانحنى لك يستوي عرضه وطوله &&& والقوافي والجروح ودمعة اللقيا حلالك ليه اغني للقمر وانتي على الارض محموله &&& وليه اسولف للسما وانجومها عقدك وشالك الشهاده حق قبل اموت من زينه وهوله &&& اشهد اني ميت بك في غرامك واحيي لك دلعوه وقدروه وبالحنايا فسحوله &&& واشهدوا له بالحلا يالحنبليه قبل مالك غاديٍ لك في ضميري بالهوى صوله وجوله &&& كيف ماستاهل غلاك ولومتك واعشق قبالك انت عيدي وانت سيدي وانت شي حسبوله &&& العيون وخاطري وايدي تضحك في وصالك انت عام الحب كله واروعه واجمل فصوله &&& انت ابو شعري وانا والشعر كلنا من عيالك هز جذع القلب يسقط لك رطب شعري ولوله &&& واشرب زلال المعاني بالهوى ياطيب فالك يوم صارت ساعة الفرقا على مثلي عجوله &&& اغتنمت من الدقايق لحظتين كلها لك قول كل اللي تقول وطول كل اللي تطوله &&& بس انا طالبك طلبه خلني دايم ببالك وكل هرج مايسر القلب تكفى لاتقوله &&& انت في عيني وحيد وانت في قلبي لحالك وانت رجم في فياض القلب وانت اوسع سهوله &&& ليه ماخلي النظر والشوف يرتع في جمالك المدى والوصل فيني والخفوق ابن الحموله &&& ليت ماضمت جنوبي لفحتين من شمالك ان ذكرت النجم والا سهيل والليل سدوله &&& اذكري ظامي طلب له رشفة من كف هالك ليت مالي من ثلاثيني سوى عمر الطفوله &&& وليت ياشمس المحبه مانظرت عيني زوالك لاتعلم بالغلا والحب مايمرح عذوله &&& اذكر اني قد عطيتك كلمتين وقلتها لك القصيد ان مانحنى لك يستوي عرضه وطوله &&& والقوافي والجروح ودمعة الفرقا حلالك وســـــــلأمتكم : علي بن حمري الحبابي القحطاني. فـــتى الــــوادي |
09-02-2003, 11:16 | #2 |
من كبار شخصيات الديوانية
|
.. ..... صح لسانك ولسان ابوفواز |
09-02-2003, 11:24 | #3 |
عضو
|
فتى الوادي تسلم وصح لسانك ولسان القائل ما تنقل الا الجميل صاحب القلب الذهبي طميران |
09-02-2003, 12:40 | #4 |
عضو شعبيات
|
حيـــــأك الله يا سلملم ويامرحبا بك. وصح بدنك واشكرك على الرد. تقبل تحياتي. فــتى الـــوادي |
09-02-2003, 12:42 | #5 |
عضو شعبيات
|
حيــــــأك الله يا طميران ويامرحبا بك وبردك. واشكرك على المشاركه يا صاحب القلب الذهبي طميران . وتقبل تحياتي. فـــتى الـــوادي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|