14-12-2001, 04:53 | #1 |
عضو شعبيات
|
انا وقبرها
راعي الابل 00 ياقبرها وشلون حال الذي فيك 000000000كم مره عني لك تسولف تبيني علمني عنها شوف عيني تناجيك 0000000 ياعز قبر جاوب سؤال الحزيني القبر 00 ابخير ابشرك دوم ودايم تناجيك 00000000 كم صوتت بسمك تقول ابيجيني هذا هي فيني كل الاوقات تطريك 000000000 تصرخ تنادي وينه عني وويني راعي الابل 00 عليها تكفى ياقبرها لاوصيك 00000000 اللي اسكنت بك ساكنه دوم فيني وكانه علي لاقفيت برجع الآقيك 00000000 ماعنك يبعدني سوى قرب حيني القبر 00 اسمعها تصرخ لك وفيها تعزيك 0000000000 وصاها تتحمل حيات الونيني لاتخونها تصرخ ترى هايمه فيك 0000000000 لو ماالممات اللي يفرق سنيني راعي الابل 00 اخونها وشلون ياقبر احاكيك 00000000 وهي غلاها وعشقها محتويني ياقبرها جاوب وش اللي جرى فيك 000000000 دنياي ابد من دونها ماتزيني القبر 00 اعيونها كل وقت بدمع تبكيك 0000000000متعلقن مابين رمشن وعيني ودها ولو مره تضمها بياديك 0000000000 بس خانها وقتن مريرن وشيني راعي الابل 00 سلم عليها عد رملن يغطيك 000000000 الحين ابمشي وقلها تحتريني باكر بجيها زي هالوقت وباجيك 000000000000 وقفيت مالي كود فركة يديني raaiealbl@hotmail.com |
14-12-2001, 11:14 | #2 |
عضو شعبيات
|
قصيده راااااائعه جدا.....و محزنه جدا جدا جدا الله يعطيك العافيه ويرزقك الثبات ويحييك حياة طيبه.. اللهم ارحم موتانا وموتى المسلمين واغفر لهم اجمعين... وكل عام وانتم بخير بمناسبة العيد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|