20-10-2002, 19:51 | #1 |
عــضـو فـعّـال
|
الــــســـراب (ل رشـــــيد الدهـــــام)
حبيت تشاركوني الاعجاب بقصيدة الشاعر النجم رشيد الدهام ونبحرسويا في روعتها وتماسك كلماتها وجمال صياغتها فلي ولكم (الــــــــســــــــراب ) الصاحب اللي كان مشغلني برد الاسئله** حتى سكت وبعدها صار السكوت افضل جواب كم قلت له:مثلي عن الوان العمر لاتسأله** انا تساوت عندي الوان السعاده والعذاب انا حياتي مالهاالالون واحد واجهله** خليط من لون الهواوالناروالما والتراب مامرفي عمري مراحل؟كل عمري مرحله** في كل عمري كنت طفل وكنت كهل وكنت شاب اصير شايب يوم احس ان المقابيل ارمله** واحيان احس ان المقافي طفلة وارجع شباب انا الغريب اللي جميع الناس به متأهله** واحيان انا اللي خاطره من عرف كل الناس طاب مالي شبيه الاالسكوت اللي يثير البلبله** ومالي نقيض الاالكلام اللي يسمونه هباب ابكي على حالي لآني ماقدرت ابكي وله** واضحك على حالي لآني ماقدرت اضحك عجاب بين الآماني الماضيه والذكريات المقبله** امشي وخطوات الحضور بسكتي جرة غياب اتمهل ان مرتني ايام الرخا مستعجله** واقول لو تقبل علي بالمال يامال الذهاب قدرت اعيش الواقع اللي ماقدرت اتخيله** مدري اصبت العذر اوفي عذري اخطيت الصواب بس المهم اني قدرت اضرب لغيري امثله** وشلون مايرجي ثواب الصدق اويخشى العقاب ماهو غرور ولاتواضع كل مافي المسأله** ياصاحبي اني رفضت احسب لغير الله حساب طرد السراب لمن يحسبه ماء ماهي مشكله** المشكله طرد السراب لمن يعرف انه سراب قصيده تستحق الوقفه والتامل ويجب الاتمر مرور الكرام اتمنى ينال اختياري اعجابكم لاهان شاعرها واتمنى منه المزيد والتالق فهو نجم الجميع والمعبر عن مشاعرهم يكفيني فخرا انه شاعري المفضل ونجمي الساطع ودمتم (لــــيـــــالي نــــــجــــــد) |
21-10-2002, 10:31 | #2 |
شـــاعــر
|
ليالي نجد شكراً لهذا التواصل , وهذا الاختيار الجميل للشاعر الرائع رشيد الدهام ,, ولكن سأقوم بنقل المشاركة الى الديوانية العامة فهي المكان الصحيح لمثل هذا النوع من المشاركات . فسياسة بوح القوافي عدم قبول القصائد الا من شاعرها فقط ,, شكراً لك ولك الود ’’’’’’ أخوك / عبدالله مرّان |
21-10-2002, 12:09 | #3 |
شـاعـر
|
رشيد الدهام .. شاعر تميّز عن الكثير من الشعراء .. من خلال طريقة طرحه يدمج الاسلوب البسيط مع الجزل ... والجزل مع البسيط ! رشيد الدهام .. هو احد اعضاء هذا المنتدى ... وله رد واحد فقط .. لم يكن هنا أبداً .. ولكن احد جماهيره اقحم اسمه في موضوع للشاعر فهد المساعد .. مما دفعه للتسجيل والذهاب لموضوع فهد المساعد .. والاعتذار منه ... وقال ( هذه قصيدتك يا فهد و الإعجاب و المدح في هذا المكان يجب أن يكون لك وحدك..ولا يستحقه غيرك.. ) وانا اقول من هنا ... واعلم ان رشيد من متابعين هذا المنتدى ... هذه قصيدتك يارشيد .. والاعجاب والمدح لك وحدك هنا ... واتمنى ان نرى من مشاركاتك مايسعدنا بالتواصل معك ... الرائع ... ليالي نجد شكرا ً .. لهذا الموضوع الجميل ... ولاهنت اخوك ... خالد التميمي |
21-10-2002, 17:27 | #4 |
عاشقة شعبيات
|
.......... ......... الغاليه ليالي نجد .... ....... شكراً لك على هذا الأختيار الجميل للشاعر الأجمل رشيد الدهام .. .... لاأخفيك سراً فهذا أيضاً من شعرائي المفظلين ... ... لك تحياتي .. وشكراً لذوقك الراقي والعالي جداً .... ........................ .... يالربع .. ياعبدالله انت والتميمي .. .. ليالي نجد ... بنت .. شوفوا توقيعها الله يهديكم ... ... تحياتي لكم ولها ... .... أختكم .... ... سروووووبه ... |
21-10-2002, 19:18 | #5 |
عــضـو فـعّـال
|
كل الشكر لكم
كل الشكر والتقدير اخواني اعضاء ونجوم منتدى شعبيات اخوي عبدالله مران لااخفيك فرط اعجابي بالشاعر رشيد الدهام وماقدرت اتمالك نفسي امام قصيدته ومافيها من متناقضات فهي تجمع كل مراحل الحياه في بيت تامل روعتها وسبك ابياتها واشكرك على التنويه ودمت سالم اختك (ليالي نجد) |
21-10-2002, 19:20 | #6 |
عــضـو فـعّـال
|
تسلم
تسلم على التعقيب اخوي خالد التميمي ولاهنت ورشيد من نجوم الشعر ويكفينا فخرا انه يتمتع بالخلق العالي وحسن معاملة الجمهور فلك كل التقدير والاحترام ودمت سالم اختك(ليالي نجد) |
21-10-2002, 19:23 | #7 |
عــضـو فـعّـال
|
تسلمين سروووبه
تسلمين اختي سراب الليل ولاهنتي واسمحي لي اقول انك تتمتعين بذوق راقي كيف لاوانتي من جمهور ومحبي رشيد الدهام تقبلي فائق احترامي وتقديري ولاهنتي اختي اختك (ليالي نجد) |
24-10-2002, 18:52 | #8 |
العضوية الماسية للموقع
|
شكراً لك 000
رشيد الدهام ... هذا الشاعر الذي أشعر بعد كل قصيدة له بحالة إنعدام جاذبية هائلة ...! أليس من قال في إحدى روائعه : "احيا بك ان قلتي بك اموت واهيم ..واموت فيك ان قلتي اني حياتك" شكراً لهذه الذائقة العالية أختي ليالي نجد و إختيارك كان أكثر من خيالي ... تحياتي لذوقك الرائع ... ــــ.. . |
28-10-2002, 09:05 | #9 |
شـــاعــر
|
الله يعطيك العافية ياليـــالي نجـــد .........
ليـــالي نجد....ما مثلك ليـــــالي ........ طرد السراب لمن يحسبه ماء ماهي مشكله** المشكله طرد السراب لمن يعرف انه سراب لا تعــــــــليق ............... |
30-10-2002, 23:26 | #10 |
عــضـو فـعّـال
|
تسلمين
تسلمين اختي عبير بنت احمد وصدقيني مجرد مرورك بالموضوع اكبرفخرلي عساك على القوه لاهنتي اختك(ليـــــــــــالي نــــــــــــجـــــــــــد) |
30-10-2002, 23:29 | #11 |
عــضـو فـعّـال
|
الله يعطيك العافيه
تسلم اخوي محمد الشهري والله يعطيك العافيه ورشيد شاعرغني عن تقديمي اوتقديم اي انسان له يكفيه ان تقدمه قصائده الاكثرمن رائعه لجمهوره وعشاق ابياته الجميله لك مني كل التقدير والاحترام وعساك على القوه لاهنت اختك(ليــــــــالي نــــــــجـــــــــد) |
01-11-2002, 21:37 | #12 |
شــاعر
|
الاخت ليالي نجد فعلا اختيار ررررررررررررائع لشاعر رائع لا هنت تحياتي اخوك فيصل |
02-11-2002, 21:16 | #13 |
عــضـو فـعّـال
|
الله لايهينك
تسلم اخوي فيصل بن خالد والله لايهينك والرائع قلمك وذوقك لاهنت الله يعطيك العافيه وتاكدان القصائد هي اللي تفرض نفسها على الجمهور الواعي المتفهم والشاعرابياته هي اللي تقدمه لجمهوره ماهوب هواللي يقدمها ارحب مليون لازلت انتظرهديتي الامتى توصل شناطك(سؤال بريئ) اختك(ليــــــالي نــــــــــجــــــــــد) |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|