02-09-2002, 08:24
|
#1 |
|
شــاعـر
|
الجميل ما يضيع بين الاجواد
هذا طال عمركم ماضي مفرح ابن ماضي من فخذ الشقف من قبيلة العوازم كان في اول عمره فارس ومشهور بالشجاعه والظفر وله غزواته وصولاته وجولاته.... ومرت عليه الايام ويهديه الله ويتديّن ويحفظ القرآن ويتفرغ للتجاره ... كثره ماله وشاع ذكره بالكرم وحسن الاخلاق وذات يوم شاهد رجل غير طبيعي.. يمشي ذات اليمين وذات الشمال وياشر بيده ومره يقوم ومره يقعد.. جاه وساله شفيك عسى ماشر؟؟ قال الرجل (هذا الرجل شمري من اهل حايل): مالك حاجتن فيني رد عليه ماضي : قال والله ماروح لين اعرف وش فيك قال الرجل: انه من اهل حايل وجا لهذي البلد وراس ماله ذلوله ومن رداة الحظ ان ذلوله ماتت وانقطع فيه السبيل ولا عارف ولا معروف ومابيده شي يعتاش منه وهو يفز انت ياماضي ويقوله والله ماتضيق وانا موجود وابشر بذلول اطيب من الاوله بس قم الحين معاي والصباح رباح ويوفيه حق الظيف ويكرمه ويوم هقا ان العافيع ردت له وهو ياخذه للسوق وهو يشتريله ذلول طيبه والزاد اللي يكفيه لسفرته ويوم جا وقت الوداع قال الشمري انت شنهو ينقالك رد عليه ماضي قال مالك في معرفتي حاجه ورح عسى الله يسهل دربك المهم وهو يلزمه ويتقضب فيه الشمري وحلف انه مايروح الا يقوله انت شسمك ومن اي قبيله .. وبالفعل صار ان ماضي قاله عنه وعرف بنفسه. .... ويوم رد الشمري لاهله وهو ينتشر خبره بين اهل حايل حتى ان ابن رشيد درى عن سالفته ومري يالايام ويشاء المولى عز وجل ان ماضي يطيح بين الاسرى اللي اسرهم ابن رشيد في معركة الصريف ويصير انت يالشمري عامل لبن رشيد ويتولا اعدام الاسرى حدا بالسيف ويوم جا الدور على ماضي الا تطيح عين الشمري عليه وهو يقرب له قال انت ماضي؟؟ ويصد عنه ماضي و يقضبه بكتبه ويردها عليه يقول انت ماضي قال اي نعم ... ويقوم الشمري ويأمر السيف ان لا يقتل احد حتى يعود له ويروح الشمري لبن رشيد ويقوله ياطويل العمر به رجال راعي جميل علي واني طالبك ان تعطيني اياه.. رد عليه ابن رشيد قاله هو صاحب الذلول : جاوبه الشمري قال اي بالله هو. قال بن رشيد الله عطاك اياه المهم وهو يفز الشمري يمه وياخذ ماضي ويقعده عنده ثلاث ايام وفي اليوم الرابع قاله ياماضي راح تروح لهلك اليوم وهو ياخذه ويتعدابه حدود حايل ويوم تعداها وهو يعطيه ذلوله ويقوله هذي ذلولي واسمها مردحه وهذي بندقي وانت صاحب الجميل الاول ومع السلامه المهم العازمي قصد قصيده وهذي الابيات اللي احفظها منها: روحيبي عن الليل يا مردحه ............. عن سباع الخلا والمعاشي بعيد واقطعي نازح الخد بالدلبحه ............. وتعدي الادنا وذاك البعيد رفرف الجوخ فوق النظام مملحه .............. ياركبنا عليهن بصاف الحديد ول ياقاعدن بالردا مسلحه ,,,,,,,,,,,,, ما يزيد النشاما بعلمن ما يفيد ... وتسلمون |
|
|
|
03-09-2002, 03:08
|
#2 |
|
شـــــاعــــــر
|
محمد العزران هل تقبل اعجابي فيك ؟
صح لسانك وقلبك على هالسالفه العدله صراحه يشوش راس الواحد وهو يقرا ناس كنها الجبال ما تنطال صح لسانك والله يرحمهم والله ياقل الي يبي يفعل افعالهم الحين 000 اخوي محمد انت رائع في طرحك ورائع في اخلاقك واعجابي فيك لا يكتنفه حد 000 تقبل تحياتي ايه الرائع اخوك صالح السبيل ابونوت |
|
|
|
|
03-09-2002, 20:03
|
#3 |
|
شــاعـر
|
هلا ابو نوت والله تو ما اسفرت ونورت الصفحه ولا مهونه بالربع والاخوان والخوات لو ما يجي احد غيرك فالمتصفح كفاني فخر والاعجاب ياخوي متبادل وصدقني انا متابع لما تكتبه وتشارك فيه تقبل تحياتي |
|
|
|
|
08-09-2002, 16:36
|
#4 |
|
رحمة الله عليه
|
اخوي محمد العزران تسلم يمناك على هالقصه الجميله وعز الله ان الجميل مايضيع بين الاجاويد واشكرك واتمنى انك ماتقطع |
|
|
|
|
20-09-2002, 05:29
|
#5 |
|
عضو شعبيات
|
اخوي.... ........ // ونعم// .......... وستين الف // نعم// ... في هالسوالف .............. " عبر" " عضات" ... واشياء كثيره .... مير الله يلطف بالحال .... شكرا لك ,,, ودمت هنا ... أخوك/جاسر الحربي |
|
|
|
|
30-10-2002, 09:10
|
#6 |
|
شــاعـر
|
الاخ عزيز والا قلوبنا شقاؤنا تسلمون وما تقصرون وسامحوني على التاخير |
|
|
|
|
30-10-2002, 10:18
|
#7 |
|
عضو شعبيات
|
لأهنت مليــــــــون ياأأأأ محمـــد العرزان. وقصه طيبه بالحيل اعجبتني بصرااااحه وما ازين من القصه الا قصيد ماضي. ول ياقـــاعدن بالــردا مســـلحه &&& ما يزيـــد النــــشاما بعلـــمن ما يفـــيد وشكرا لك. تقبل تحياتي . اخيك فتى الوادي. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
