22-06-2014, 12:30 | #1 |
شــاعر
|
المطار اللي رسم وجه المسافر!
المطار اللي رسم .. وجه المسافر يختلف في ناس جات وناس راحت! الحزن [وجه الموادع] .. لو يكابر [الملامح] .. كلما نخفيه باحت..!! كيف نخفي وانت قلبك كان ذاخر؟ حب واحساس ومشاعر،ليش طاحت؟! كنت أشوفك في ملامح كل عابر! في الأماكن / في السحاب إن كان ساحت! كنت اشوفك يالملاك .. بقلب طاهر! لين مانفسك عصتني .. واستباحت انهكتني وانهكت صوت الحناجر خلصت ذيك الحكاوي شوف/باحت! صرت اشوفك بس في طاري المقابر! ذكرياتك غابره .. [معاد فاحت] صاحبي والوصل لامن صار [عاقر] كيف ابوصف موقفي والعين شاحت؟ انت صابر .. بس انا ماني بصابر كل نبضه في خفوقي منك ناحت! لجل ابنسى / شوفني دايم مسافر بس طريا الجرح مدري ليه صاحت؟! البعد [وجهٍ كئيب] .. [وقلب كافر] وانت فرصه ماتعوض/ كيف راحت؟! |
28-06-2014, 03:33 | #2 |
شاعـر
|
رد : المطار اللي رسم وجه المسافر!
الله عليك .. كم وافر من الجمال والاحساس المرهف ,, لقد أتحفتنا بهذه الرائعة صح لسانك ملااااايين |
25-07-2014, 04:03 | #3 |
عضو شعبيات
|
رد : المطار اللي رسم وجه المسافر!
انت صابر بس انا ماني بصابر صح لسانك استمتعت كثيراً بهذا النص لله درك وانت فرصه ماتعوض كيف راحت؟؟؟ يعطيك العافيه على هالعزف الجميل على وتر الاحساس تقديري |
05-09-2014, 18:33 | #4 |
.
|
رد : المطار اللي رسم وجه المسافر!
البعد [وجهٍ كئيب] .. [وقلب كافر] وانت فرصه ماتعوض/ كيف راحت؟! على رغم تدخل وضيفتك في هذا النص المعرّف الإ أن شاعرية النص تجبرك على الانحياز له , ــ ربما ــ شكراً من القلب |
علامات |
عبدالرحمن ال مغني |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|