[مشعل بن محيا]

أعنـ ـّها فـالـروح، وأقنـع بهـا الـراس=مـا كـن حـدر قلبـي لقلـبـي كـراسـي
من مكرمات الشرد تركض بالأفراس=مركاض نمرا ً فاللزز ما تراسي
تسعى بخاطر من ملكها والإحساس=ويلفح رسنها مع طوال الحساسي
يبكي النـدى فقـدان نايـف مـع النـاس=نايـف "ولـد" عبـد العزيـز السياسـي
لـو العـروق حبـال وضلوعـي نحـاس=جـذبـت حــزن ٍ قـابـره فــي حـواسـي
يا مدلهـم "الدمـع" مـا يذهـب البـاس=إلا التجـلـد فــي "نـحــور" الـمـآسـي
وإلا العزا اللي فاض به فـارغ الكـاس=قـصـايـد ٍ مـــال لبـحـرهـا مـراســي
مــا شاغـلـت كتّابـهـا بـيـن الأقــواس=لـو كـان مالـه عقـب نـايـف مـواسـي
أعنـّهـا فـالـروح وأردم لـهـا الـسـاس=وأرقـى بهـا عيطـا الطـوال الـرواسـي
اللـي شيّـرهـا شـابـك ٍ ظــل الإلـمـاس=لا خـــر بـــراق الـربــاب مـتـواســي!.
في سفح قيف ٍ صوت نسناسه أوناس=للـي عـن الـراحـل مـاهـوب متنـاسـي
يومـي بـه الطايـف معـا كـل نسـنـاس=ويمـتـد حـزنـه مــن ضـبـا للـفـلاسـي
على رحيـل الحـر الأشقـر يـا قرنـاس=ريف الضعوف اللي على اعداه قاسي
"ملجا ً لمن هو يشكي الضيم والباس"=صعب المراس الشاسع الدبلوماسي
يسبح ملكوت الشعر فيه ويقاس=نوره وياصل بي حدود إقتباسي
من عيّلم ٍ يوم أقتبس منه لا باس=با اللي يكمل قاصرات اللباسي!.
ركن الخليج اليعربي صلب الأساس=رمح الوطن ضد الكيان السداسي
اللي ما ياخذ بالجراير والأدناس=ولا حط للإعدام حبل، وكراسي
ما عنده إلا كرسي العدل نبراس=حقايق ٍ ماهيب سهلة تناسي

[محمد جفال]

أضطريت للدخول للتعليق على هذه الباذخة الشامخة
التي أرى أنها من أروع قصائد الرثاء شكرا شاعرنا
ومرحبا بك في شعبيات الابداع