29-06-2011, 10:46
|
#1 |
|
شاعر
|
إعلان ..!!
اعلنوا وقت الرحيل وخافقي مافيه حيل* وكرروا.. وقت الرحيل ومابقى بالعين ساح بس تكفى .. لا تعيده .. خابره وقت الرحيل* واحذره واخشاه .. ماكنه سوا الكفر البواح *سافروا بي..والا انا ماكل درب(ن) بي يميل* مير مالاهل الظروف القاسية غير السماح انتظرني يالعتيم اللي كما دربي.. طويل* واحتويني ياليدين اللي بها الخفاق طاح وارسميني وسط قلبك .. عاشق(ن) ماله مثيل للغلا ساق العروق الضامية صوب الرماح وناظريني ياعيون(ن) مالها غيري خليل و عالجيني.. لين مايبقى بخفاقي .. جراح من زهابي *.. ماخذيت الا عنا الهم الثقيل والقصيد اللي لو اخبيك في دنياه .. باح والحزن والشوق والحلم الكبير المستحيل* وطيفك اللي كل ماحاولت اقرب منه... راح ** *ما به احساس(ن) اشوف ان له على قلبي جميل* غير لامني رشفت من الامل كاس(ن) قراح * ولا به أقسى من دموعك لا رفض دمعي يسيل* كل ماغمضت عيني ينقلب سم (ن) ذحاح* ودي ابقى بس مايبقى على الذنب الأصيل* وودي ابعد بس وش يبعد عن الليل الصبآح* ليت مالك يالعقول المقفلة ..سيف(ن) صقيل كان جابتها يديني بالطموح وبالكفاح* انتظرني بالغرام الذرب .. والصبر الجميل دام مالاهل الظروف القاسية غير السماح* |
|
|
|
29-06-2011, 11:45
|
#2 |
|
شــاعر
|
رد : إعلان ..!!
ماشاء الله ياعبدالله انت شاعر اي والله شاعر وشهادتي فيك مجروحهـ ... ويعجبني التمسك بالقصيد النبطي الشعبي بعيد عن خرابيط الزوايا هههههههههه اي والله انك اثلجت صدري وارويتني من القصيد الي كنت ابي اسمعه ... . . عساك ماتذوق الحزن يابعدي واذا محبوبتك مارجعت لك بعد ذي القصيده ماعندها سالفه ههههههههههه ارفع عقالي لمثل هذا القصيد واتمنى نتواصل وتطلع على مشاركاتي ... . . لك خالص تحياتي |
|
|
|
|
29-06-2011, 17:41
|
#3 |
|
أبو تركي / شاعـر
|
رد : إعلان ..!!
الله الله يا الحربي محلقة في سماء الإبدااااع |
|
|
|
|
29-06-2011, 20:14
|
#4 |
|
شــــاعر
|
رد : إعلان ..!!
من زهابي *.. ماخذيت الا عنا الهم الثقيل والقصيد اللي لو اخبيك في دنياه .. باح والحزن والشوق والحلم الكبير المستحيل* وطيفك اللي كل ماحاولت اقرب منه... راح الله الله هنااااا شعرررررر رااائعة من رائع ... ياعبدالله دام نبضك الراقي ,,, |
|
|
|
|
29-06-2011, 22:20
|
#5 |
|
متنبي الشعر الشعبي
|
رد : إعلان ..!!
هكذا يكتب الشعر الشعر وهكذا يكون البوح هذا النص الباذخ سماء ثامنه ياعبدالله |
|
|
|
|
29-06-2011, 22:33
|
#6 |
|
عبداللطيف العمري / شاعر
|
رد : إعلان ..!!
مرحبااااابك يالغالي ... مدري وش باااقي اقوول بعد شهاادة هؤلاء العمالقه بس والله عذووبه إلى مالا نهاااايه حتى رحيلك عذب ... تحيااااتي يالذيب ولا تتأخر علينا بالجديد |
|
|
|
|
01-07-2011, 07:03
|
#7 |
|
شــاعر
|
رد : إعلان ..!!
عبد الله الحربي ,, قصيدة رائعه ,, وبوح عليل ,, اشكرك على اتراع الاعجاب ,, لك التحايا |
|
|
|
|
19-07-2011, 05:03
|
#8 |
|
عبداللطيف العمري / شاعر
|
رد : إعلان ..!!
الله يسامح غلاك ويقلع الحاجه تصدق كل ما اشتاق لجديدك ارووح واقرى لك قديم وينك يا خوي .... الله على ايام اول ..... كل ما احتجت شعرك اسمعك . الله يرد خطاك لدروب قوافي البوح . |
|
|
|
|
19-07-2011, 16:58
|
#9 |
|
شــاعر
|
رد : إعلان ..!!
اعلنوا وقت الرحيل وخافقي مافيه حيل* وكرروا.. وقت الرحيل ومابقى بالعين ساح بس تكفى .. لا تعيده .. خابره وقت الرحيل* واحذره واخشاه .. ماكنه سوا الكفر البواح *سافروا بي..والا انا ماكل درب(ن) بي يميل* مير مالاهل الظروف القاسية غير السماح عبدالله الحربي صح لسااااااااااانك إبداااااااااع |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
