22-04-2011, 19:49
|
#1 |
|
شاعر
|
يابو سعد لا عاده الله ولا قال
السلام عليكم ورحمة الله وبركاته اصبح عليكم بالخير جميعا ...انا من فترة اشتكيت لعدد من الاخوة صعوبة وعسر غريب بالكتابة وانقطعت عن الشعر قسريا و لم يهزني شيء لأجل أن أكتب وأعود للياقتي الشعرية السابقة..و كدت أعلن اعتزالي الشعر >> شوي عليهم يا روماريو الساحة الشعبية !!  المهم اليوم جبت هالابيات ..بعد صدمة قووية ما صارت لي قبل وكانت مفاجأة مفجعة صراحة ما عهدته من قبل ..وله رواية ..تساند الابيات امس رحت مع اخوي ..والوقت مطر و حنا ماشين مع الطريق ..شفنا سيارة على جنب الطريق ..طابه في خبرا ..و عندها سيارة ثانية تبي تسحبه للشارع المهم رجعنا .. و المراد نشوف اذا يحتاجون شيء ونعطيهم حبل اذا ما معهم ونمشي ..؟ بس قدر الله ووقفنا ننتظر نتيجة هالسحب ولا نبي نسحب معهم .. المهم السيارة اللي تسحب كانت ترجع للشارع العام ..بالعرض والسيارات رايحة جاية و يشوفون ..وحنا سيارتنا شغالة و نبي نمشي ..بعد ما بغت تطلع السيارة المغرزة وفعلا سحب الله يجزاه خير الرجال بسيارته وررجع ياما لزم الشارع ..وعلمنا بأنفسنا يوم نسمع من ورااهم صووت بريك ...و حنا نبي نرجع من الاساس و سبحان الله تطلع سيارة مسررعة و تصدم سيارة الفازع اللي يسحب السيارة المغرزة بالعرض وحنا ورى هالناس كلها بسيارتنا ..و من قوة الصدمة و مفاجأتها ..طبعا السيارة المصدومة فور بي فور حوض ..طارر من حوضه صفيحة حديدة من قوة الصدمة و تنزل على وجه سيارتنا وحنا فيها ...و الله سلمنا و سلم الجميع والأضرار بالسيارات..؟ لكن فعلا فقدت الشعور دقائق ..ماني مركز من هول الحادثة و أول مرة اشوف اكشن على الطبيعة يا رب سترك ...و بعد ما رجعنا للبيت ..طلعت هالابيات مني وكانت اقرب للفكاهية ..وعلى الفكرة السيارة اللي مغرزة راعيها هندي ..؟ يابو سعد لا عاده الله و لا قال بغت تروح اعمارنا بالفزع فوش بأسباب هندوسي عليه القدر مال طب الخباري وانتخى قال يا غوش ياما اعترضنا للخطر دون الآجال تقول واحدنا يحوش القدر حوش عساه ما يلقى تحت ربي ظلال كدنا نصير بسبته (.........؟؟) و جيناه فزعة كلنا لمثله حبال واهدى هدية مالها سعر وقروش صدمة عظيمة و الله أهواله اهوال جانا من علومه تناتيف و دقوش لو ما النوايا البيض رحنا على الحال تصبح مراكبنا لنا تالي نعوش |
|
|
|
22-04-2011, 22:44
|
#2 |
|
شــاعر
|
رد : يابو سعد لا عاده الله ولا قال
الحمدلله على سلامتكم ياعبدالله والفزعة من شيم الكرام بغض النظر عن جنسية او مذهب المفزوع له وانتو ماسويتوا الا الطيب والعلم الغانم والله يعوضكم خير ويعوض الفزاع الرئيسي اللي تكبد الخسائر في سبيل انقاذ الارواح والممتلكات وصح لسانك وطاب بيانك على قاف الموقف |
|
|
|
|
23-04-2011, 02:58
|
#3 |
|
شـــاعــر
|
رد : يابو سعد لا عاده الله ولا قال
سعييييييييييييييييييييييييييييييد ... تستحق السلامه وانا اخوك .... الله لا يراويك مكروه ،،، وصح لسانك ،،، |
|
|
|
|
23-04-2011, 03:27
|
#4 |
|
مشرف الرحلات البرية والسياحة
|
رد : يابو سعد لا عاده الله ولا قال
الحمد لله على السلامه ياعبدالله وانتم ماسويتوا الا الواجب الله يبيض وجيهكم ولا هي غريبه على مثلك وشرواك الفزعه وصح لسانك على هالابيات ورب ضاره نافعه :d |
|
|
|
|
23-04-2011, 03:34
|
#5 |
|
عضو شعبيات
|
رد : يابو سعد لا عاده الله ولا قال
السلام عليكم ورحمه الله وبركاته الحمد لله على السلامه يا عبدالله وماتشوف الا الخير ولاهنت على الابيات الجزله والوافيه تحيات اخوك |
|
|
|
|
23-04-2011, 19:08
|
#6 |
|
شاعر
|
رد : يابو سعد لا عاده الله ولا قال
ابو مقبل , لا هنت يالغالي الله يسلمك ويبقيك وكلامك على متمه ولا عليك زود يالاكلبي وصح بدنك الخياط , الله يسلمك يا السمي لا هنت على مشاعرك الطيبة وصح بدنك و سلم لي على الامارات مقدور , الله يسلمك يالغالي الف شكر ووجهك ابيض ولا عليك قصور يامقدور وصح بدن المطيري , لا هنت تسلم يا هادي الف الف شكر لمشاعرك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
