[عبد الرحمن العريفي]

قصيدة كتبتها ابتهاجا بعودة خادم الحرمين الشريفين للوطن سالما معافا

ياهاجسي بالشعر هات التعابير=جاك السعد والخير ياهاجسي جاك

ارسم عن الموقف بالاشعار تصوير=لو المواقيف الكبيرة تحداك

الفرحة اكبر من كلام الشواعير=لو تنكتب تملى الدفاتر والابواك

يا خادم البيتين جينا طوابير=وافراحنا زادت بطلة محياك

سلطان للجمهور زف التباشير=بشر جماهير غفيرة تحراك

والهيل فاح من الدلال المباهير=وصب الغلا لك كل شعبك وقهواك

ومن فرحته ياسيدي غرد الطير=والكل من قلبه فرح بك وحياك

حتى الدير لبست ورود ونواوير=وشلون ماتفرح وهي دوم بحماك

غيرك ملك شعبه ببذل الدنانير=وشعبك يابو متعب من القلب لباك

لك في قلوب الناس قيمة وتقدير=الله وكبر ياذرا العرب ما اغلاك

ياسيدي هذي جموع الجماهير=من شوقها جت تحتفل يوم لقياك

في قلبك الطيبة وفي وجهك الخيرو=الشعر يعجر لايعدد مزاياك

ياكثر ماتنفق ايدينك قناطير=ولا درت يسراك عن بذل يمناك

شعبك تراه بخير مادامك بخير=سعادته لاشاف زولك وراعاك

ياسيدي جعله طهور وتكفير=الله يحفظك ياذرانا وياقاك

الله يعدي عنك سو المقادير=وبرعايته ياوافي العهد يرعاك

[سعيد بن مقبل الأكلبي]

إقتباس »
الرسالة الأصلية كتبت بواسطة عبد الرحمن العريفي

غيرك ملك شعبه ببذل الدنانير=وشعبك يابو متعب من القلب لباك

لك في قلوب الناس قيمة وتقدير=الله وكبر ياذرا العرب ما اغلاك

صدقت ياعبدالرحمن
الحمدلله على سلامة ابومتعب
وصح لسانك وطاب بيانك

[صـدى الصـوت]

صح لسانك أخوي عبدالرحمن
ولا هنت أخوي على القصيدة القمة على من تربع على القمة
بإنسانيته وقيادته الرشيدة
تحياتي لك

[صالح العبدلي]

برعايته ياوافي العهد يرعاك


الله الله صح لسانك ولاهنت يابعدي .. قصيدة جزلة في زعم وقائد وملك محبوب لكل الشعب