13-11-2010, 14:18 | #1 |
متنبي الشعر الشعبي
|
(( فهد بن محمد السديري ))
. اعلم بأنك ستعتب علي في نشر اي مدح يخصك يافهد هي ليست مدح لك بقدر ماهي كلمة حق يابونايف من خويّ يعرف ويثمن خوّتك فلربما يفي بصدق القول ولو بعض من حقك عليه . صلوّا عالنبي .. ياولد.. خذ هرجةٍ \ ماهيب بذمّة كل راوي وهرجتي .. ماهيب هرجة \ لزق خبط \ وطاخ طيخ ياولد .. واشقر مغاتير الطيور \ اسمه نداوي اشقر الجنحان يحشم .. عن زغب فرخ \ وفريخ ! خذ صحيح القول .. ماهو مدح \ مضهود وخلاوي من صديقٍ صادق الخوّه .. ماهي خوّة طبيخ خل عنك الذيخ .. وانظر عاويٍ بالرجم عاوي ! لدّ في ذيب الذيابه .. واحشمه عن كل ذيخ! شفت ذاك؟!! ..اللي بوجهه \ ضحكة القرم الهواوي ؟!! ذاك ابو هيبة تروضّ .. كل ابو قلبٍ فشيخ ! ذاك (ابو نايف) بطيب العوْد .. طيبه عوُد جاوي حي ريح العود الأزرق .. من الزناخه والزنيخ (خطلان الأيدي) من نسل (عامر وبدران) العزاوي ( اولاد زايد ) معقبين .. بكل مخبث عين صيخ! معرّب الجدّين \ فكاااك النشب \ زبن الجلاوووي ازهمه في حزّة .. ثار العجاج مع الصريخ بطيبته \ يستعبد احرار الرجال .. اهل الهقاوي بالنقاء \ والصدق \ وعلى خوّةٍ .. ماهي نفيخ ان بغيته للصعيبة .. جاك فزاعٍ فداووووي وان بغيته بالطناخه .. جاك مطنوخ ٍ طنيخ ماقولها نذر ٍ علي.. قول امتحري له حراوي قلتها قول الخوي .. اللي على الخوّه يشيخ .. قل (فهد) .. قل (فهد) .. قل (فهد) \ ويبان لك .. من شيخته بشت الحساوي!! قل ( فهد ) \ وتشوف شيخ ٍ .. عن مية مليون شيخ!! .. المقرّ بما فيه محمد الدحيمي اخر تعديل كان بواسطة » محمد الدحيمي في يوم » 29-11-2010 عند الساعة » 17:47. السبب: خطأ غير مقصود مع الشكر للأخ سليمان بن سريع |
13-11-2010, 14:39 | #2 |
شــاعرة
|
رد : (( فهد بن محمد السديري ))
هذا النص بمثابة موعداً لشكر نشاركك به يامحمد بـ كل تفاصيله من بداية قوسيه حتى علامة تعجُبيه فالكريم فهد السديري كالصباح اللذي قص اجنحة العتمه واجتمع طهره وبياضه ليحيط بـ أرواحنا عرفناه أنسانياً قبل كل شيء فـ أوجز الطرق الي قلوبنا لذالك هو يستحق الكثير والكثير من مساحات الإمتنان , , محمد الدحيمي صفقت أروحنا قبل ايدينا فـ طيبتك ونقاءك يابو بدر هي ماتقدمك دائماً شكـــراً ولدهشتي متسع اخر تعديل كان بواسطة » نجلاء الشريف في يوم » 13-11-2010 عند الساعة » 15:58. |
13-11-2010, 16:14 | #3 |
شــاعر
|
رد : (( فهد بن محمد السديري ))
والمقر بما فيه يقول انك كفو يابوبدر واعرفك قلبك ابيض ولايدْخله ويبطي فيه الا نفس الفصيله وانا بحكم العشرة والخوة والصداقه والسنين اللي بيني وبينك اعرف مقدار معزة ابونايف عندك وهو يستاهل حتى اني تمنيت مقابلته من كثر ماتجيب طاريه وعلى قول الشاعر علم الحيا والطيبين يبين ولاغرابه ففهد من بيت الفروسية والكرم والشعر والاصالة والقصيده جائت على غرض المديح ولكن تبين فيها حميمية المدح للمدوح وكبر غلاه عند مادحه وكأنني اقرأ لسعد بن جدلان على ما في قلبك يامحمد لهذا الرجل يوم يقول احدٍ اقدّر اللي يعزّه من غلاه واعنآله لو دياره بعيدٍ لين اجيه واحَضُر نورٍ بوجهه ودرعٍ في قفاه لاحضر بيّنت قدْره ولاغاب احْتميه رائع يابوبدر في كل حالاتك وسلمت يمناك ولاعدمناك |
13-11-2010, 16:33 | #4 |
أبو تركي / شاعـر
|
رد : (( فهد بن محمد السديري ))
قل (فهد) \ ويبان لك .. من شيخته بشت الحساوي!! قل ( فهد ) \ وتشوف شيخ ٍ .. عن مية مليون شيخ!! الله الله أبو بدر رائع كعادتك والسديري كفو ويستاهل وشيخ ولد شيخ أمتعتنا وأطربتنا وعشنا النص بجميع أحاسيسنا لا أقول إلا الله لا يفرق خوتكم وأشهد إن خوة الغانمين تنشرى |
13-11-2010, 21:12 | #5 |
هـاوي
|
رد : (( فهد بن محمد السديري ))
قل ( فهد ) \ وتشوف شيخ ٍ .. عن مية مليون شيخ!! يستاهل ابو نايف .. و اللي يعرفه مثلي من سنين الدراسه يبصم بالعشره انه و نعم و كفو و عن مية شيخ دام وفائك يا محمد الدحيمي .. حتى وفائك فن. |
13-11-2010, 21:49 | #6 |
شـــاعرة
|
رد : (( فهد بن محمد السديري ))
حجز حجز حجز راجعه للقصيد ولأهل الوفاء |
14-11-2010, 10:00 | #7 |
الضغط العالي
|
رد : (( فهد بن محمد السديري ))
صح لسانك يابو بدر وانت دايم سباق طيب وابو نايف يستاهل كل خير رجال ماشفنا منه الا كل علم طيب وتقبلوا تحياتي |
14-11-2010, 13:20 | #8 |
عضو شعبيات
|
رد : (( فهد بن محمد السديري ))
محمد الدحيمي بعد أن اغدقت علينا بهذه القصيدة الرائعة الموزونة فلا يسعني إلا أن أقول صح لسانك وفكرك تقبل مروري . |
14-11-2010, 18:50 | #9 |
شـاعر
|
رد : (( فهد بن محمد السديري ))
ياااااااااااااااااااااااااه يابو بدر الله عليك ياشيخ الله عليك أنت تدري يابو بدر إنك أنت السبب الوحيد اللي حببني فالشعر كل ما أقرالك شي جديد أحس كل شي حولي يصفق لك من قوة الإعجاب أجل أنا العبد الفقير الضعيف وش أسوي بالله ما أقول إلا الله يديم عليكم هالخوه والمحبه ومثل ما جمعكم فالدنيا يجمعكم فجنات الفردوس بإذن الله لك كل الشكر والتقدير والمحبه |
15-11-2010, 00:25 | #10 |
عضو شعبيات
|
رد : (( فهد بن محمد السديري ))
صــح الله السـانك .. والجزل لا يــأتي الا بالجزل .. |
15-11-2010, 14:02 | #11 |
شــــاعر
|
رد : (( فهد بن محمد السديري ))
معرّب الجدّين \ فكاااك النشب \ زبن الجلاوووي ازهمه في حزّة .. ثار العجاج مع الصريخ بطيبته \ يستعبد احرار الرجال .. اهل الهقاوي بالنقاء \ والصدق \ وعلى خوّةٍ .. ماهي نفيخ ان بغيته للصعيبة .. جاك فزاعٍ فداووووي وان بغيته بالطناخه .. جاك مطنوخ ٍ طنيخ ماقولها نذر ٍ علي.. قول امتحري له حراوي قلتها قول الخوي .. اللي على الخوّه يشيخ .. قل (فهد) .. قل (فهد) .. قل (فهد) \ ويبان لك .. من شيخته بشت الحساوي!! قل ( فهد ) \ وتشوف شيخ ٍ .. عن مية مليون شيخ!! كفو والله كفو .. فهد السديري يستاهل .. وهو شيخ ولد شيخ .. من أسرة كريمة استحوذت المجد من كل أطرافه . وليس مستغرب على الرجال الأوفياء .. الوفاء يا بو بدر .. وأنت قامة شعرية مؤكد أنها تنطلق من منطلقات الطيب والوفا والمرجلة وتثمّن للرجال مواقفها الطيبة ... أبو بدر .. دائماً في مثل هذه المواقف .. تبقى الكلمة لك .. وأنت خير من يمثل الكلمة الصادقة .. المتمثلة .. بالـــ شعر . دام حضورك ونبضك ,,, |
15-11-2010, 14:04 | #12 |
مشرف الرحلات البرية والسياحة
|
رد : (( فهد بن محمد السديري ))
اللهم صلي على محمد وعلى ال محمد ابو بدر صح لسانك ولفته غير مستغربه منك وابو نايف كفو ويستاهل الناموس والذكر الطيب وعسى الله يجمعكم ويجمعنا بدار كرامته |
16-11-2010, 19:09 | #13 |
.
|
رد : (( فهد بن محمد السديري ))
المبدع متنبي الشعر الشعبي ابو بدر الغالي على قلب اخوك هنا سيل من شعر وحب يغمرني حتى الخجل ووفاء غير مستغرب من الدحيمي الذي كان وما زال وسيبقى الأخ والصديق العزيز والوفي كل ما أقرأ لك اتأكد أن لا شعري المتواضع امامك يقدر يجاريك ولا الكلام ولا الوفاء لبعض ما اكرمتني به ما في قلب اخوك من المحبة والاحترام والتقدير اكثر صح لسانك حتى ترضى كل عام وانت بخير ومن العايدين وكل من مر من هنا مشكورا واكرمني باحتفاءه وطيبه وكل عام والجميع بخير ولا خلا ولاعدم منكم جميعا تحيات مغليك اخوك فهد |
17-11-2010, 00:44 | #14 |
هول الليل/ شاعر
|
رد : (( فهد بن محمد السديري ))
من كريم لمستحق صح لسانك ويستاهل المدح فهد السديري |
17-11-2010, 02:09 | #15 |
النجدية
|
رد : (( فهد بن محمد السديري ))
هكذا الصدق .. يدفع الشاعر المبدع لأعلى مراتب الشعر لم نعهدك الاّ صادقا ووفيا لإحساسك أيها الشاعر الأروع .. كما تتباهى القصيدة في شخص الـ فهد السديري .. نحن - والله - نتباهى بك .. ونفاخر بك أمام أنفسنا .. شعبيات كلها تفخر بأنك أحد رايات الشعر ومن كبار اهراماته في شِعرك دائما مختلف .. يشبه تفردك .. بملء الود .. صح نبضك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|