[خيّاله]

مدخــل......

تحــــن القلـــوب العاشقــه والضلـوع العــــوج= مثـــل ما تحــــن اللـــي عــــن الـــذود مفــــروده
علــى الصاحب اللي له غــلا بالضميـــر يلوج=تمكـــن غــــلاه وغــــيـــره النفــــس مصـــــدوده
حبيـــب غلاه يسوج قلبي وروحـــي ســـوج=كمـــا سوجـــة النسنـــاس غصــــن زهــا عوده
يميلــــه يمين يســـار وصفه كدفـــع المـــوج=لمركـــب غـــــرام فيـــه قلبـــيــــــن مشـــــدوده
يناغيهــم الغربــــي وهمـــس القلوب يفــوج=مناجـــــاة نفـــــــس ونفـــس آخــــذ ومـــردوده

الا يا منية القلب المولع = ترى حبك تمكن في الحنايا
دواليب الهوى لك في ضميري = كما الغربي إلى ساق الرفايا
عشقتك يا بعد أهلي وناسي = ثم اخترتك على كل البرايا
تمكن في حشاي الود منك = عليه أغلقت بيبان وزوايا
وباق الخلق يا مضنون عيني = عساهم يا عساهم لك فدايا
لك الله يا نظر عيني وروحي = بأن حبك مسوي بي سوايا
أحس انه يهز القلب مني = كما دلو على جال الركايا
ولكن السعادة غامرتني = بعشق اللي جمع كل المزايا
حبيبي وصفه من الناس كايد = بطيب وعقل ومنطوق الشفايا
له هروج تسلي لا لفتني = بطعم الشهد في صافي الخلايا
وعهد وافي لي بالمحبه = وأنا بالود أعطيته وفايا
تصافحنا يميني في يمينه = بعهد دايم حتى المنايا
بأنه لي وأنا له دام راسي= يهبه من هوى نجد صبايا

مخـرج

::

انا البارحه ياحيل ربي قوي الحيل=سرى الليل كله ماتهنيت برقادي
تبين عمود الصبح واقفى عمود الليل=وانا لاعذلت القلب من يمه ازدادي
على اللي هروجه تقعد الراس مثل الهيل=إلى قدّم الفنجال راح العمس غادي
انا ارجيه رجوى البدو حزة طلوع سهيل=وكما يرجي العطشان مصدار ورّادي

[نمرالعتيبي]

الخياااااله


رسمت بحرووف خياااليييه ارووع واجمل لوووحه
وطرزتي برقي الفكر ارقي ابياات شعريييه يسلم راااااااااااااااااااسك على هالجزاااله
وعلى هالابدااااااااااااااااع من شااعرت الابدااااااااااااااااع وعسااك على القووووه

[جابر السلمي]

الخيالة
هلالية ، بارقة شعر وترف جميل
صح قلبك

[خيّاله]

إقتباس الرسالة الأصلية كتبت بواسطة نمرالعتيبي الخياااااله رسمت بحرووف خياااليييه ارووع واجمل لوووحه وطرزتي برقي الفكر ارقي ابياات شعريييه يسلم راااااااااااااااااااسك على هالجزاااله وعلى هالابدااااااااااااااااع من شااعرت الابدااااااااااااااااع وعسااك على القووووه

كثيرا على قصيدتي هذا الثناء الذي يشبه
دوحة فينانة غناء يمرح في ظلالها الضباء العفر
فشكرا الف
لجزالة مرورك

[راشد بن منصور]

صح لسانك خياله

[علي الخطيب]

خيّالة ..

وكّان القصيدة تأخذ من الاسم البعض ..

المدخل والمخرج والقصيدة وكل حرف هنا ( يُطرب ) ..

اتمنّى ان اقرأ المزيد لخيّالة

ما ننحرم