20-05-2010, 20:59 | #1 |
شـاعر
|
اللحوم المروحة
| لاصرت بيدين العرب تومي سواة المروحه = اعرف ترى حبك لا باحت خدمتك عنهم يبيح واليا اتضح من هم يحبونك من اجل المصلحه = اللي يحشون ابقفاك وقدمك ايكال المديح عطهم قفاك وخلهم مثل الكلاب الممرحه = لاتحتري عند الكلاب الا العواء والا النبيح واقطع صلتك ابهم قطع خيط يلم المسبحه = واسس على صم الجبال اجدار ثابت ما يطيح بعض الرفاقه ما يجونك با العلوم المفرحه = الا يغثونك بشين الخلق والعلم القبيح تدري ويش احسن ما تسوي با اللحوم المروحه = انك تشيل العضو لا اروح من جسدك وتستريح لا عذبك جرح العفن اخير ما به تجرحه = تراه يستشري ويكبر لالقاء الجسم الصحيح واليا لقيت الحاسد الحاقد وودك تذبحه = اظهر له انك با الف خير ووره الرزق الفسيح خله يموت من القهر يوم الحسد ما ريحه = لو كان يملك له سبائك شافها مثل الصفيح وتجارتك مع الردئ لاتعتبرها مربحه = لا انه مايملك غير سؤ الظن والوجه الكليح وافطن لعدوان النجاح امجهزين الاسلحه = كم رمح جاك من القريب وصرت بسبابه جريح ورفيقك اللي طيحتك لاطحت دائم تفرحه = لاتذخره مادام شين الفال يرضى لك مطيح خله يروح ولا يجي وابرك طريق ً روحه = وعطه الجفاء با الحال والعلم الموكد والصريح لاصار ما ينطح معك علم ً يشوفك تنطحه = خله يطيح وجعل حظه من مطيح ً في مطيح لا مت مستغني عن احزانه ودمع ً ينضحه = دمع التماسيح ان ظهر بعيونها ساعة يبيح وان جاوز حدود الادب بين الرجاجيل افضحه = لا انه ما يظهر من مكان القيح لا ابطا غير قيح والكون ما انت بقادر ً تحصيه والا تصلحه = واعلم ترى ان العمر لحظات من الوقت الشحيح |
20-05-2010, 22:36 | #2 | |||
شـــاعرة
|
رد : اللحوم المروحة
ياكثر من ودنا نهديهم هذي الأبيات كل إنسان عديم الأصل , وسريع الخذلان , وسمة الجحود لا تغادره في كل المواقف الإنسانية صح لسانك وفكرك ابيات صغتها بحكمة الكبار لاعدمناك |
|||
22-05-2010, 11:54 | #3 |
شـاعر
|
رد : اللحوم المروحة
الفاضلة الشاعرة نورة العجمي لقد اضاف حرفك جمال لم يكن بها اشكرك على راقي حضورك وحرفك |
22-05-2010, 11:58 | #4 |
الضغط العالي
|
رد : اللحوم المروحة
المهدي بن تركي صح لسانك قصيده جزله من شاعر جزل وتقبل تحياتي |
25-05-2010, 19:49 | #5 |
شـــاعــر
|
رد : اللحوم المروحة
_ * / _ * / المهدي . صح الله منطوقك و لا هان بوحك .. عز الله انك ما جبت الا الصحيح نص صادق دمت بحب علي مكحول |
25-05-2010, 23:28 | #6 |
متنبي الشعر الشعبي
|
رد : اللحوم المروحة
الله الله الله لحظة انفعال اهدت لنا كل هذا الإبداع صح لسانك ملايين يالمهدي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|