16-05-2010, 07:26 | #1 |
هـاوي
|
أنا لحالي ..
أنا لحالي و راح ابريل .. و لا جابك .. مثل كذبه .. تجي بابريل و راح العِذْر ْ.. ما دَوَّرْ .. ظروفٍ تدمح الزلّه و راح اللّي بقابي من فضول يصدّق التأويل و راح البَرّدْ .. ولي بعضٍ ...يلوذ وما لقى كلّه تركني .. لدهشة الدمعه إلى ما خانها المنديل تركني .. و الأمل قد مات بسيفٍ ما بعد سلّه نعم جيتك على الموعد .. لعنت القال قبل القيل نعم جيتك على الموعد .. وأصلي ماحترى ظله نخيت اللّي بقى من نور .. يجيبك قبل ذلّ الليل نخيت الوقت يرجع بي .. قبل لا يذلّني ذلّه أعافر لحظة المغرب .. و نهاري ما بقي به حيل يا ليت الشمس ما تغرب .. يا ليت الشمس منشلّه و ضجّْ الصمت .. و موالي .. نسى بشفاهي التمويل وقف صوتي على حيله .. يعزّي القلب و موَّل له أنا لحالي .. وكل الصدق .. يملا مسرحي تمثيل أنا لحالي .. أنا الحالي .. كثيري صار يا قلّه !!! عبداللطيف بن عبدالله بن عبداللطيف بن ابراهيم آل الشيخ اخر تعديل كان بواسطة » عبداللطيف بن عبدالله بن عبداللطيف آل الشيخ في يوم » 16-05-2010 عند الساعة » 07:37. |
16-05-2010, 09:07 | #2 |
شاعـرة
|
رد : أنا لحالي ..
يا صباح الشعر .. هنا شعر مختلف .. ابتداءا بـ راح ابريل .. انتهاءا بـ كثيري صار يا قله .. استوقفني هذا النص كثيرا .. مدهش ورب البيت .. ود وورد .. |
16-05-2010, 12:06 | #3 |
عسـ طرقي ـاااس / شــاعر
|
رد : أنا لحالي ..
نخيت اللّي بقى من نور يجيبك قبل ذلّ الليل نخيت الوقت يرجع بي .. قبل لا يذلّني ذلّه نخيت اللّي بقى من نور يجيبك قبل ذلّ الليل نخيت الوقت يرجع بي .. قبل لا يذلّني ذلّه نخيت اللّي بقى من نور يجيبك قبل ذلّ الليل نخيت الوقت يرجع بي .. قبل لا يذلّني ذلّه الله الله ياعبداللطيف .. صح لسانك ونبضك |
16-05-2010, 13:04 | #4 |
شـاعر
|
رد : أنا لحالي ..
اخ بسسسس ... ليت القصيدة لي ..! صح لسانك يا عبد اللطيف ..ولا تخاف عيني باارده |
16-05-2010, 13:53 | #5 |
هـاوي
|
رد : أنا لحالي ..
منتهى القريش .. المدهش و رب البيت قرائتك .. و تعليقك . |
16-05-2010, 13:55 | #6 |
هـاوي
|
رد : أنا لحالي ..
سعيد المري .. أنا لحالي .. أنا الحالي .. كثيري صار يا قلّه !!! أشكر تورطك بقرائتي |
16-05-2010, 14:01 | #7 |
هـاوي
|
رد : أنا لحالي ..
الأخ تركي عبدالله .. كلمتك هذي تكفيني .. و لو قلتها و وصلتك .. أبد كنّك انت اللي قايلها و صدقني .. الشعر ما يحفزّه إلا إنت و أمثالك اشكر لطفك و مرورك و خفة روحك |
16-05-2010, 20:17 | #8 |
متنبي الشعر الشعبي
|
رد : أنا لحالي ..
الله الله ياعبداللطيف صور شعريه ولا اروع من كذا الجميل ان كل نص جديد لك افضل من الذي قبله الا تتفق معي بأن الغربه على رغم المها الاً انها حافز للأبداع ؟ دمت بهذا التوهج يابو عبدالله |
16-05-2010, 22:57 | #9 |
هـاوي
|
رد : أنا لحالي ..
الأخ محمد الدحيمي .. اتفق معك بشده و بشده الف شكر على متابعتك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|