[فهد اليامي]

ابو بدر

اليوم شارب فنجالك

واستلم

كان الدحيمي باقيٍ فيه سنٍ في جماه=لا ياكل الا لقمهٍ باردٍ ماعونها
اغوابه الجزار حتى خذى من يده شاه=ولا عطاه امن الذبيحه ياكود اقرونها

[نايف سعود]

الله عليك يافهد أنت مثل الحديد كل ما طرق زاد حده
أبو بدر يسد حاله تراي أشجعك عليه ههههههههههه
لاكن المره هذي أنا في صف الدحيمي بأنتظار
أبو بدر واصلوا يعجبني لعب الكبار

[فهد اليامي]

ابو سعود

انت وابو بدر

انا شارب فنجالكم

هههههههههههههههههه

يشرفني متابعتك وحضورك

[محمد الدحيمي]

السموحه عالتأخير يافهد

اررررحب يابو سعود
هذا الكلام وارق سنود
الضغط عالي مافيه كلام اصبر له


ها استلم يافهد :

دام الدحيمي حيّ بالشعر فابشر بالحياة
حياة ماتقصر هقاوي العرب من دونها

انا جمالي واجد ومن خذا شي فداه
ياناهبين الهدية بعدما تهدونها

[فهد اليامي]

انته تقوله بعد حبك دخل وسط الرحاه=وبضاعتك فالسوق برخيص مايشرونها
لو ان قيس ابن الملوح عرف يرفع عصاه=ماساقته ليلى يالينه غدى مجنونها

[محمد الدحيمي]

خذ منه الحق يابو سعود تراه يكلمني قد له ساعة بالجوال

اقرب اقرب يافهد :

هذا خبر وآفات الأخبارمن عند الرواه
ياكود في رأسك هجوسٍ تطير اسكونها

(ليلاك) راحت في دروب الحفاة العراه
والي يزور العاصمة ماجهل قانونها

[نورة العجمي]

صحت السنتكم
النار ولعت والشعر أحتمى والتصفيق أعلى
والشعار كبار كبار ماشاء الله تبارك الله

الله لايضركم
متابعة بحماس أكثر
انا مازلت في صف شاعرنا الدحيمي
واصلوا لاعدمناكم

[فهد اليامي]

ابو بدر صح لسانك

وبيض الله وجهك

والحقيقه ان المحاوره ممتعه

وانشاء الله انتقابل في محاورات قادمه

وتقبل خالص تحياتي