[خالد بن صمّان]

من الأرشيف ربّمـــا ,, تحوز على الرضى !!!

نصف العمر قفّى .. طموحات واحلام=والنصف الاخر جاني .. احزان وهموم
الخلق تمسي .. تــالــي الليل .. وتنـــــام=وانا عيوني .. حرّمت .. تقـــرب النـوم
ما نـــام إلاّ حظّـــي .. وما بعد قـــام=والله يقطـــع .. نـــومة الحــــظ ياقـــوم
كنت آتحلّـــم .. أطلع الغيـــم في عام=واليوم افكّـــر .. كيف ابــ آطــالع غيــــوم ؟
تخلف بي الهقوة واقول: انّه .. صيـام=وشفت الفطور اَبعد .. وطوّل بي الصوم!!
المشكلــــه .. إنّي تسحّـــرت .. الاوهام=والوهم .. ما يبـــقى .. ولا يتبــــع سلـــوم
يا ليتني .. جهّزت سفنٍ للايّاااام=من قبل لااغرق // كان جنّبت ذالعـــــوم
لا تامن الدنيــــا .. ولا تصدّق اقـلام=كم خـادمٍ قبل اشهرٍ كان مخدوم
دنياً ردّيه خلّت القرم .. ينضــام=وخلّت هشيش السّاس .. من صفوة قروم
البــوم طار وصار في منزلة (تــام)=والحــرّ طاح وصار في منزلة بـــوم!!!

ملاحظه // ((تام)) >> مسمّى يطلق على الطير في أحد مراحل نموّه ,, ومعناها واضح

^^^^^ حسب معلوماتي المتواضعه^^^^^




تحيّهـ للكل ...

[الغناوية]

صح لسانك يالشاعر

[خالد بن صمّان]

صح بدنك يالشيهانه ..

شاكر مرورك ..

[الملتاع2]

كــــنــــت آتــحـــلّـــم .. أطــــلــــع الــغـــيـــم فــــــــي عــــــــام
والـــيـــوم افـــكّـــر .. كـــيـــف ابـآطـــالـــع غـــيــــوم ؟

بإمكاننا اسقاط هذا البيت على أشياء كثر في حياتنا
جميل ياخالد
صح لسانك

[خالد بن صمّان]

الملتـــــــــاع2

أشكرك على مرورك الراقي طال عمرك

تحيّتي واحترـــــــــــــــامي

[عنود]

لاتامن الدنيـا .. ولا تصـدّق اقـلام كم خادمٍ قبـل اشهـرٍ كـان مخـدوم

دنياً ردّيـه خلّـت القـرم .. ينضـام وخلّت هشيش السّاس .. من صفوة قروم

[خالد بن صمّان]

الاخت عنوود

أشكرك على مرورك المبهج ومنطقك الناضج

كلامك صحيح وانا اعلم بان جميــع مايحدث بمشيئة الله واعوذ بالله من الاعتراض على قدره وحكمته

ولكني في هذا النص اتحدث عن حدث معيّن كتبت من خلاله

وأنا أحذّر من الذي يمكن ان يحدث بصوره عامه فقط .. ولا اشجب واستنكر ماحدث ..!


لاتامن الدنيـــا ولا تصدّق اقلام
كم خادمٍ قبل اشهرٍ كان مخدوم


تحيّتي لك
واكرر شكري لشخصك الكريم