[متعب فهد]

. . سلام الله على دروب المنيّـه = عقب ما اقفى وأنا عيني شقيّه

مودعني وطوّل فـي وداعـه = قويـه صـدة الغالـي قويّـه

حداني للعنـا يـا رحمـة الله = وأنا ما قد بـدا منـي خطيّـه

على الله وين قلبي هو غدابـه = ما دام الوصل ما هو في يديّه

على الفرقا كتبت اله القوافي = عساه يحـن وضـاح الثنيّـه

تعلاّ في سمـا حبـي تعـلاّ = غلاه يزود ما ينقـص شويّـه

على بالي يمر بوسط فكـري = خياله والمشاعـر لـه نديّـه

تسج النفس من ذكراه ساعـه = وأعوّد واثرها العله خفيـه !!

الا يا بري حالي شق جيبـي = عقب ما غاب عني نور ضيّه

أكيد أنه سمع هرج العـواذل = وشايا هروجهم عنـي رديّـه

يا ثقل الصبر .. يا ثقل الليالي = أنا والهـم والدمعـه سويّـه

وانا رجل ٍ على ما قيل صابر = لو القى فالعرب شخص ٍ حليه

احب بصدق ما هو بالتسلـي = هني من لا عشق لا وا هنيّـه

اسج احيان وآهيجـن واغنـي = ليا زار الفكر روحـه وجيـه

وليا هبت نسايم قلـت حظـي = وأثر للحزن في عينـي بقيّـه متعب فهد

[سعيدزهران]

صح لسانك يابو فهد..
قويه صدت الغالي قويـه = عقب فرقاه انا روحي شقيه

[الغناوية]

صح لسسانك يالشاعر ولاتهون

[سالم بن جلعان]

هلا وغلا يا متعب
وتسلم وصح لسانك على النص الجزل

احب بصدق ما هو بالتسلـي
هني من لا عشق لا وا هنيّـه

جميل جدا ً هذا النزف ... العزف

تقبل تحياتي

اخيك


سالم

[علي آل جربوع]

الشاعر متعب فهد :

" قويّة صدّة الغالي قويّة " شطر بيت , أو عنوان قصيدة , كل ّ ما في الأمر أنّه درّة شعريّة ضمن درر قرأتها هنا .

أتيت للشعر , وهنا وجدته , لم اكتفي ولن أشبع من الجمال .

دمت بخير .