[فيصل فهد]

؛

مدخل :
يمكن يقتلك صمتي .. !
لأني مستنكر الواقع .. ومستنكرك
لأجل إنك بعيد ..
يمكن يطول بك وقتي .. !
إذا كنت فاضي وضايع .. وما أستخسرك
دامك عنيد ..

للموج .. للريح .. للشراع
بأرمي كلمة وداع
للخوف .. للضعف .. للضياع
بأهدي كلمة هجر
على شطوط السفينه
تارك خطوطي الحزينه
للشط .. للبحر
أبنسى اللي راح .. من عمري وسنينه
وأبطلق سراح .. عصفورة سجينه
لشعاع الفجر

شفت الزمان يعود
وإلـ نفس المكان نعود
في حلم الأمس .. كانت .. عتيقه
واليوم ..
في وجه الشمس .. بانت .. حقيقه
ما تعرف الجحود
خذتني ثواني .. خذتني دقايق
ما دروا خلاني .. عن موعد العاشق
ويا العيون السود
موعود .. موعود
موعود

تارك وراي .. عناي .. وشكوتي
على شباك الصيد
وجيت لأجلك .. يا هناي .. وفرحتي
في يوم لقاك العيد
ليت الثواني عمر
ليت الدقايق ما تمر
لأجل ما نفترق وتكون بعيد
يا زين السوالف والتنهيد
زيد .. زيد
زيد

في صمتي .. حسيتك
في وقتي .. لقيتك
شفتي .. شفتي
من وين أنا جيتك
جيتك قبل أذبل .. في الهوى .. جريح
جيتك قبل ترحل .. للمدى .. والريح
وقبل لا يغيب الأمل .. وأزعل .. وأصيح
بأقولها لك .. دامني في بيتك
حبيتك .. حبيتك
حبيتك

: مخرج
هذي الحقيقه .. !
باينه من سكوتي .. في نبرة صوتي
إذا أنا حكيت ..
صعب تختفي مني إلا
صعب تختفي عني إلا
إذا أنا صحيت ..

؛

[الجازي]

لأحلام العشق معك حكايات جميلة
ننتظر دائماً سردها بنغم يشبه حضورك

أطيب تحية ..

[عنود]

دع الأحلام تنطلق
ودع المشاعر تكتبك

دمت بحب

[عَـروب التميمي]

نص متهادي حتى في ثورة مشاعرك بهذا الشكل
جميل ماقرأت ورقيق جدًا

[فيصل فهد]

الرسالة الأصلية كتبت بواسطة الجازي

لأحلام العشق معك حكايات جميلة

ننتظر دائماً سردها بنغم يشبه حضورك

أطيب تحية ..

الجازي

أنتي حكاية من تلك الحكايات
إهنئي بين مفردات تغنيكِ .. وحلقي إلى أبعد مدى

من القلب شكراً

[فيصل فهد]

الرسالة الأصلية كتبت بواسطة عنود

دع الأحلام تنطلق

ودع المشاعر تكتبك

دمت بحب

عنود

حضورك فخر واعتزاز لهذا المتصفح

شكراً لقبلك الطاهر

[فيصل فهد]

الرسالة الأصلية كتبت بواسطة عَـروب التميمي

نص متهادي حتى في ثورة مشاعرك بهذا الشكل

جميل ماقرأت ورقيق جدًا

التميمي عُروب

قرآئتك كانت لها نصيب الجمال
ولي منها كرمك السخي أيتها الرقيقة

ملئ أعداد وامتداد هذا الكون ... شكراً