[راجي الوصل]

القلب ياصاحبي قد شرّع ابوابه
مفتوح لك ياحبيبه دوم يا غالي
.
مشاعره صادقة ماهيب كذابة
مشاعر ٍ غيّرت في وضعي وحالي
.
لاتنشد القلب بعد البعد وش جابه
اصبح مع الحب نزّال ٍ ورحال ِ
.
الله يكفيك مما جابه وصابه
عز الله انه تذوق مر الاهوال ِ
.
قد طاح بين الزمان وعضة انيابه
وفرقى المحبين والصدة من الغالي
. . .

[سطام الشمري]

صح الله لسانك على هالأبيات .. في قمة الروعه
لاهنت

[علي الخطيب]

مشاعرٍ غيرت في وضعي وحالي

صح لسانك عزيزي ,, لا عدمناك

رغم بخلك بالابيات علينا

اعجبني توقيعك .. لك تحياتي

[نورة العجمي]

راجي الوصل

صح لسانك
ابيات جميلة
نرجوا التصريح بأسمك الصريح كعادة شعراء شعبيات المتميزين
تحية واحترام

[راجي الوصل]

اخي العزيز سطام
شكرا لمرورك الكريم