كل ما اقول اتزين ... تعوّد تخيس!

علي الخطيب · 19-08-2008, 14:33

السلام عليكم ..

اعود اليكم بعد غياب ..

ولكن بقصيدة من القديم المتجدد ..

اتمنى ان تحوز على رضاكم ..

يقول .. :

يا خاطري سقها بليّا احاسيس=خابر شعوري يا نديمي رضاوي
اكتب واعيد البيت واقطع قراطيس=والقاني ارجع وين ما كنت ناوي
ملعون ابو جد الحروف المفاليس=ابدا غزل وانهي القصيدة رثاوي
كلماتها ما فسّرتها قواميس=ما جابها غير السنع والهقاوي
لها بفكري مواصفات ومقاييس=ولها بفكر الناس سرد وحكاوي
في حال منهو عايشٍ في كوابيس=مير الشقا ما عانق الاّ الشقاوي
ثابت تحرّكني هموم وهواجيس=تشيّخت بي واصدرت بي فتاوي
كلما اقول اتزين تعوّد تخيس=ويلي عليها معلمّتني الرجاوي
عايش ولكن في حياة المتاعيس=امشي ويا ليتي احسب الخطاوي
من يوم صرنا يا فؤادي مناحيس=لين انتهينا فوق جمر الغضاوي
مكتوم كنّي رابطٍ راسي في كيس=مضيوف لكن في خفوقي حفاوي
لاوجاع وحزون وحظوظٍ معاكيس=وشيٍ على كل الضلوع متلاوي
اضحك مع العالم وحولي جواسيس=ناسٍ لجل تنهيك تدفع رشاوي
مشكلتي انّي ما اصدّق ولا اقيس=من الفداوي صرت كلّي فداوي
ارقى على المرقاب فوق النواميس=واثري وصلت لراس مابه مخاوي
شاعر يهيّضني جبال وتضاريس=الارض انثى سقفها متهاوي
كنّي انا شعب اليمن تحت بلقيس=مهما تجمّعني نتيجي متساوي
في حب منهو حبّه هبّة نسانيس=سافر وخلاّني رهين البلاوي
من يوم روّح كل مابي مناكيس=فاتح بداري من فراقه عزاوي
هو فوق حدّ ارادتي والوساويس=وعلاج جرحي والطبيب المداوي
ابو قذيلٍ والعيون النواعيس=حمر الشفايف والخدود الطراوي
اللي له اشواقي دروع ومتاريس=اللي له شعوري يجي له شهاوي
كنت احسب اني من رجالٍ أشاويس=ويا شينها لا صرت طفلٍ بكاوي
يكفي غيابه والليالي معابيس=تعبّست بي ايّام صبح ومساوي
يا ليت يرجع واذبح لشوفته عيس=رغم ان مابي للذبايح تقاوي
واطرب واغنّي في يديني مراويس=حتّى ولو صوتي نشاز الغناوي
وآخر كلامي آتعوّذ من ابليس=وابدا صلاتي واختتم به الدعاوي

وسلامتكم ..

علي

.

.

نورة العجمي · 19-08-2008, 16:27

خاطري سقها بليّا احاسيس
خابر شعوري يا نديمي رضاوي

اكتب واعيد البيت واقطع قراطيس
والقاني ارجع وين ما كنت ناوي

ملعون ابو جد الحروف المفاليس
ابدا غزل وانهي القصيدة رثاوي

كلماتها ما فسّرتها قواميس
ما جابها غير السنع والهقاوي

لها بفكري مواصفات ومقاييس
ولها بفكر الناس سرد وحكاوي

في حال منهو عايشٍ في كوابيس
مير الشقا ما عانق الاّ الشقاوي

علي الخطيب
ابيات رائعه استمتعت بها احساس وفكر
صح لسانك وقلبك وفكرك
لا خلا ولا عدم من تواصلك مع قوافي البوح

مروان المرواني · 20-08-2008, 05:56

صح لسانك

ابداع الله يعطيك العافيه

اطربتنا في حروفك حتى لو صوتك نشاز؟ كلامك يجمله.

ارقى على المرقاب فوق النواميس ..........واثري وصلت لراس مابه مخاوي

19-08-2008, 14:33	#1
علي الخطيب شـــاعــر	كل ما اقول اتزين ... تعوّد تخيس! السلام عليكم .. اعود اليكم بعد غياب .. ولكن بقصيدة من القديم المتجدد .. اتمنى ان تحوز على رضاكم .. يقول .. : يا خاطري سقها بليّا احاسيس=خابر شعوري يا نديمي رضاوي اكتب واعيد البيت واقطع قراطيس=والقاني ارجع وين ما كنت ناوي ملعون ابو جد الحروف المفاليس=ابدا غزل وانهي القصيدة رثاوي كلماتها ما فسّرتها قواميس=ما جابها غير السنع والهقاوي لها بفكري مواصفات ومقاييس=ولها بفكر الناس سرد وحكاوي في حال منهو عايشٍ في كوابيس=مير الشقا ما عانق الاّ الشقاوي ثابت تحرّكني هموم وهواجيس=تشيّخت بي واصدرت بي فتاوي كلما اقول اتزين تعوّد تخيس=ويلي عليها معلمّتني الرجاوي عايش ولكن في حياة المتاعيس=امشي ويا ليتي احسب الخطاوي من يوم صرنا يا فؤادي مناحيس=لين انتهينا فوق جمر الغضاوي مكتوم كنّي رابطٍ راسي في كيس=مضيوف لكن في خفوقي حفاوي لاوجاع وحزون وحظوظٍ معاكيس=وشيٍ على كل الضلوع متلاوي اضحك مع العالم وحولي جواسيس=ناسٍ لجل تنهيك تدفع رشاوي مشكلتي انّي ما اصدّق ولا اقيس=من الفداوي صرت كلّي فداوي ارقى على المرقاب فوق النواميس=واثري وصلت لراس مابه مخاوي شاعر يهيّضني جبال وتضاريس=الارض انثى سقفها متهاوي كنّي انا شعب اليمن تحت بلقيس=مهما تجمّعني نتيجي متساوي في حب منهو حبّه هبّة نسانيس=سافر وخلاّني رهين البلاوي من يوم روّح كل مابي مناكيس=فاتح بداري من فراقه عزاوي هو فوق حدّ ارادتي والوساويس=وعلاج جرحي والطبيب المداوي ابو قذيلٍ والعيون النواعيس=حمر الشفايف والخدود الطراوي اللي له اشواقي دروع ومتاريس=اللي له شعوري يجي له شهاوي كنت احسب اني من رجالٍ أشاويس=ويا شينها لا صرت طفلٍ بكاوي يكفي غيابه والليالي معابيس=تعبّست بي ايّام صبح ومساوي يا ليت يرجع واذبح لشوفته عيس=رغم ان مابي للذبايح تقاوي واطرب واغنّي في يديني مراويس=حتّى ولو صوتي نشاز الغناوي وآخر كلامي آتعوّذ من ابليس=وابدا صلاتي واختتم به الدعاوي وسلامتكم .. علي . . التوقيع: في المطار وبيني وبينه سياج=هو ( بدون ) وكن عقلي ما فطن قلت انا مسافر سياحه مع علاج=قال انا مسافر ( بدوّر لي وطن ) . علي الخطيب Twitter: @alialkhateeb81

19-08-2008, 16:27	#2
نورة العجمي شـــاعرة	رد : كل ما اقول اتزين ... تعوّد تخيس! خاطري سقها بليّا احاسيس خابر شعوري يا نديمي رضاوي اكتب واعيد البيت واقطع قراطيس والقاني ارجع وين ما كنت ناوي ملعون ابو جد الحروف المفاليس ابدا غزل وانهي القصيدة رثاوي كلماتها ما فسّرتها قواميس ما جابها غير السنع والهقاوي لها بفكري مواصفات ومقاييس ولها بفكر الناس سرد وحكاوي في حال منهو عايشٍ في كوابيس مير الشقا ما عانق الاّ الشقاوي علي الخطيب ابيات رائعه استمتعت بها احساس وفكر صح لسانك وقلبك وفكرك لا خلا ولا عدم من تواصلك مع قوافي البوح التوقيع: https://www.instagram.com/p/_VLOGDoF...en-by=noouf_mt انستجرام كاتبتنا نوف الثنيان (@noouf_mt) • Instagram photos and videos noouf_mt نوف الثنيان قاصّة / كاتبة ..الكتابة سفر الذات منها إليها لايرافقها إلاّ من يؤمن بها ويُدرك أن للنبض-هُنا-حُبّا وغصوناً تعرّش سلاما www.twitter.com/Noouf_M

20-08-2008, 05:56	#3
مروان المرواني شــاعر	رد : كل ما اقول اتزين ... تعوّد تخيس! صح لسانك ابداع الله يعطيك العافيه اطربتنا في حروفك حتى لو صوتك نشاز؟ كلامك يجمله. ارقى على المرقاب فوق النواميس ..........واثري وصلت لراس مابه مخاوي

عدد المتواجدون في هذا الموضوع » 1 , عدد الأعضاء » 0 , عدد الزوار » 1