27-08-2007, 21:41
|
#1 |
|
عضو شعبيات
|
. . . ( أنقى قصائد أبن زويبن ) . . . دعوة للإستمتاع !!
مساءكم سكر : . .
من يوم طيّر وصقاره على أعصابـه= يمكنّهـا روحـةٍ مابعـدهـا جـيـه إقتل صويـب المحبـة وش تحرابـه= لاصار مامنك حسنه . . عجل السيه اقدم لكم فيما يلي واحدة من أجمل قصائد خالي الشاعر الكبير / عبدالله بن زويبن الحربي .. ظلت هذه القصيدة حبيسة الادراج لولا أنني استطعت الحصول عليها ( خلسة ) . . إعتبرها الكثيرون ( أطهر وأنقى ) قصائد الغزل وإعتبرها بحق جوهرة ثمينه بكل تفاصيلها :
الشعـر بعنـا بسوقـه وأشترينابـه= ماهـو جديـد ٍ علينـا ورث جديـه حطيت لي رايـة ٍ تومـي بمرقابـه= أطول من اللي شمال طويـق مبنيـه المدح والنصح لي باع ٍ مع أصحابـه= وإن جاء مجال الغزل عندي غزليـه قصايد ٍ من سمعهـا نالـت إعجابـه= مصنوعة من ذهب ماهـي بمطليـه أطـب سـوق الجواهـر وأتنقـابـه= وأخفف الوصـف ماحـب الأباحيـه والحـب مافيـه عـرق ٍ ماتساقابـه= مافيه غصن ٍ عروقه بالثـرى حيـه ماهزه الريـح وأقبـل فيـه وأقفابـه= معروف حتـى علـى دور الهلاليـه الحـب دقيـت زره وأنفتـح بـابـه= من غير شوق ٍ يسوق أقـدام رجليـه ولقيت لي حارس ٍ من جـاه هلابـه= مدري وش ديانته ومـن أي جنسيـه قلت الهوى وش تشوف ووش تورابه= فكر وعطني عن الموضـوع خلفيـه كانه مسمـى يشـرف مـن تسمابـه= ياهل ترى من تكـون لـه الأحقيـه قال الهوى كارثه يرثى لمـن صابـه= آلام متعـدده . . وضغـوط نفسيـه لكن حسب رأيي إن الشاعر أولابـه= قلت أكتب أسمي مع الناس الهواويـه أبتفاخـر مــن أول واتضاهـابـه= ولقيت لي ( قاطع ٍ ) مافيـه ماويـه بيديه رمح ٍ يشق الصـدر مضرابـه= حطت شباته بوسـط القلـب حفريـه موت الدجيما ماكنت أصـدق أسبابـه= يالين شلفـا خصيمـه وَقعـت فيـه يابو خـدود ٍ سـواة الـورد جذابـه= وإلا زهور الربيـع بوسـط محميـه ماأحـد ٍ رعـى نبتهـا وإلا تمشابـه= ماهزهـا غيـر نسنـاس الشماليـه من دونها اللي يهابـه مـن تهقوابـه= عوازل ٍ شايكه . . وجيـوب دوريـه ويابو جبين ٍ ليا أمسى الليل يسرابـه= ألليا أتجه للقمر غطـى علـى ضيـه وياعود موز ٍ ليا هب الهـواء جابـه= مـع إتجـاه الريـاح يميـل فوقيـه ويابو شعور ٍ على الأمتـان منسابـه= تشـع مثـل الشعـاع بداخـل الفيـه ليا تخلخل خلول ٍ مع شجـر غابـه= والشمس وقت الشتا ماهـي عموديـه حبك من العام هـز القلـب وأدوابـه= دواية اللي شلع مـن فـوق كرسيـه من يوم طيّر وصقاره على أعصابـه= يمكنّهـا روحـة مابعـدهـا جـيـه خصص وركز وفل الريش وأومابـه= واقفى ورى صيدة ٍ حـذره ومرميـه بين السماء والوطى تنـزل وترقابـه= قبل المسا شرقـت والريـح غربيـه إقتل صويـب المحبـة وش تحرابـه= لاصار مامنك حسنه . . عجل السيه والحكم غصب ٍ على المحكوم يرضابه= لـو أنهـا سنـة ٍ ماهـي بشرعيـة الأمر كله وحـد السيـف وإنصابـه= بيديك . . ماعاد هـو الحيـن بيديـه |
|
|
|
28-08-2007, 01:54
|
#2 |
|
شـــاعر
|
رد : . . . ( أنقى قصائد أبن زويبن ) . . . دعوة للإستمتاع !!
بدايةً أُرحب بـ انضمامك لنا أخي منصور .. كلنا سعادة بـ قدومك .. كيف والقدوم بـ رائعة الشاعر الكبير / عبدالله بن زويبن المعمري الحربي  من يوم طيّر وصقاره على أعصابـه .................... يمكنّهـا روحـة مابعـدهـا جـيـه : إقتل صويـب المحبـة وش تحرابـه .................... لاصار مامنك حسنه . . عجل السيه الله الله وهنا أيضاً أحببت أن أضيف قصيدة أُخرى لـ شاعرنا القدير .. وانت إن شاء الله يا منصور منتب مقصّر بتزويدنا بـ المزيد من قصائده  سمعت لي كلمةمدري ويش اقصاهـا .............. حزت بصدري وانا ماني بهارجهـا لوكـل كلمةالياجتـنـا طردنـاهـا .............. بعنا الثمينـة بسعـر مـا يخارجهـا لومـرت السمـع ماكنـا سمعناهـا ............... ونقفـل الـراس عنهـا لايبرمجهـا ومن يـم هـذا لهـذا مـا نقلناهـا ............... الناس واجـد وتلقـا مـن يروجهـا من جابهـا بيـن خلـق الله وداهـا ............... لوبه مراجل تـرى نفسـه يسمجهـا من عامل الناس في سابق خطاياهـا ............... يقعـد بـدار خـلا مـاداج دايجهـا في كنة تشوي الجربـوع رمضاهـا ............... تيبس غصون الشجر من حر واهجها الناس بالحق حكم الشيخ مارضاهـا ................ ماترضي النـاس لوانـك تحججهـا يالي تبي الطيبـة خذهـا وعطناهـا ................ وخـل الطريـة طريـة لاتثلجـهـا واقضب طريق الاوادم وامش ممشاها ................. اتبع دروب العرب وادرج مدارجهـا وارسم لنفسـك حـدود ولاتعداهـاا ................. من حط نفسه بدرب الضيق يحرجها وان كان نفسك هواها قـام ينحاهـا ................. حط الاعنة بروس الخيل واسرجهـا وفكـر بمنكافهـا قـدام مغـزاهـا .................. واضرب حساباتها وتشوف ناتجهـا وكل بعضده يموح الدلـو برشاهـا .................. وتلقا كبود الضوامي مـن يبرهجهـا وان كان توك على صدرك تهجاهـا .................. حنا ترانـا نـدرس فـي مناهجهـا من يـم مصباحهـا نبعـد معشاهـا .................. اليا قعـد راعـي الضلّـع يدرجهـا لو هي صعيبة اليا نعاجت عدلناهـا .................. واللي تجـي مستقيمـه مانعروجهـا نهتم فـي وزنهـا وابـرام معناهـا .................. ومـن الكرستـال واللولـو نتوجهـا مثل الجواهـر ليـا منـا نضمناهـا ................... وسلوكها من جديد الـزري ننسجهـا مخايـل ترتـدم والصـدر منشاهـا ................... ان دك بالبـال داكـوك يهيجـهـا واليا امطرت ضاقت الوديان في ماها ................... تاخذ اليا الحول مايبسـت مدالجهـا ان صدت الناس عنا مااعترضناهـا ................... ماتقفـي النـاس عنـا ونتولجـهـا وان جاتنا الطيبه بالطيـب زدناهـا ................... الطيبه بالعسـل والسمـن نمزجهـا وان جاتنا الثانيـة نصبـر ونرفاهـا ................... يمكن اليـا فـاق راعيهـا يعالجهـا وان عادها عـودة ماعـاد ينساهـا ................... من حربة في صميم الصدر نولجهـا مسمومـة يبلـش الدكتـور بدواهـا ................... مايقنع الخبـل ليـن انـه يلامجهـا |
|
|
|
|
09-12-2007, 20:11
|
#3 |
|
عضو فعّال
|
رد : . . . ( أنقى قصائد أبن زويبن ) . . . دعوة للإستمتاع !!
ياهلا والله بك يامنصور المعمري قصيده من اجمل ماقرأنا في الغزل شكرا لانك خليتنا نستمتع بقرائتها لاهنت يالغالي |
|
|
|
|
10-12-2007, 00:19
|
#4 |
|
عضو فعال
|
رد : . . . ( أنقى قصائد أبن زويبن ) . . . دعوة للإستمتاع !!
منصور المعمري ..:: دائماً ما اجدك .. مبدع في كل مكان .. من قصائد لك .. او اختيارك لشعراء غيرك .. مدد يا شعراء حرّب ..  |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
